¹ Panuma yanshiku mutanda Yesu asendele Petro, Yakobo na Yohane munyina, apilwike nabo kulupili ulutali beka. ² Ali pilibwike mu menso yabo impumi yakwe yaba bekele nga kasuba nefya kufwala fyakwe fyale beka ngo lubuto. ³ Moneni palya pene paishile moneka Mose na Eliya balelanda na ena. ⁴ Petro aaswike nokweba Yesu ati, "Kuuku, catuwamina ukwikala pano. Nga mulefwaya, ndekula insakwe shitatu- imo yenu, naimbi yakwa Mose naimbi yakwa Eliya."

⁵ Elo acili mukulanda, moneni, ikumbi ilya bengeshima lyaba kupikila, elo kabili ishiwi ilikulu lyafumine mu mulu lili mukulanda ati, "Uyu emwana wandi uo natemwa muli ena emo nsansa mukila. Mumfwileni.

⁶ Elo abasambi bakwe baumfwile ici baponene panshi nokumfwa umwenso sana. ⁷ Elo Yesu aishile nokuba kwata nokulanda ati, "Imeni kabili mwitina." ⁸ Elo bainwine amenso nomba taba mwenepo bambi kanofye Yesu eka.

⁹ Elo bale koka ukufuma ku lupili Yesu aliba konkomeshe ukweba ati, "Mwilanda ici cimonwa ku uli onse mpaka Umwana mwaume wa muntu akabuke kubafwa.

¹⁰ Abasambi bakwe bali mwipwishe, nokulanda ati, "Cishi kanshi ba kalemba balandile ati Eliya afwile ukwisa pa kubala?"

¹¹ Yesu abaswike ukweba ati, "Eliya cacine akesa nokwisa bwekeshapo ifintu fyonse. ¹² Nomba ndemyeba Eliya alisa kale lelo taba mwishiba. Nomba bamucitile fyonse ifyo balefwaya ukumucita. Munshila imo ine, Umwana mwaume wa muntu nao wine bakamu cusha. ¹³ Elo abasambi ba kutulwike ati ali mu kulanda kuli bena palwa kwa Yohane kabatisha.

¹⁴ Elo ba ishile kucintu bwungi umwaume aishile kuli ena akoka mupepi nankwe noku mweba ifi, ¹⁵ "Kuuku, mbeleleni umwana wandi umwaume uluse pantu ali lwala cipumpuntu kabili alacula saana. Pantu inshita ne nshita ala ponena mu mulilo nangu mu menshi. ¹⁶ Na muletele ku basambi benu, nomba bali fililwe ukuposha."

¹⁷ Yesu abaswike nokulanda ati, "Mwe nkulo yabula icisumino kabili mwe ba bembu nkekala na mwebo ukufika lilali? Nkashipikisha na mwebo ukufika lilali? Muleteni kuno kuli nebo. ¹⁸ Yesu akalipile ingulu, shalifumine elo nomulumendo ali polele palya pene.

¹⁹ Elo abasambi baishile kuli Yesu mu bumfisolo nokulanda ati, "Nicinshi calenga ati tufilwe uku ifumya?"

²⁰ Yesu alandile kuli bena ati, "Mulandu wa kucepa kwa cisumino pantu ndi mukulanda icine kuli mwebo, ngana mukwata icisumino nangu icacepa nga kaluseke kalubanga kuti mwalanda kuli ulu lupili, "Sela ukufuma apa ukuya kulya; nalo lukasela elo kube ico mwinga filwa ukucita." ²¹ "Nomba uyu musango wa ngulu taifuma kano fye kumapepo nokufunga icakalya."

²² Elo baikele mu Galile, Yesu alandile kuba sambi bakwe ati, "Umwana mwaume wa muntu akapelwa mu minwe yabantu. ²³ Elo baka mwipaya napa bushiku ubwalenga shitatu aka bushiwa. Abasambi bali kalipe.

²⁴ Elo baishile ku Kapenamu, abaume babili aba pokele umusangulo wacilonganino baishile kuli Petro nokulanda ati, "Bushe kafundisha wenu talipila umusonko wa cilonganino?"

²⁵ Alandile ati, "Eee." Elo Petro aishile mung'anda, Yesu alandile kuli ena pakutampa ati, "Bushe ulentontonkanya shani, Simoni? Nikuli bani imfumu sha pano calo shipoka umutulo nangu umulambo? Niku bana babo nangu kuli bambi?"

²⁶ "Kuli bambi," Petro aya swike ati, "Kanshi abana baume bantungwa," Yesu alandile. ²⁷ Nomba pakuti twilengela ba kasangula uku bembuka, kabiye ku cimana cikulu, uposemo indobani, nokulobamo isabi ilya tampilapo ukufuma. Elyo wala isula mukanwa ulesangamo shekele. Usende nokubapela bakasangwisha uwa iwe na nebo."