¹ Muli shilya inshiku Njoni kabatisha alishile akobilikisha mumatololo ayamu Yudeya ati, ² "Lapileni, pantu ubufumu bwa mumulu buliipalamine." ³ Pantu ni uyu wine uo balikulandapo kuli Esaya kasesema, ati, "Iswiwi lya umo likobilikisha mumatololo, 'Teyanyeni inshila yakwa Shikulu, pangeni ne nshila yakwe iyakololoka.'"

⁴ Nomba Njoni alikufwala amasako yanga mali ne lamba lya mpapa mumusana wakwe. Ifilyo fyakwe fyali ni makanta elo no buci bwa mu conde. ⁵ Eluntu Yerusalemu, Yudeya onse, kabili necitungu conse icashingulukile umumana wa Yordan baile kuli ye. ⁶ Balibatishiwilwe kuli o mumumana wa Yordani, no kuyebelela amasambi yabo. ⁷ Lelo uluntu abwene abengi abamu ba Falise na ba Saduki bakoisa kuli ye mukubatishiwa, alibebele ati, '"Mwebana ba nsoka mwe, ninani amisokele ukufulumuka ubukali ubo ubukoisa? ⁸ Mutwale ifisabo ifyakulingana no kulapila. ⁹ Mwilakutontonkanya no kulanda umo mubelele ati, 'Tulikwete Abrahamu nga tata. Pantu nebo nkolanda kuli mwebo ati, Lesa alikwete amaka yakwimya abana bakwa Abrahamu nangu fye ukufuma muli aya yene mabwe. ¹⁰ Kale kale isembe lilibikilwe pamishila yafiti. Eico iciti conse ico icitatwala ifisabo ifyabune bakacitema no kuciposa mumulilo. ¹¹ Nkomibatisha na menshi pakulapila. Lelo uyu ukoisa panuma yandi alikwatishe amaka aya kuncila, kabili ntalingile no kupiita ifyakumakasa fyakwe. Akamibatisha ku mupashi wamushilo elo na kumulilo. ¹² Ulupe lwakululwilapo ali nalo mumaboko yakwe, akafumyamo inkapa shonse isha ŋano mu musolo no kulonganya ing, ano shakwe mu ng, anda yakusungilamo. Lelo akoca ifisooso mumulilo uyo uutangashiwilwa."

¹³ Eluntu Yesu aishile ukutula ku Galileya nokuya ku mu mana wa Yordani kukubatishiwa kuli Njoni. ¹⁴ Lelo Njoni alikonkenyepo ukwesha ukumukanya ati, Nebo nine nko kabila ukubatishiwa kuli webo, lelo niwe waisa kuli nebo?" ¹⁵ Yesu alimwasukile no kulanda kuli ye ati, "Cisuminishe pali nomba, pantu cililungeme kuli fwebo ukufikilisha ubulungami bonse." Eluntu Njoni amusuminishe. ¹⁶ Napanuma ulo ba mubatishe, Yesu alifumine ulo lwine mu menshi, eo boneni imyulu yalisukile kuli yee. Alibwene no Mupashi wakwa Lesa ukoika ukubati lu kunda kabili no kwikala pali yee. ¹⁷ Boneni, Ishiwi lyaishile ukutula mumyulu nokulanda ati, "Uyu emwana mwaume wandi uo natemwisha. Muli ye emo nsansamukila."