¹ "Moneni ukuti mwila bomba imilimo isuma iya bololoke pamenso yabantu ukuti bamimone, ngamwacita ifyo ninshi tamwa kakwate icilambu ukufuma kuli shinwe uwaku mulu. ² Elo wapela, wilalisha ipenga we mwine kwati ba mbikishi ifyo balepanga muma sinagogo namisebo, pakwebati babatashe ku bantu. Icine cine nebo ndimu kumyeba ati, bena balipoka icilambu conse. ³ Nomba elo wapela, wileka ukuboko kwa cipiko kwishibe ifyo ukuboko kwa kukulyo kule panga. ⁴ Elo amaboko yobe ya pele munkama. Nomba Wiso uumona munkama akakulambula.

⁵ "Ilyo mulepepa, mwilaaba ngaba mbikishi, pantu bena batemwa ukwimaninako pakupepa muma Sinagogo na muma mpatu yamisebo pakwebati abantu babamone. Icine cine nebo ndelanda kuli mwebo ati, bena bali poka kale icilambu cabo. ⁶ Nomba webo, ilyo ulepepa, ingila mu cumba cobe. Upinde na kuciibi nokupepa kuli Wiso, uwa munkama. Elo Wiso uumona munkama aka kulambula. ⁷ Elo ulepepa, mwila bwekesha bwekesha amashiwi ngaba senshi abashaishiba Lesa, pantu bena batontonkanya ukuti ni mukufwiwa kwa mashiwi yabo ayengi. ⁸ Eico, mwiba kwati nibena, pantu Wiso alishiba ico ukabila lintu taulamulomba.

⁹ Eico pepeni ngefi: 'Mwe Tata wa mu mulu, ishina lyenu licindikwe. ¹⁴ Pantu nga mwebo mwelela abantu ukubifya kwabo, namwebo Wiso wa mu mulu akamyelela. ¹⁵ Nomba ngatamubelele ukubifya kwabo, na Wiso takamyelele ukubifya kwenu.

¹⁶ "Elo mwaleka ukulya, ifinso fyenu fiiba ifya bulanda ngaba mbikishi ifyo bacita, pantu bena babwesha ifinso fyabo pakuti babamone kubantu ati naba leka ukulya. Icine cine ndimukulanda kuli mwebo ati, bena balipoka kale icilambu cabo conse. ¹⁷ Nomba mwebo, Elo mwaleka ukulya musambe pamenso musube namafuta ku mutwe. ¹⁸ Pakutila tafimoneke ku bantu ukuti mwacileka ukulya, nomba fimonekefye kuli Wiso uwaba mukufisama; na Wiso uwaba mukufisama akamilambula.

¹⁹ "Mwisungila ifyuma fyenu pano calo, apo ifishishi ne ndalawa fyonaula, naba kabolala balesa nokutoba nokwiba. ²⁰ Lelo, sungileni ifyuma fyenu kumulu, uko ifishishi ne ndalawa tafyonaula, naba kabolala tabengila nokwiba. ²¹ Ukuli icuma, ekuba nomutima. ²² Ulubuuto lwa mubili obe linso. Eico, ilinso ngalili bwino, ninshi umubili obe uli mu lubuuto. ²³ Nomba ilinso ngatalili bwino, ninshi umubili obe onse uli mumfimfi. Eico, nga ulubuto luli muli webo ukupwilila ninshi nimfimfi yacipesha amano! ²⁴ Umuntu umo tekuti abombele bakuuku bakwe babili, pantu kuti apatapo umo umbi amutemwa, nangu kuti alemenena kuli umo nokusuulapo umo. Naimwe tekuti mubombele Lesa nobunoshi bwa fyuma. ²⁵ Eico ndelanda kuli mwebo ati, mwisakamana pa bumi bwenu, ukuti ndelyenshi nangu ndenwenshi; nangu pamibili yenu ukuti twala fwala inshi. Bushe umweo wenu tawacila ifyakulya, nomubili ukucila ifyakufwala? ²⁶ Moneni ifyoni fya mu mulu. Tafilima nokusombola nokubika mumatala, nomba wiso wakumulu alatuliisha. Bushe tamwacindamapo patoni? ²⁷ Bushe ninani pali mwebo nangu engasakamikwa shani engalundilako inshiku sha bumi bwakwe? ²⁸ Cinshi musakamikilwa palwa fyakufwala? Tontonkanyeni pamaluba ya mpanga, ifyo yakula. Tayabomba nangu ukupikula insalu shakufwala. ²⁹ Lelo nebo ndelanda kuli mwebo ati, nangu ni Solomoni wine nangu ali mubukata bwakwe nganshi tatalile afwala ngaumo uwamuli aba. ³⁰ Apo Lesa afwika ifi amaluba yampanga, ayakuti yalipo lelo bwaisaca yaposwa mumulilo, bushe imwe nimwe ashingasa kamana ukufwika, mweba cisumino cinono? ³¹ Kanshi mwilasakamikwa amuti, bushe finshi tulelya?' Nangu finshi tulenwa?' Nangu finshi tukafwala?' ³² Abena fyalo bafwaya ifi fintu, na Wiso wa mumulu alishiba ukuti mulafikabila. ³³ Nomba tampilenipo ukufwaya ubufumu nobololoke bwakwe, na fyonsefi fika bikwapo. ³⁴ Eico, mwisakamana pa bushiku bwa mailo, pantu mailo bukaisakamana ubwine. Cila bushiku bwaliba ne sakamika lya buko.