1
Vona ra parava iea e Jon na baptais i bele i taki talea velenga kamumu na tanga i uka tahona io Judia i ta maea,
2
"puloa tamudine matou, a harikianga ne Deo i valai tabokoi pali."
3
Ra bakovi iea e propet Aisaia i ta muga vona, "a ngava tara i gale na tanga i uka tahona; Papepurua dala nevone ViriDagi rata kamumu a dala ge bele malimali."'
4
E Jon i rodo a varikia ni rata na kulina kamel lakea i rea na rea ni rata na kulina kania. A maki ni kani vona a koa turana ame.
5
E huriki lobo a bakovi a ngatavine io Jerusalem, Judia turana tabeke lobo na naru e Jodan ri lakea vona.
6
Ri takitalea vona a sin ne ria lakea i vahilolo ria na naru e Jodan.
7
Pali na tahuna i matai e hurika Farisi turana maka Sadusi ri valai vona ge vahilolo ria, ia i taki tou, "matou e hurika tuna mata hale, erei taki matou ni ha na maka ni mava bari bele?
8
Ge vona kanena ra narone matou ni takitaleana sin turana ni pulo muholi a tamudi.
9
Moto nahani luhoi ni ta maea, "E Abraham ia hamone mateu. Iau a ta muholi ne matou maea, E Deo i kara ni rata re virika kedo ni bele manga e tune Abraham.
10
A kira i tabuli pali na vuhuna kai. Pali a kai kimi vua kamumu bara ni tolo puru ni voroki lakea na kanono.
11
Iau a vahilolo matou na naru ni vakasiri maea matou moto pulo muholi a tamudine matou moto pe a naro na sin. Pali a bakovi i valai muri nau ia i tahoka nitora i dagi hateka, ia i polotaro iau pali iau tara kimi iau a bakovi kamumu hateka ni kalohoa padirodo vona. Ia biri vahilolo matou na Hanu Kiripiripi turana kanono.
12
Ia i nugua pok ni pelekado a wit na limana ni kado kamumu a muku lakea gara ni ru kadolu na ruma na wit. Lakea Ia biri rungania wit i hale na kanono i uka ni matena."