1 Uluntu Yesu abwene amabumba ya bantu, alile pa mulu wa lupili. Uluntu aikekeleko panshi, abasambi bakwe balishile kuli ye. 2 Ayasamwine akanwa kakwe elo atampa ukubasambilisha, ati,
13 Mwebo nimwe mucele wa pano calo. Lelo umucele nga wafumuka, bushe kuti waloweshiwa shani nakabili? Awe tekuti uwamye akantu nakabili kano ukuuposa panse elo nokuleku unyantaulapo ku makasa ya bantu. 14 Nimwebo lubuto lwa calo. Umusumba uo bakula pa mulu wa lupili tekuti baufise iyoo. 15 Tapaba abantu abasanika icisaniko elo nokucifimbapo museke, nomba bacibika apakusansuka elo nokusanikila bonse mu ng'anda. 16 Lekeni ulubuto lwenu lulekusanikila abantu icakuti nga babona imicitile yenu iya bune elo balekulumbanya Shinwe uwamu mulu.
17 "Mwilakutontokanya uk webati nebo naisa mukonula amafunde nangu ba kasesema. Ntaisa mukuyonaula, lelo naisa mukuyafikilisha. 18 Pantu nkomyeba mucine cine mpaka umulu elo ne calo fikapita. Takwakabe akalembo akakucepesha nangu akaputulwa akakucepesha akakafumapo mu musango uli onse, ukushinta fye ne fintu fyonse fikafikilishe. 19 Eico kanshi uyo onse uutobapo akalifunde nangu fye akanono elo nokusambilisha nabambi ukucita ifyo fine bakamukuta uwakucepesha mu bufumu bwamu mulu. Lelo uyo onse uwayasunga elo nokuyasambisha bakamukuta umukulu mu bufumu bwamu mulu. 20 Pantu Nkolanda kuli mwebo nati kano fye ubulungami bwenu bwacilapo pa bulungami ubwakuba kalemba elo naba Falise, ninshi tamwakabale amwingila mu bufumu ubwa mulu mu mu nshila iili yonse.
21 "Mwali kutika ukwebati calilandilwe kuli bo mu nshita yakale ati, 'Mwilakwipaya', elo 'Noyo onse uwaipaya akaba no mulandu wakupingulwa.' 22 Lelo nkomyeba ukuti uyo onse uwakalipa pali wabo ninshi aba no mulandu uwakupingulwa; elo noyo onse uweba wabo ati, 'We wakubula amano we!' Ninshi aba no mulandu kabili ali nokuya ku cilye icikulu; elo uyo onse uwaeba wabo ati, 'We mupunsha we!' Ali no mulandu wakuposwa mu mulilo wa kubelelela. pe. 23 Eico kanshi nga ukopela ubupe pa cipailo elo waibusha ukwebati wenu alikulufyenye, 24 uleke ica bupe cobe pa ntanshi ya cipailo, nokubwelela mo. Utampilepo ukubweshanya na wenu, elo eluntu wise elo nokwisa kupela icabupe. 25 Bweshanyeni no mulwani obe kangu kangu ulo muli naye ninshi mukoya ku cilye ca milandu, epali umulwani obe kuti akulekela mumaboko yakubaka pingula, elo kapingula kuti akutwala mu maboko yaba shilika, elo nokukuposa mu cifungo. 26 Nko myeba mu cinecine nati, tawakatale ukufuma mulya ukushinta fye napakulipila naka ndalama ka kulekelesha ako wamu kongola.
27 Mwali kutika ukwebati calilandilwe aciti, 'Mwilakucita ubucende.' 28 Lelo Nebo nkolanda ati uyo onse uwa lolekesha umwanakashi bubi bubi ninshi kale kale alicitile ubucende naye mu mutima wakwe. 29 Nga cakwebati ilinso lyobe ilyaku kulyo elyakulengesha ukuipuntula, ulitonkolemo elo nokuliposa ukutali ukufuma kuli we. Pantu kuti cawama iciputulwa cimo icakumubili obe ecaloba ukucila umubili obe onse ukuya kuposwa mu mulilo wape. 30 Nga cakwebati ukuboko kobe ukwaku kulyo ekwakulengesha ukuipuntula, ukuputuleko elo nokukuposa ukutali ukufuma kuli we. Pantu kuti cawamapo icipandwa cimo icakumubili obe ukuloba ukucila umubili onse ukuya kupya mu mulilo wa pe. 31 Calilandilwe nakabili aciti, "Uyo onse uwakaana umukashi wakwe, amupele kalata wakumukana. 32 Lelo Nebo nkomyeba ukwebati onse uwalekana no mukashi wakwe, ukucila fye pa mulandu wa bucende, amulenga ukuba umucende. Na onse uwamupa panuma yakupwa kwa fyupo ninshi akocita fye ubucende.
33 "Nakabili, mulikutikile ukwebati calilandilwe ku bakukale aciti, 'Wilakulapa umulapo wabufi, lelo ulekutwala ukulapa kobe konse kuli Shikulu.' 34 Lelo Nebo nkomyeba nati, mwilakwesha ukulapa iyo, nangu ni mu mulu, pantu ecipuna cakwa Lesa; 35 nangu ku calo, pantu ecipuna caku nyantapo amakasa yakwe; nangu kuli Yelusaleemu, pantu e musumba wa Mfumu iikulu. 36 Kabili wilakulapa na ku mutwe obe wine, pantu webo tawingapangapo umushishi uwakubuta nangu uwakufita. 37 Lelo uleke ukulanda kobe kube 'Ana, ana,' nangu 'Iyo, Iyo.' Conse icakucila pali ifi ninshi cakutula kuli satana.
38 "Kabili mwali kutika ukwebati calilandilwe ukuti, 'Ilinso pa linso, ne lino pa lino.' 39 Lelo Nebo nkomyeba nati, mwilakulwishanya no muntu uwabubi. Lelo umuntu nga akutoba ulupi kwi saya lyaku kulyo, umwalwile nelinakwe line. 40 Nga ca kweba ati umuntu akutwala ku cilye ca milandu elo akofwaya ukukupoka icifwalo cobe, uleke uyo muntu apite no mwingila wine. 41 Onse uwakupatikisha ukuya naye umulundu umo, ulekuya naye imilundu ibili. 42 Ulekupa onse uwakulomba, elo wilakukanina onse uukofwaya ukwashima kuli webo.
43 "Mulikutikile ukwebati calil- andilwe ukuti, "Mulekutemwa abena mupalamano elo mulekupata abalwani benu.' 44 Lelo Nebo nkomyeba ukwebati, mulekutemwa abalwani benu elo mulekutemwa nabo aba misonsomba, 45 epakuti mwingaba abana bakwa Shinwe uwamu mulu. Pantu alaleka akasuba ukusanika pa babubi elo napaba bune, elo alaloka imfula paba kulungama elo napa kumalala. 46 Pantu nga cakwebati mwatemwa fye abo abamitemwa, bushe cilambu ndo mukapokelapo? Bushe naba kasonkesha ba misonko tabacita icintu cimo cine? 47 Nga cakwebati muposhanya fye naba munyine nwe, findo ifyo mukocita ificililepo ifyo ifitacita bambi? Bushe tali na bena fyalo balacita icintu cimo cine? 48 Eico kanshi mulekuba abakupwlilika ku bune, ukubati filya Shinwe wa mu mulu aba uwakupwililika.