¹ Eluntu Yesu atungulwilwe nomupashi nokuya mumatololo kukutunkwa na cibanda. ² Uluntu alekele ukulya panshinku amakumi yane akasuba no bushiku, ali nensala. ³ Awe katunka alishile no kulanda kuli ye, ati, "Nga cakweba ati uli umwana wakwa Lesa, konkomesha aya mabwe yaluke umukate."

⁴ Lelo Yesu alyasukile no kulanda kuli ye ati, "Calilembwa ati, 'umuntu tekalila kumukate weka fye, lelo na kwishiwi lyonse ilifuma mukanwa kakwa Lesa.'"

⁵ Eluntu cibanda amupiitile kumusumba wamushilo no kumutwala pa kansonshi ketempele, ⁶ elo alanda kuli ye ati, "Nga cakwebati uli mwana wakwa Lesa, uilampule panshi we mwine, pantu calilembwa ukuti, 'E akakonkomesha bamalaika bakwe kukusungilila,' 'Elo. Bakakupiita mumaboko yabo, pakutila webo wikaipuntula ulukasa lobe kwibwe.'"

⁷ Yesu alandile kuli ye ati, "Nakabili calilembwa, aciti, 'Taufwile ukwesha imfumu Lesa obe.'"

⁸ Nakabili, cibabanda amupitile palupili ulutali elo amulangisha amabufumu yonse aya mu calo no ululumbi lwayako. ⁹ Elo alanda kuli ye ati, "Fyonse ifi fintu nkokupa, nga cakwebati wawa panshi no nkupepa."

¹⁰ Eluntu Yesu alandile kuli ye ati, "Kabuye fuma pano we Satana! Pantu calilembwa ati, 'uli no kupepa Shikulu Lesa obe elo no kubombela ye epela.'"

¹¹ Eluntu na cibanda alimushile, elo boneni, bamalaika balishile no kumubombela ye.

¹² Nomba uluntu Yesu akutikile ukuti, Yoani balimwikete, aile mu Galile. ¹³ Ye alifumine ku Nazareti nokuya kwikala mu Kapenamu, uwali mumbali ya bemba wa Galile mu mpanga yakwa Zebuloni na Nafutali. ¹⁴ Ifi fyacitikile pakufikilisha ifyalandile Esaya kasesema. Ati, ¹⁷ Ukutulafye pali ilya ine pa nshita Yesu alitampile ukushimikila nokulanda ati, "Lapileni, pantu ubufumu bwa mumulu bulipalamine." ¹⁸ Umo ali akoenda mumbaali ya bemba wa Galile, abwene ba ndume babili, Simoni uwalikukutwa Petelo, na Andeleya wabo, bakoposa isumbu mumenshi, ico bali bashila besabi. ¹⁹ Yesu alandile kulibo ati, "Iseni, kokeni nebo, elo nkomicita abaashila ba bantu." ²⁰ Ulo lwinefye balishile amasumbu nokumukonka. ²¹ Ulo Yesu acili akoya ukutula kulya alibwene indume shimbi shibili, Yakobo mwana Sebede, na Yoani wabo. Bali mubwange na Sebede shibo bakolunda amasumbu yabo. Alibakutile, ²² nabo ulolwine fye bashile ubwange elo nashibo elo nokumukonka.

²³ Yesu aendaukile monse mu Galile, akofunda mumasinagogi yabo, alikubila imbila imbila ya bune yabufumu no kuposha amalwele yamisango yonse na malwele ayali mubantu. ²⁴ Ilyashi pali ye lyalilile monse mu Syria, na bantu balikuleta kuli ye abo bonse abalikucushiwa ukutula kumalwele yakupusana pusana elo no nefya kukalipa, abo abalikucushiwa ne ngulu, abacipumputu, elo nababulebe. Yesu ali baposeshe. ²⁵ Amabumba ayakulu yalimokonkele ukutula ku Galile, ku Decapoli, na ku Yudeya, noku cila ubushilya bwa Yodani.