Icipandwa 2
1
Panuma ninshi Yesu alifyelwe mu Betelemu uwa mu Yudeya mu nshiku shakwa Herodi imfumu, abaume abakusambilila balifumine ku kabanga no kufika mu Yelusaleemu nokulanda ati,
2
"Bushe ali kwisa uyo uu fyelwe Imfumu yaba Yuda? Twalibwene ulutanda lwakwe ku kabanga eulu twaisa muku mupepa."
3
Uluntu Herodi imfumu yakutikile ifi, yalisakamene, elo Yelusaleemu onse pamo na ye.
4
Herodi alongenye pamo bonse abakulu baku ba shimapepo elo naba kalemba ba bantu, elo abepwishe ati, "Bushe nikwisa uko Yesu ali nokupapilwa?"
5
Balandile kuli ye ati, "Ni mu Betelemu uwa mu Yudeya, pantu ifi efyalembelwe na kasesema,
6
'Lelo webo, we Betelemu uwa mu calo cakwa Yuda, tauli wakucepesha muli ba kateka abamu Yuda, pantu nimuli webo emukafuma kateka uyo uukacema abantu bandi Israeli.'"
7
Eluntu Herodi mubumfisolo akutile abaume balya abakusambilia pakwebati abepushe bwino bwino inshita ulutanda lwabonekele kuli bo.
8
Abatumine ku Betelemu, nokubeba ati, "Kabuyeni muye kufwailikisha mukutekanya palwa uyu umwana umucece. Uluntu mukamusangana, mukese kucinkulako pakuti nandibo kuti naisa elo nokwisa kumupepa."
9
Panuma yakukutika ku mfumu, balitwalilile ukuya, elo no lutanda ulo ba bwene ku kabanga lwalibatangille mpaka lwaisa kutalama shinkinta apali umwana akanya.
10
Uluntu babwene ulutanda, balisasansamukile ne nsansa ishakucilapo.
11
Balingile mu ŋanda no kubona umwana umunono ali na Maria nyina. Baliwile panshi elo noku mupepa. Baliswile ifyuma fyabo elo noku mutula ifya bupe fya golide, ulubani, elo na muri.
12
Lesa alibasokele mu ciloto no kubakanya ukubwelela kuli Herodi, eico balibwelelemo ku calo cabo ukubomfya inshila imbi.
13
Panuma yakufuma kulya, malaika wakwa Shikulu alibonekele kuli Yusufu mu ciloto elo noku mweba ati, "Alamuka, bula umwana umunono elo na nyina, elo no kufulumukila ku Egupito. Ukekale kulya kwine ukunshita apo nka kwebela, pantu Herodi akafwaya umwana umunono no kumonaula."
14
Ubushiku bweka bulya Yusufu alimine nokubula umwana umunono elo na nyina elo nokuya ku Egipito.
15
Alikele kulya mpaka no kufwa kwa kwa Herodi. Neci cafikilishe ifintu Shikulu alandile ukupitila muli kasesema ati, "Nakutile umwana mwaume wandi ukufuma mu Egupito."
16
Eluntu Herodi, uluntu abwene ukwebati nabaume abamano balimutumpikile, ali fulilwe nganshi. Alitumine elo no kwipaya bonse abana baume abo abali mu Betelemu elo na mucitungu conse cilya abafikile pa mushinku wa myaka ibili elo nokubwelela panshi, ukukonka ne nshita iintu abepelwemo ku ukufuma baume abamano.
17
Eluntu cafikilisha ico icalandilwe na kasesema Yeremia,
18
"Ishiwi lyalyumfikile mu Ramah, ilya musowa no kulosha ukukulu, Rachel alelosha pa bana bakwe, elo alikene noku mutalalika, pantu tabalipo nakabili."
19
Uluntu Herodi afwile, boneni, malaika wakwa shikulu alibonekele kuli Yusufu mu ciloto mu Egupto elo no ku mweba ati,
20
"Ima noku bula umwana pamo na nyina elo ulekuya naku calo ca Israeli, pantu abo abali kufwaya umweo uwa mwana balifwa.
21
Yosefu epakwima, nokubula umwana na nyina, no kwisa ku calo ca Israeli.
22
Lelo uluntu akutikile ati Akaleo ewalikuteka mu Yudeya pa cifulo yakwa wishi Herodi, alitinine ukuya kulya. Panuma Lesa amusoka mu ciloto, alifumine mu citungu ca Galilee
23
elo aile nokuya kwikala mu musumba uukutwa Nasareti. Ifi fyafikilishe ifyo ifya landilwe ukupitila muli ba kasesema, ukwebati bakalekumukuta umwina Nasareti.