¹ Pali ilya nshita Yesu alile mubushiku bwe Sabata ukupita mwibala lyangano. Nabasambi bakwe bali nensala batapile ukukotola imitwe yangano nokutampa ukulya. ² Nomba elo aba Faliseyo bamwene ifi, balandile kuli Yesu ati, "Moneni, abasambi bobe balecita ifyo ifunde lyakanya ukucita mubushiku bwe sabata."

³ Nomba Yesu alandile kuli bena ati, "Tamwabelenga ifyo Davidi acitile elo alinensala, nabantu alinabo? ⁴ Aile mung'anda yakwa Lesa nokulya imikate iyali kutanshi, icali cakutoba ifunde ena ukulya nokutoba ifunde nabo bonse abali nao, nomba ifunde lyaba kuli bashimapepo. ⁵ Tamwabelenga mwifunde mushiku she Sabata ba shimapepo mucilonganino ba onaula isabata nomba ukwabula ukupelwa umulandu? ⁶ Nomba ndimukulanda kuli mwebo ati umo uwacila icilonganino ali pano. ⁷ Ngamwaishiba ifyo ici cilepilibula, 'Nebo fwaya uluse lelo temalambo, teti asushe ushili namulandu. ⁸ Pantu Umwana mwaume wamuntu ni Kuuku we sabata."

⁹ Nomba Yesu afumine kulya aile mu Sinagoge lyabo. ¹⁰ Moneni, kwali umwaume uwakwete icisansa cauma. Aba faliseyo baipwishe Yesu, nokulanda ati, "Calisuminishiwa ukundapa pabushiku bwe sabata?" Pakuti bamupele umulandu wakubembuka.

¹¹ Yesu alandile kuli bena ati, "Bushe munti mukati kenu, uyo, nga ena nakwata umukoko, nga uyu mukoko waponena mucikulo pa bunshiku ubwe Sabata, bushe tekuti aimye nokuifumya kunse? ¹² Kuti caba icikankala, nomba umuntu ukucila umukoko! Eico cili icefunde ukucita icisuma pabushiku bwe Sabata." ¹³ Nomba Yesu alandile ku muntu, "Tambalika ukuboko kobe." Na ena alitambalike kunse, nobumi bwalishile, ukuba kwati kuboko kumbi. ¹⁴ Nomba aba Faliseyo baya nokupanga akabungwe pali ena. Balafwayailisha ifyo benga mwipaya.

¹⁵ Yesu, pakwishibefi, alifumine kulya. Nabantu abengi bali mukonkele ena. Nokubaposha bena bonse. ¹⁶ Ali bakonkomeshe bena ukukana ishibikwa ena kuli bambi, ¹⁷ pakuti cifikilishe, pafyo alandile ukupitila muli Esaya kasesema, alandile ati, ²² Nomba umo impofu na cibulu, ali nengulu, balimuletele kuli Yesu. Naena alimuposeshe ena, nefya fuminemo muli uyu mwaume ushalelanda alilandile nokumona. ²³ Icintu bwingi conse calipapile nokulanda ati, "Kuti uyu muntu aba Mwana mwaume wakwa Dabidi?"

²⁴ Nomba ilyo aba Faliseyo baumfwile ifipeshamano, balandile ati, "Uyu muntu tatamfya ingulu kanofye kumaka yakwa Beelsebuli, kateka wangulu."

²⁵ Nomba Yesu alishibe ukutontonkanya kwabo nokulanda kuli bena ati, "Ubufumu bonse ubwa patukana ubwine bweka bulawa, nemisumba yonse nangula amayanda ayapatukana ayene yeka tayakeminine. ²⁶ Ngacakuti ciwa aletamfya Ciwa, ninshi aleipatula umwine. Kuti uyu musumba waiminina? ²⁷ Nangula ntamfye ingulu mumaka wakwa Belzebu, nga bana benu batamfye bena mumaka yabanani? Pali iinshita bakaba abapingushi bobe. ²⁸ Nomba ngakuti Nebo ntamfya ingulu mu Mupashi wakwa Lesa, lelo ubufumu bwakwa Lesa bwaisa pali imwe. ²⁹ Kuti uli onse akengile mung'anda yamuntu wakosa nokubafye mulya mwine ukwabula ukumwesha umuntu wakosa umuku wakubalilapo? ³⁰ Lelo abalelefye mulya mwine mung'anda. Lelo umo ushili naine ninshi mulwani wandi, naumo ushikolonganika naine alapasa. ³¹ Lelo ndimukulanda kuli imwe, ulubembu lonse nokususha kukelelwa ku muntu, nomba ukususha kwaku Mupashi wamushilo takelelwe. ³² Uyo ulanda amashiwi ayali yonse ayashilingile pa Mwana mwaume wamuntu, uyo akalelwa. Nomba uyo ulanda ukumpinkana Namupashi Wamushilo, uyo takelelwe ena, nangula muli cino calo nangu icileisa. ³³ Panga icintu icisuma nefisabo ifisuma, nangula ukupanga icimuti icibi nefisabo ifibi, icimuti cikeshilwa kucisabo caciko. ³⁴ Mwebana baba bula amano, pantu muli babi, kuti mwalanda shani ifisuma? Pantu kubwingi bwafya mumutima ifyo akanwa kalanda. ³⁵ Umuntu umusuma asunga ne fisuma mutima kabili afumya ifisuma, nomuntu umubi asunga ne fibi mumutima umutima wakwe ufumya ne fibi. ³⁶ Nebo ndimuku landa kuli imwe mubushiku bwabupingushi abantu bakapelwa icilambu pamashiwi balanda ayakukana ishiba. ³⁷ Pantu kuma shiwi yebo ukabelelwa, kabili kuma shiwi yobe ukasekwa."

³⁸ Elo bakalemba bamo naba faliseyo bali mwaswike Yesu nokulanda ati, "Kasambilisha, kuti twakabila ukumona ifishibilo ukufuma kuli imwe."

³⁹ Nomba Yesu alibaswike nokulanda kuli bena ati, "Mwebabi ne nkulo yatumpa mufwaya ifipapwa. Nomba takuli icipapwa icikapelwa kanofye icakwa Yona kasesema. ⁴⁰ Na Yona alimumala ya cisabi icikulu ishiku shitatu ngefyo Umwana mwaume Wamuntu akaba mushiku shitatu ne shiku shitatu ubushiku mumutima wa calo. ⁴¹ Umwanakashi waku Ninive akeminina mubipingushi muli inonkulo yabantu nokubaseka. Lelo nga balapila pakushimikila kwakwa Yona nokumona, umo umukulu ukucila Yona alipano. ⁴² Namfumu wa Kukapinda kakulyo akemina kubupingushi nabaume bamuli inonkulo yabantu nokubaseka bena. Bakesa kumpela yacalo ukumfwa amano yacifyalilwa aya kwa Solomoni, nokumona, umo umukulu ukucila Solomoni alipano. ⁴³ Umupashi wakowela elo ukafuma mumuntu, akafwaya ukupita muncende yamunshila yalamba nokulolesha ukutusha, nomba tayakamoneke. ⁴⁴ Elo walanda ati, 'Nebo nalabwelela kung'anda uko nafumine. Ukubwela, cikasangwa ing'anda naipyangwa nokubika ifintu bwino. ⁴⁵ Elo waya wabula nemipashi imbi cine lubali iyabipa ukucila pali ena kabili yaingila nemikali yakupatikisha iya muntu. Kabili yaingila yaikalamo ne mikalile ya kulekelesha ya muntu uyo yabipisha ukucile ya kutapa. Ifyo fine e fyo cikaba na ku ba nkulo iyi yabipa."

⁴⁶ Elo Yesu alelanda kucintu bwingi, moneni, banoko nabamunoko beminine pamwinshi panse, balefwaya ukulanda nobe. ⁴⁷ Umo alandile kuli bena ati, "Lolesha, ba noko naba munoko beminine panse, ukufwaya balande nobe."

⁴⁸ Nomba Yesu alyaswike nokulanda kuli bena, "Ninani mayo na muninane wandi?" ⁴⁹ Elo atambike ukuboko kuba sambi bakwe nokulanda ati, "Moneni, aba ebamayo naba muninane! ⁵⁰ Kuli uyo onse ucita ififwaya Tata wa mu mulu, uyo muntu ninshi nimuninane, ninkashi, kabili ni mayo."