¹ "Boneni ukwebati mwilakucita imilimo iyabune pakuti fye abantu balekumibona, nga mukocita ifyo tamwakabone icilambu ukutula kuli Shinwe uwaba mu mulu. ² Eico uluntu webo ukopela ifya nkumbu, wilakubilisha pamo ukuti ni filya ba bumbi munda bacitamu ma sinagoga namu misebo, epakwebati balekubalumbanya ku bantu. Icine fye nko myeba nati, balipokolela icilambu cabo icakufikapo. ³ Lelo uluntu ukopela ifyakukumbusuka, wileka ukuboko kobe ukwa kukuso kwishibe ifyo ukuboko kwa kukulyo kukocita ⁴ epakwebati icabupe cobe cibe fye mu bumfisolo. Eluntu Wiso uubona mubumfisolo akakulambula.

⁵ "Uluntu mwebo mukopepa, mwilakuba ukabati niba bumbi munda, pantu bo balitemwa ukutalama elo nokupepa muma sinagogi elo namu misebo pakuti balekubabona ku bantu. Icine fye nkomyeba nati, bo balipokelela icilambu cabo. ⁶ Lelo mwebo, uluntu mukopepa, mulekwingila mu muputule wenu uwamukati. Mwisaleko iciseko elo nokupepa kuli Shinwe, uyo uwaba mu bumfisolo. Eluntu Shinwe uubona mubumfisolo akamipela icilambu. ⁷ Uluntu mukopepa, mwilakubwelesha bweleshapo ifintu fimo fine ifitakwete bupilibulo ukubati nifilya abena fyalo bacita, pantu bo batontonkanya ukuti bakakutika pamulandu wa mashiwi yabo ayakufula. ⁸ Eico kanshi, mwilakuba ukubati nibo, pantu Shinwe alishiba fintu ndo ifyo mukokabila ulo tamulamwipusha. ⁹ Eico kanshi mulekupepa ukubati nifi: 'Tata wesu uwaba mu mulu, lekeni ishina lyenu lilumbanishiwe nga ilya mushilo. ¹⁴ Pantu nga cakwebati mwabelela abantu uluse ukulufyanya kwabo, na Shinwe wa mu mulu naye akamibelela uluse. ¹⁵ Lelo nga cakutila ati tamubabelele uluse kufyo bamilufyanya, na Shinwe wa mu mulu naye wine takamibelele uluse ku fya kulufyanya kwenu.

¹⁶ "Uluntu mukofunga ukulya, mwilakulanga pa menso bulanda bulanda ukubati nifilya ba bumbi munda bacita, pantu bo balabifya pa menso pakwebati bababone ku bantu ati bakofunga ukulya. Icine fye Nkomyeba ati, bo balipokelela icilambu cabo icakufikapo. ¹⁷ Lelo mwebo, uluntu mukofunga ukulya, musube umutwi wenu amafuta no kusamba pa menso ¹⁸ pakuti cilakuboneka kuli bambi ati mukofunga ukulya, lelo kuli shinwe fye uwamubumfisolo; elo shinwe uubona mu bumfisolo eukamilambula.

¹⁹ "Mwilakuisungila mwebene ifyuma pano pa calo, apo ububenshi ne ndalabwa shonaula, elo apo naba pompwe batoba nokwiba. ²⁰ Lelo, mulekubikisha ifyuma fyenu mu mulu, umu umo ububenshi elo ne ndalabwa tashanonaula, elo umo umo bapompwe tabatoba elo nokwiba. ²¹ Pantu uko ifyuma fyobe fyaba uko kwine ekulola no mutima obe. ²² Ilinso ecisaniko ca mubili. Eico kanshi, nga cakwebati ilinso lyobe labune, no mubili onse uleulamo no lubuto. ²³ Lelo nga cakwebati ilinso lyobe lyabubi, no mubili obe wiula mo fye imfinshi. Eico kanshi, nga cakweba ati ulo ulubuto ulwaba muli webo lo ni mfinshi, bushe bukulu ndo ubwaba mulu iyi mfinshi! ²⁴ Takwaba nangu umo uwinga tumika imfumu shibili, pantu kuti apatapo umo elo nokutemwapo umbi, nangu nga tali fyo kuti aipeleshapo kuli umo elo nokulekeshapo umbi. Tekuti utumike Lesa elo ne fyuma. ²⁵ Eico kanshi Nkolanda kuli mwebo nati, mwilkusakamana pa bumi bwenu, pafyo mukolya nangu ati findo mukonwa; nangu pa mubili wenu, ati findo mukofwala. Pantu bushe umweo tawacilapo pa filyo, elo no mubili tawacilapo pa fifwalo? ²⁶ Boneni ku fyoni ifya mu lwelele. Tafibyala nangu ukusombola nangu ukututila mu matala, lelo Shinwe uwa mu mulu alafilisha. Bushe tamwacilapo ukucindama pali fyo? ²⁷ Bushe ninani pali mwebo uwingasakamana ukulundapo inshita imo pa mweo wakwe? ²⁸ Bushe nindo ico musakamanina pa fifwalo? Tontonkanyeni pa maluba ayamu ya fyonde, ifyo yakula. Tayabomba, elo tayabila ne fifwalo. ²⁹ Lelo Nkolanda kuli mwebo ukwebati, nangu ni Solomoni mu bucindami bwakwe tatalile ukufwalapo ukubati ni aya amaluba. ³⁰ Nga cakwebati Lesa akofwika ifyani ifyamu fyonde, ifyo ifibako fye lelo elo mailo bafiposa mu mulilo, findo fingacila pali ye ukufwika mwebo, mwebo mweba cisumino ica kucepa? ³¹ Eico kanshi mwilakusakamana nokulanda ati, 'Findo ifyo tukolya?' Nangu ati, 'Findo ifyo tukonwa?' Nangu ati, 'Fifwalo ndo ifyo tukofwala?' ³² Pantu nabena Fyalo balafwaya ifi fintu, elo na Shinwe uwa mumulu alishiba ukwebati mulafikabila. ³³ Lelo pakutampa fwayeni ubufumu bwakwe no bololoke bwakwe, elo nefi fintu fyonse fikapelwa kuli mwebo. ³⁴ Eico kanshi, mwilakusakamana pali mailo, pantu mailo ikaisakamana iine. Cila bushiku bwali ikwatila ifyabubi fya buko.