Icipande 5

1 Ilyo yesu amwene icintubwingi, aile piluka palupili. Ilyo aile ikala, abasambi bakwe baile kuli ena. 2 Elyo aasamwine akanwa kakwe nokufunda bena, atile,

3 "Balishuka abapina mumupashi, pantu ubufumu bwa mumulu bwabo.
4 Balishuka abo bonse abalelosha, pakuti bali no kusansamushiwa.
5 Balishuka abafuka, pantu bena bali nokukwata icalo.
6 Balishuka abo abansala ne cilaka cabololoke, pantu bali no kwisushiwa.
7 Balishuka abacito luse, pantu bena baka belelwa uluse.
8 Balishuka abasanguluka imitima, pantu bena bakamona Lesa.
9 Balishuka abo abacito mutende, pantu baketwa abana baume bakwa Lesa.
10 Balishuka abo bonse abaculila pamulandu' wabololoke, pantu ubufumu bwa mumulu bwabo.

11 "Muli abashuka ilyo abantu balemituka nokumicusha mwebo nokumyeba amashiwi ayengi ayabipa pamulandu wandi. 12 Sekeleleni noku sansamuka, pantu icilambu cenu cikulu mumulu. Pantu muli iyi nshila emo abantu bantashi bacushishe ba kasesema bantashi.

13 "Muli mucele uwa pano isonde. Nomba umucele nga waonaula umusango wauko, kuti walowa shani peka? Tawakatale auwama peka kuli fyonse kano kuposwa kunse nokunyantaulwapo kumakasa ya bantu. 14 Muli ulubuto lwapano calo. Umusumba uwabikwa pamulu wa lupili teti ufisame. 15 Nangu bantu tabasanika akatolitoli nokubika mwisamba lya museke, nomba baibika pacakutekapo akatoliltoli, nayo yaba likila kuli onse mu ng`anda. 16 Lekeni ulubuto lubalike pa bantu mumusango wakuti bamone imilimo isuma nokutakisha Tata uuli mumulu.

17 "Mwila tontonkanyo ati naisa mukona ula amafunde nangu ba kasesema. Nshaisa mukonaula yena, nomba mu kufikilisha yena. 18 Pantu mu cine ndelanda kuli mwebo ati kabili umulu na pano calo fikapita, takuli itoni nangu lilembo limo ilya cepesha ili kafumi shiwapo, kabili ifintu fyonse fika pwishishiwe. 19 Eico uyo watoba limo palyaya mafunde no kufunda bambi uku citefi ali nokwitwa uwacepesha mubufumu bwa mumulu. Nomba uyo onse uwasunga yonse no kusambilisha yonse aketwa umukulu mu bufumu bwa mumulu. 20 Nge fyo nalandile kuli mwebo ati ukucila pa bololoke bwa ba kalemba na ba Farise, mwebo tamwa kengile mubufumu bwa mumulu.

21 "Mwalyumfwa na fintu calandilwe kuli bena munshita sha kale, 'Mwila ipaya,' na, 'Uyo onse uwa ipaya akaba mu bwafya bwa bupingushi.' 22 Nomba Ndelanda kuli mwebo ati uyo onse mulimwebo, uuli nobwafya kuli munyina akaba mubwafya mubupingushi; na onse uwalanda kuli munyina, 'We muntu uushilingile!' akaba no bwafya ku cilye; na onse uwasosa ati, 'We cinangwa!' akaba mubwafya kuku kandwa kumulilo wa gehena. 23 Eico ngauli ne camutulo cabupe cobe pa cipailo peka waibukisha ati munonko ali nafimo kuli webo, 24 Sha ica kutula cobe pa cipailo, nokuya. Intanshi musuminyishanye na munonko, nokwisa tula icabupe cobe. 25 Suminishanyeni bwangu noule kulubulwisha ilyo muli naena ku cilye, nangu umulwani obe talakutwala kuli bakapingula, baku kwikata uku kutwala kuba kulu, nawebo baka kuposa mu cifungo. 26 Icine cine ndelanda kuli mwebo, tawakatale aufuma mulya mpaka wali pilapo kamo akanono kalupiya ukwete.

27 "Mwa lyumfwa fintu calandilwe, 'Wila cita bucende.' 28 Nomba nebo ndelanda ati uyo onse uulelolesha pa mwanakashi nokumukumbwa nacita nakwe ubucende mumutima wakwe. 29 Nge linso lyobe ilya ku kulyo lyakupanga ukubembuka, litonkole kunse nokuli posa. Pantu cawama kuli webo ici lundwa ngacalenga ukupanga ukonaika nomubili obe uku kana yaposhiwa. 30 Nga uku boko kwa ku kulyo kwa kulenga ukubembuka, kuputuleko nokuposa kufume kuli webo. Pantu ciwama kuli webo ukuti cimo icaci lundwa ukuya onaulwa ukucila umubili onse ukuya ku gehena. 31 Neci calandilwe aciti, Uyo onse uwatamfya umukashi wakwe, namupele kalata yakulekana nankwe.' 32 Nomba ndelanda kuli mwebo nati onse uyo waleka umukashi, kano pamulandu wa bulalelale, amulenga ena ukuba umucende. Na onse uwapa uwalekwa acita ubucende.

33 Napeka, mwalyumfwa calandilwe ati kuli abo abantanshi, 'Wilalapa umulapo wabufi, nomba usende umulapo obe kuli Kuuku.' 34 Nomba ndelanda kuli mwebo ati, mwilapa iyo, nangu mulu, pantu ecipuna cakwa Lesa; 35 nangu pano calo, ici eci puna cakunyantapo amakasa yakwe; nangu Yerusalem, pantu emusumba wa Mfumu ikulu. 36 Nangu kulapa umutwe obe, pantu teti upange umushishi obe uwabuta no wafita. 37 Nomba leka ukulanda kobe kube 'E; e; nangu 'Awe, awe.' Ifintu fimbi ifya kucita palifi ninshi fya fuma kumubifi.

38 "Mwalyumfwa icalandilwe ati, Ilinso pa linso, na ilino pa lino.' 39 Nomba nalanda kuli mwebo ati, mwikanya umo uuli umubifi. Uwakuuma uku umupele naka kulyo kwine, pilibuka umupele nokubiye. 40 Nomba umo nga afwaisha ukukutwala ku cilye no kukusenda umukansu obe, leka uyo muntu akwate inshita yobe. 41 Naumo uwakweba ukuya nao ulwendo lumo, kabiye nankwe shibili. 42 Pela kuli onse uwakulomba, peka wi bwelako kuya fwaya ukulomba kuli webo.

43 "Mwalyumfwa icalandilwe ati, 'Ufwile uletemwa umwina mupalamano no kupata umulwani obe. 44 Nomba ine ndemweba ati, temwa umulwani obe nokupepela abo bonse abale micusha mwebo, 45 Elo mwalaba abana abaume Wiso uuli mumulu. Pantu ena apanga akasuba ukutulila ababifi naba suma, nokutume mfula paba ololoka na basha ololoka. 46 Nga mwatemwa aba mutemwa, Bushe cilambunshi mukakwata? Tamuli nga cimo cine ngaba kasonkesha abacita cimo cine? 47 Nga mwebo muposhafye bamunyinenwe, bushe cinshi mwinga cita kuli bambi? 48 Eico mufwile ukuba aba cishinka, efyo na Shinwe wa mumulu wa Cishinka.