1
सारा त एक सौ सत्ताईस साल क आयु के पहुंचलीन; अऊर जब सारा क एतना आयु भयल;
2
तब ऊ किर्यतर्बा में मर गईलिन। ऊ त कनान देश में हव, अऊर हेब्रोन भी कहलाला। एहि से अब्राहम सारा बदे रोअ पीटअ बदे ऊहाँ गईलन।
3
तब अब्राहम शव के लग्गे से उठ के हित्तियन से कहअ लगलन,
4
"हम तोहरे बीच मेहमान अऊर परदेशी हई; हमके अपने बीच मे कब्रिस्तान बदे अईसन जमीन दा जवन हमार खुद क हो जाय, कि हम अपने मृतक के गाड़ के अपने आँखी से दूर करी।"
5
हित्तियन अब्राहम से कहलन,
6
"हे हमार प्रभु, हमार सुना; तू त हमरे बीच मे बड़का प्रधान हया। हमरे कबर मे से जेके तू चाहा ओम्मे तू अपने मृतक के गाड़ा; हमने मे से केहूँ तोहके अपने कबर के लेवअ से न रोकी, कि तू अपन मृतक के ओम्मे गाड़ न पावा।"
7
तब अब्राहम उठके खड़ा भईलन, अऊर हित्तियन के सामने, जवन ऊ देश क निवासी रहलन, दण्डवत कईके कहअ लगलन,
8
"अगर तोहार ई इच्छा हव कि हम अपने मृतक के गाड़ के अपने आँख से दूर करी, त हमार प्रार्थना हव, कि सोहर क लड़का एप्रोन से हमरे बदे बिनती करा,
9
कि ऊ अपने मकपेला वाला गुफा, जवन ओनकरे भूमि के सीमा पे हव; ओकर पुरा दाम लेके हमके दे दे, कि ऊ तोहरे बीच कब्रिस्तान बदे हमार निज जमीन हो जाय।"
10
एप्रोन त ऊहाँ हित्तियन के बीच मे बईठल रहलन, एहि से जेतना हित्ती ओनकरे नगर के फाटक से होके भीतर जात रहलन, ऊ सब के सामने ऊ अब्राहम के उत्तर देहलन,
11
"हे हमार प्रभु, अईसन नाही, हमार सुना; ऊ भूमि हम तोहके देत हई, अऊर ओम्मे जवन गुफा हव, ऊ भी हम तोहके देत हई; अपने जाति भाईयन के बीच हम ओके तोहके दे देत हई; अतः अपने मृतक के कब्र मे रखा।"
12
तब अब्राहम ऊ देश के निवासियन के सामने दण्डवत कईलन।
13
अऊर ओनके सुनत एप्रोन से कहलन, "अगर तू अईसन चाहा, त हमार सुना ऊ भूमि क जवन दाम हव, ऊ हम देवअ चाहत हई; ऊ हमसे ले ला, तब हम अपने मृतक के ऊहाँ गाड़ब।"
14
एप्रोन अब्राहम के ई उत्तर देहलन,
15
"हे हमार प्रभु, "हमार बात सुना; ऊ भूमि क दाम त चार सौ शेकेल रूपा हव, लेकिन हमरे अऊर तोहरे बीच मे का हव? अपने मुर्दा के कबर मे रखा।"
16
अब्राहम एप्रोन के मान के ओनके ओतना रूपा तऊल देहलन, जेतना ऊ हित्तियन के सुनत कहले रहलन, मतलब चार सौ अईसन शेकेल जवन व्यपारीयन में चलत रहल।