¹ Na tahuna iea, Spirit ne Deo i bolea e Isu i lakea na tanga i uka bakovi vona tege tonia e satan. ² Tahuna ia kimi kani i vano na parava na haro i ravulu va a rodo i ravulu va, ia i vitolo. ³ A bakovi ni toni i valai i bele vona i taki maea ia,"Pali ri ioe ge ioe tune Deo, pali boro taki virika kedo rigi bele manga bret." ⁴ Pali e Isu i koli mulea i ta maea,"Buk ne Deo i ta maea,'Bakovi keme ge bole a ni mahuri na bret kunana; uka, pali ne virika ngava i valai na ngavane Deo."' ⁵ Muri e satan i bolea e Isu i lakea o Jerusalem ia a tanga dagi ne Deo i rua polomeli liu na mapana ruma ni vasileki, ⁶ Lakea i taki maea ia, pali re ioe ge ioe tune Deo, ioe o pagi puru, manga hini taki a buk e Deo;'Ia biri rudu e virika ensel vona bara ri matakaroe'bara ri bokoe mege padia kedo a vahamu."' ⁷ Isu i takia e satan,"Buk e Deo ia tara i taki maea,'Ioe nahani tonia e Deo a ViriDdagi vomu."' ⁸ Satan tara i bole tabua e Isu i lakea vona tara lolo i dagi hateka i vakasiria vona virika tanga dagi vona malala iea turana virika maki kamumu ne ria. ⁹ Satan i taki tabua e Isu maea,"Iau bara habi lobo vomu re virika maki nga pali ri ioe go pasike puru nau go turume puru ne nau." ¹⁰ Lakea e Isu i takia,"Satan, ioe o hatala nau, Buk e Deo i taki,'Ioe boro turume puruma ne Deo ia ViriDagi vomu boro polotano ne vona kekeri."'

¹¹ Lakea e satan i pea e Isu, lakea e virika ensel ri valai ri koria.

¹² Tahuna e Isu i longo maea ni nugu tata e Jon ni ru dili na bavi, ia i lakea o Galili. ¹³ Isu i pea e Nasaret i vano i made o Kapeniam. Kapeniam i tabuli na gana dari lomu iea o Galili na malala ne Sebulan turane Naftali. ¹⁴ Ra hini nga i bele ni vakatora ngava ne profet Aisaia. ¹⁷ Na tahuna e Isu i vakatubu ni taka ngavane Deo lakea i taki maea ria,"Pe e virika naro hale mua, na rana, Harikinga ne Deo i valai tabukoi pali." ¹⁸ Tahuna e Isu i laho lakea na dari lomu o Galili, ia i matai a makitari i ala rua, Saimon erei ni gale e Pita, a turana e Endru, ru toto a vuko na naru, hurika bakovi ni lakavu a manu. ¹⁹ Isu i pesirike i takii maea rua,"Valai muru muri nau, iau bara tovo marua biri marua bakovi ni bole a bakovi." ²⁰ Laviriri hateka, ru pe maka vuko ne rua ru muri ne Isu. ²¹ Tuhuna e Isu i pea ra tanga nga i lakea na tabeke tara, ia i matai tabu a maki tari i ala rua, Jon ia e tune Jebedi turane turana e Jems. Ria ri made polomeli na aga turane tamane rua e Jebedi to hono kamumua vuko. Tahuna e Isu i gale rua. ²² Lakea i laviriri hateka ru pea a aga turane tamane rua ru muri ne Isu.

²³ Isu i lakea na hini lobo iea o Galili lakea i tovo e hurika bakovi a ngatavine pololilo na ruma ni turume puruma ne hurika Juda, lakea i takitala velenga kamumu na harikinga ne Deo lakea i vaka mahuri e hurika bakovi a ngatavine ri tahoka virika gilanga i kupo na palane ria. ²⁴ Ra ngava iea i nunu maea e Isu i vaka mahuri e hurika bakovi a ngatavine iea o Galili i lakea liu o Siria. Lakea e hurika tara o Siria ri longo ri bole hurika bakovi a ngatavine ri tahoka maka gilanga ni madihi e hurika bakovi a ngatavine ri tahoka spirit hale, turana gilanga ni vakulu, turana vahane ria a limane ria i hale, Isu i vaka mahuri ria. ²⁵ Palulune hurika bakovi a ngatavine ri ramai e Isu, e hurika tara iea o Galili, turane huriki iea o Dekapolis, turane hurika tara o Jerusalem, turane hurika Juda hurika tara ri made na tabekene Joden.