¹ Nomba caishile ati elo Yesu apwishishe amashiwi yonse, alandile kubasambi bakwe ati. ² "Namwishiba ati panuma yanshiku shibili icakucilila cili nokubako, no Mwana mwaume wa muntu ali nokupelwa kuku mwipaya."

³ Nomba ba shimapepo bakulu nabakulu babantu bali kolongene ca pamo kwisano lyakwa shimapepo mukulu, uweshina lya Kayafa. ⁴ Ba pandene amano pamo ukwikata Yesu ukumubeleleka noku mwipaya. ⁵ Pantu balandile ati, "Temunshiku shamutebeto, elo kuti caimya ici mfulunganya mukati ka bantu."

⁶ Nomba ilyo Yesu ali mu Betani mu ng'anda yakwa Simon wa fibashi, ⁷ elo ale wamya petebulo, elo umwanakashi aisa kuli ena na kwata ibotolo lya mafuta lya alabasita amafuta yamutengo aye tulwile na pamutwe wakwe. ⁸ Nomba elo abasambi bakwe bamwene ifi, bali fulilwe basosele ati, "Bushe cinshi aonawila aya mafuta? ⁹ Aya nga twalishitishe pamutengo uukulu, nokupela kuba bulwa."

¹⁰ Nomba Yesu, alishibe fi, alandile kuli bena ati, "Cinshi mulecushisha uyu mwanakashi? Pantu abomba icintu cisuma kuli nebo. ¹¹ Mwaliba nabalanda inshiku pe, nomba tamuli nanebo pe. ¹² Pantu ilyo ena angitila aya mafuta pa mubili wandi, ampekanishisha ukunshika. ¹³ Icine cine nalanda kuli mwebo, konse uko imbila ili nokubilwa monse mu calo, ico uyu mwanakashi abomba konse ikalandwa uku mwibukisha."

¹⁴ Nomba umo uwa mubekumi nababili, uyo baleita Yuda Isikalioti, aile kuli bashimapepo bakulu ¹⁵ nokulanda ati, "Cinshi mulefwaya ukuti mumpele nebo ukuti imiletele ena kuli mwebo?" Bamupele isha mabwe amakumi yatatu. ¹⁶ Ukufuma lilya line batampile ukufwaya umusango wakumuletelamo kuli bena.

¹⁷ Nomba pa bushiku ubwakutampa ubwamukate uushatutumuka abasambi baishile kuli Yesu nokumweba ati, "Nikwisa mulefwaya ifwe tumupekanishishe mwebo ukwa kulila icakucilila?"

¹⁸ Alandile ati, "Kabiyeni mumushi ku mwaume umo mumwebe ati, "Kasambilisha alanda ati, inshita ili mupepi. Nebo ndesunga icakucilila ku ng'anda yobe nabasambi bandi.'" ¹⁹ Abasambi babombele ngafintu Yesu ena abebele, nabena bapekenye icakulya cakucilila.

²⁰ Ilyo icungulo caishile, aikele panshi no kulya pamo nabasambi abekumi nababili. ²¹ Elo bena baleya, alandile ati, "Icine cine ndelanda kuli mwebo ati umo pali mwebo ali nokunshinguluka."

²² Bali ababulanda sana, na umo umo atampile ukwipusha ena, "Cinshika bushe ninebo, Kuuku?"

²³ Naena alyaswike ati, "Uyo uuletobela ukuboko kwakwe nanebo mu nsani ninshi euyo wine alenshinguluka. ²⁴ Umwana mwaume wa muntu alimukuya, nga fintu calembelwe pali ena. Nomba cabipa kuli ulya muntu uule nshinguluka Umwana mwaume wa Muntu! Kuti cawama kuli ulya muntu ngatafyelwe."

²⁵ Yuda, uwali nokumunshinguluka alandile ati, "Bushe ninebo, kasambilisha?" Naena alandile kuli ena ati, "Naulanda we mwine."

²⁶ Elo bena balelya. Yesu abulile umukate, aliupalile, nokumokaula. Apele nakubasambi nokulanda ati, "Buleni, mulye. Uyumubili wandi." ²⁷ Ena abulile nolukombo nokutolela, peka alupele kuli bena atile, "Nweni ici, imwebonse. ²⁸ Uyu mulopa wandi uwacipingo uyo ulepongolwelwa pabengi pakulekelelwa kwa mampulu. ²⁹ Nomba ndelanda kuli mwebo, nshakanweko peka kufisabo fyamyangashi, ukufika pabushiku elo nkanwa ici icipya pamo namwebo mubufumu bwakwa Tata."

³⁰ Ilyo bena baimbile ulwimbo, baile kulupili lwa Miolifi. ³¹ Nomba Yesu alandile kuli bena ati, "Mwebo bonse muleipununa pamulandu wakwa nebo, pantu calembwa ati, "Nebo nkoma umucemi peka umukuni wampanga ukasalangana.'

³² Nomba panuma Nebo ndino kwima, ndino kuya kuntanshi yenu nkamu tangilila ku Galili."

³³ Nomba Petro alandile kuli ena ati, "Nangu nga bonse balewa pamulandu obe, Nebo nshakawe."

³⁴ Yesu alandile kuli ena ati, "Cine cine ndelanda kuli webo, buno bushiku, apo mukolwe talalila, ulenkana imiku itatu."

³⁵ Petro alandile ati kuli ena ati, "Nangu cibe fi Nebo ndino kufwa nawebo, Nebo nsha kakukane." Bonse abasambi balandile cimo cine.

³⁶ Nomba Yesu aile nabo kuncende iitwa Getisemani nokulanda ku basambi bakwe ati, "Ikaleni pano elo Nebo naya kulya no kupepa." ³⁷ Abulile Petro nabana babili bakwa Zebede pamo nabo nokutampa ukwikatwa ubulanda no kucula. ³⁸ Nomba alandile kuli bena ati, "Umutima wandi wakwatwa ubulanda, cawama nokufwa. Pembeleni nokulinda pamo nanebo." ³⁹ Ena aile panono, akontamike impumi, no kupepa. Ena nokulanda ati, "Mwe Tata, nga cinga citwa, lekeni ulukombo ulu lufume pali nebo. Tekufwaya kwandi, lelo bufwayo bwenu. ⁴⁰ Aishile kubasambi asangile baleshipula, ala ndile kuli petro ati, "Cinshi mwafililwa ukupembelela nanebo panshita imo? ⁴¹ Pembeleni nokupepa pakweba ati mwiingila muma tunko. Umupashi naukosa, nomba umubili naunaka." ⁴² Naena aile nomuku wabubili nokupepa, alandile ati, "Mwe Tata, ulu lukombo lwipita kano Nebo nwe, ubufwayo bwenu bucitwe. ⁴³ Naena aishile napeka asanga baleshipula, pantu amenso yabo yali ayafina. ⁴⁴ Elo abashile peka, aile nokupepa umuku wa butatu, alandile amashiwi yamo yene. ⁴⁵ Nomba Yesu aishile kubasambi nokulanda kuli bena ati, "Bushe mucili muleshipula nokulambalala? Lolesheni, inshita naifika, no Mwana mwaume wa muntu alanshingulukwa nokupelwa kuminwe yaba bembu. ⁴⁶ Imeni, natuleya. Lelosheni, uyo uulenshinguluka nebo na palama" ⁴⁷ Ilyo ena acili alelanda, Yuda, umo uwa mubekumi nababili, aishile. Ne cintubwingi icikulu caishile kuli ena pamo nabakuli bashi mapepo bakulu naba kulu ba bantu. Baishile ne mipanga ne konto. ⁴⁸ Nomba umuntu uwaleya mukunshinguluka Yesu alibapele bena icilangililo, alandile ati, "Umo nebo ndetomona emuntu. Ena mukwateni." ⁴⁹ Lilya line aishile kuli Yesu nokulanda ati, "Umutende, kafundisha!" Nokumutomona.

⁵⁰ Yesu alandile kuli ena ati, "Cibusa, bomba ico ukonkele ukubomba." Nomba baishile, nokubika amaboko pali Yesu, nokumukwata. ⁵¹ Moneni, umo uwali pamo na Yesu, aingishe ukuboko kwakwe nokufumya ulupanga, nokukoma umubomfi wakwa shimapepo mukulu, ukutwi. ⁵² Nomba Yesu alandile kuli bena ati, "Bika ulupanga lobe mucibikilo, onse uwanga nolupanga akafwa kulupanga. ⁵³ Ule tontonkanya ati teti nombe kuli Tata, nao kuti atuma ama bumba yaba ngeli? ⁵⁴ Nomba ukuti ilembo lifikilishe, ukweba ati ici cicitike? ⁵⁵ Pali ilya nshita Yesu alandile ku cinabwingi ati, "Mwishile kuno ne mipanga ne konto kuku nguma kwati ndi cipondo? Lyonse Nebo ngikala nokusabilisha mu cilonganino, nomba tamwangikete. ⁵⁶ Nomba fyonse fi fyacitika pakuti bakalemba baba kasesema bafikilishe." Nomba bonse abasambi bamushile nokubutuka.

⁵⁷ Bonse abakwete Yesu bamutwele kuli Kayafa shimapepo mukulu, uko ukwali bakalemba naba kulu bakolongene capamo. ⁵⁸ Nomba Petro alekonka ena akatala mukila apatali mupepi napa musolo waku pingwilapo, yakwa shimapepo mukulu. Aile mukati nokwikala naba kalinda ukumona icileisa. ⁵⁹ Nomba bashi mapepo bakulu na bashi cilye bonse baleloleshe bukambone bwa bufi pali Yesu pakweba ati ba mutwale ku kwi paiwa. ⁶⁰ Tabasangile nangu cimo, nangu abengi balepela ubukambone bwa bufi ubwaleisa kuli bena. Nomba panuma babili baishile kuntanshi ⁶¹ nokulanda ati, "Uyu muntu alelanda ati, 'Nebo kuti natobolola ici icilonganino ca kwa Lesa nokuci kula munshiku shitatu.'"

⁶² Shimapepo mukulu alimine nokulanda ati kuli ena, taukwete icakwasuka? Cinshi ico balelanda pali webo?" ⁶³ Nomba Yesu taaswike ali tondolo. Shimapepo mukulu alandile kuli ena ati, nde kwebela mwishina lyakwa Lesa wamweo, twebe ngauli Kristu, Umwana mwaume wa kwa Lesa."

⁶⁴ Yesu alyaswike kuli ena ati, "Namulanda mwebene. Nomba Nebo nde mweba ati, ukufuma nomba nokuya kuntanshi, ukamona Umwana mwaume wa Muntu naikala kukuboko kwakulyo kwa maka, nokwisa mumakumbi ya mumulu.

⁶⁵ Nomba shimapepo mukulu alepwile insalu shakwe nokulanda ati, "Ali mukulanda amashiwi yamiponto! Cinshi tule fwailo bakambone? Moneni, nomba natumfwa imiponto. ⁶⁶ Bushe muletonto nkanya shani?" Balyaswike nokulanda ati, "Ali mukuimfwaila ukufwa." ⁶⁷ Nomba bamufwishile amate pamenso nokumuma intutila, nokumuma amapi ⁶⁸ balandile ati, "Sesema kuli fwebo, webo Yesu. Nani wakuma?"

⁶⁹ Nomba Petro ali naikala panse mumu solo, nomubomfi mwanakashi aishile kuli ena nokulanda ati, "Nawebo wali na Yesu umwina Galili."

⁷⁰ Nomba ali kene pamenso yabo bonse, alandile ati, "Nebo nshishibe ico webo ulelandapo."

⁷¹ Nomba aileya panse pamwinshi, naumbi umubomfi mwanakashi ali mumwene nokweba bonse palya ati, "Uyu mwaume nao ali pamo na Yesu umwina Nazaleti."

⁷² Naena peka alikene nokulapa ati, "Nebo nshimwishibe uyo umuntu."

⁷³ Panuma yanshita inono abaiminine mupepi baishile no kulanda kuli Petro ati, "Mu cine cine wali umo uwamuli bena pantu ifyo ulelanda fyakupela inshila."

⁷⁴ Nomba ena atampile ukutukana nokulapa ati, "Nshishibe umuntuyu," ilyo line na mukolwa alila.

⁷⁵ Petero aibukishe amashiwi yantu Yesu amwebele ati, "Panuma mukolwe talalila ulenkana imiku itatu." Nomba aile panse nokulillisha apakulu.