¹ Nomba Yesu atungulwilwe no Mupashi kumutengo kukweshiwa kumulwani. ² Ilyo afungile inshiku amakumi yane akasuba nobushiku, ali ne nsala. ³ Umulwani alishile no kulanda kuli ena ati, "Ngoli Mwana mwaume wakwa Lesa, alule libwe ukubo mukate."

⁴ Yesu alyaswike ati, "Calilembwa ati, 'Umuntu teku cilyo ceka ekalilila no bumi, lelo ku ceboconse icifuma ku kanwa ka kwa Lesa.'"

⁵ Nomba umulwani amutwele kumusumba uwamushilo amwimika napa kasonshi ketempele, ⁶ nokutila kuli ena ati, "Nga uli Mwana mwaume wa kwa Lesa, uiponye panshi, pantu calembwa aciti, 'Akakonkomesha bamalaika bakwe ulwa webo,' kabili 'Bakakusenda paminwe yabo, pakutila tauipuntwile kulibwe.'"

⁷ Yesu alandile kuli ena ati, "Napeka calembwa ati, 'Wilaesha Kuuku Lesa obe.'"

⁸ Napeka, umulwani amutwele palupili ulwalepesha, noku mulanga amabufumu yonse aya pano isonde nobu cindami bwayako. ⁹ Alandile kuli ena ati, "Nkakupela fyonse, ngawa pona panshi wampepa."

¹⁰ Nomba Yesu alandile kuli ena ati, "Fuma apa, Wemulwani! Pantu calembwa ati, 'Ulepepa Kuuku Lesa obe, ena eka eo ulebombela.'"

¹¹ Nomba umulwani amusha, kabili moneni, abangeli balishile no kumubombela ena.

¹² Nomba ilyo Yesu aumfwile ati Yohane naba mukwata, alifuminepo aile ku Galili. ¹³ Peka afumine ku Nasarete, no kuya ikala ku Kapernahamu kulu lamba ulwa cimana mumipaka yakwa Sebuluni na Naftali. ¹⁴ Ici cacitike ukuti cifikilishiwe icalandile Esaya kasesema ati, ¹⁷ Ukutula fye pa nshita shilya Yesu atampile ukulashimika, nokweba ati, "Lapileni, pantu ubufumu bwamumulu nabupalama." ¹⁸ Ilyo aleenda mumbali ya cimana ca Galili, amwene bamunyina, Simone uo baleita Petro, na Andrea naba munyina, baleteya ubukonde mucimana, pantu bali bashila. ¹⁹ Yesu alandile kuli bena ati, "Iseni, mu nkonke, kabili Nebo nkamicita ukuba abashila ba bantu." ²⁰ Awe lilya line bashile amakonde bali mukonkele. ²¹ Kabili Yesu pakufuma palya amwene bamunyina bambi babili, Yakobo umwana mwaume wakwa Sebede na Yohane munyina. Bali mubwato pamo na Sebede shibo balelunda amakonde yabo. Nao alibetile, ²² nabena lilya line bashile ubwato na shibo nabo balimukonkele.

²³ Yesu aile muncende shonse ishamu Galili, nokufunda namu synagoes, nokubila imbila nsuma ya bufumu nokuposha amalwele ayalekana lekana mubantu. ²⁴ Ne lyanshi lwakwe lwaile mu Suria, monse na bantu baletelwe bonse kuli ena abalecushiwa ukufuma kumalwele ne fya kukalipwa, na abo abaikatwa ne ngulu, naba fifulubi naba bulebe. Yesu alibaposeshe. ²⁵ Icintu bwingi calemukonka ukufuma ku Galili, na Dekapoli, na Yerusalemu, na Yudea, na kwishilya lya Yordani.