¹ Ibuuku lyamfyalo yakwa Yesu Kristu, umwana mwaume wakwa Davidi, umwana mwaume wakwa Abramu.

² Abramu ali e wishi wakwa Isaaki, elo Isaaki ali ewishi wakwa Yakobo, elo Yakobo ali e wishi wakwa Yuda elo na wabo.

³ Yuda ali e wishi wakwa Perez elo na Zerah ukufuma kuli Tama, Perez ali e wishi wakwa Hezroni, elo Hezroni ali e wishi wakwa Ramu.

⁴ Ramu ewali wishi wakwa Amminadabu, Amminadabu ali e wishi wakwa Nahshoni, elo Nahshoni ali e wishi wakwa Salmoni.

⁵ Salmoni ali e wishi wakwa Boasi kuli Rahabu, Boasi ali e wishi wakwa Obedi muli Ruti, Obedi e wishi wakwa Yesse.

⁶ Yesse ewali wishiwi wakwa Dabidi imfumu, Davidi e wishi wakwa Solomoni muli Uriah.

⁷ Solomoni e wali wishi wakwa Rehoboamu, Rehoboamu e wishi wakwa Abiyah, Abiyah e wishi wakwa Asa.

⁸ Asa ewali wishi wakwa Yehoshafati, Yehoshafati e wishi wakwa Yoramu, elo Yoramu e cikolwe cakwa Ussiah.

⁹ Ussiah e wali wishi wakwa Yotamu, Yotamu e wishi wakwa Ahasi, Ahasi e wishi wakwa Hesekiah.

¹⁰ Hesekiah ali e wishi wakwa Manaseh, Manaseh ali e wishi wakwa Amoni, elo Amoni e wishi wakwa Yosiah.

¹¹ Yosia ali e cikolwe cakwa Yekoniah elo naba wabo panshita iyo babatwele ku Babiloni.

¹² Panuma yakupiitwa ku Babiloni, Yekonia e wali wishi wakwa Shealtieli, Shealtieli ewali icikolwe cakwa Selubbabeli.

¹³ Selubbabeli ewali wishi wakwa Abiudi, Abiudi ewishi wakwa Eliakimu elo Eliakimu ewali wishi wakwa Asor.

¹⁴ Asor ewali wishi wakwa Sadoki, Sadoki e wishi wakwa Akimu, elo Akimu ewali wishi wakwa Eliudi.

¹⁵ Eliudi ewali wishi wakwa Eliasa, Eliasa e wishi wakwa Matthani, elo Matthani e wishi wakwa Yakobo.

¹⁶ Yakobo ali e wishi wakwa Yusufu umulume wakwa Maria, umo umwaishile kufyalwa Yesu, uyo uukutwa Kristu.

¹⁷ Inkulo shonse ukutula pali Abramu ukushinta pali Dabidi shali inkulo ikumi na shine, ukutula pali Dabidi ukushinta no kupiitwa ukuya mu Babiloni shali nkulo ikumi na shine, elo ukutula pa kupitwa ku Babiloni ukushinta napali Kristu shali inkulo ikumi na shine.

¹⁸ Ukufyalwa kwakwa Yesu kwacitikile muli uyu musango. Nyina, Maria, alikobekelwe ukupwa kuli Yusufu, lelo ulo tabalaba pamo, alisangenwe ukwebati aliimitile ifumo lyaku Mupashi wa Mushilo. ¹⁹ Lelo Yusufu, umulume wakwe, ali umuntu umololoke elo talikufwaya ukumusebanya pa lwalala, kanshi alikupinga fye ukumuleka mu bumfisoolo. ²⁰ Ulo alikutontonkanya pali ifi, malaika wakwa Shikulu alibonekele kuli ye mu ciloto, nokulanda ati, "Yusufu mwana Dabidi, witina ukubula Maria ukuba umukashi obe, pantu uyo uwimitilwe muli ye emitilwe ku Mupashi wa Mushilo. ²¹ Akafyala umwana umwaume, elo muka mukuta ne shina lyakwe ati Yesu, pantu u kapususha abantu bakwe ukufuma mumasambi." ²² Nomba nefi fyonse fyacititikile pa kufikilisha ifyalandile Shikulu ukupitila muli kasesema, ukuti, ²⁴ Yusufu alyalamukile ukufuma mu tulo elo nokucita nge fyamwebele malaika, elo alimubulile nokuba umukashi wakwe. ²⁵ Lelo tamwishibile ukushinta fye napakupaapa umwana umwaume. Eluntu ba mwinikile ne shina ati Yesu.