¹ "Eluntu ubufumu bwa mu mulu bukaba ukubati niba na cisungu ikumi limo abo abapitiile ifisaniko elo baile mu kukumanya shi bwinga. ² Basano bali bapuka elo basano bali abakucenjela. ³ Pantu uluntu bana cisungu basano bapitiile ifisaniko fyabo tabapitiile amafuta nangu yamo. ⁴ Lelo bana cisungu balya basano aba mano balipitiile amafuta mu fisaniko fyabo. ⁵ Nomba ulo shibwinga akokwele ukwisa, balyu mfwile utulo elo nokusendama. ⁶ Lelo pakati ka bushiku kwaumfwikile akapoota, 'Boneni, shi bwinga! Kabuyeni elo mu ku mukumanya.'

⁷ Eluntu bonse abo bana cisungu basantamukile elo no kwasha ifisaniko fyabo. ⁸ Abapuka balandile kuba mano ati, 'Tupeleniko amafuta yenu yamo pantu ifisaniko fyesu fyalashima.'

⁹ "Lelo abamano balyasukile elo nokulanda ati, 'Apo tayakumane fwebo elo namwe, kabuyeni kanshi kuli bo abasulwisha elo muye kushita amafuta ayenu,' ¹⁰ Umo bali mukushita amafuta, shi bwinga alishile, elo abo abaiteyenye balingile naye ku mutebeto wa bwinga, elo ne cibi caliselwe.

¹¹ Panuma balya bambi bana cisungu nabo balishile elo nokulanda ati, "Shikulu, shikulu, tuswileniko.'

¹² "Lelo alibasukile elo nokubeba ati, 'Mucine Nkolanda kuli mwebo nati, Ntamishibile mwebo.' ¹³ Eico beni abakulola, pantu tamwishibile ubushiku nangu nshita.

¹⁴ "Pantu caba ukubati ni uluntu umuntu alipepi nokuya mu calo cimbi. Alikutiile ababomfi bakwe elo no kubapela ifyuma fyakwe. ¹⁵ Kuli umo amupele amatalanta yasano, kuli umbi amupele yabili, elo kabili kuli umbi amupele limo. Cila umo apokele ukulingana napapelele amaka yakwe, elo noyo muntu alifuminepo nokuya. ¹⁶ Ye uwapokele amatalanta yasano aile ulo lwine elo no kuya kubika mu makwebo elo apangilapo nayambi amatalanta yasano. ¹⁷ Mu musango umo wine ulya uwapokele yabili apangilepo nayambi yabili. ¹⁸ Lelo ulya uwapokele italanta limo alifuminepo, nokuya kwimba icilindi, elo nokufisa indalama shakwa shikulu wakwe. ¹⁹ Nomba panuma ya nshita iitali shikulu waku balya babomfi alibwelele nokufwaya indalama shakwe. ²⁰ Umubomfi ulya uwapokele amatalanta yasano alishile elo nokuletelapo na yambi yasano amatalanta. Alandile ati, Shikulu, mwampele amatalanta yasano. Boneni, ndipangilepo nayambi amatalanta yasano.'

²¹ "Shikulu wakwe alandile kuli ye ati, 'Mwabombeni, we mubomfi uwa bune elo uwacine! Wali uwacine pa fintu ifinono. Nalakubika ukulolekesha pa fintu ifingi. Ingila mu nsansa shakwa wisokulu.'

²² "Umubomfi ulya uwapokele amatalanta yabili aishile elo nokulanda ati, 'Shikulu, mwampele amatalanta yabili.'

²³ Shikulu wakwe amwebele ati, 'Mwabombeni, we mubomfi uwa bune elo uwa cine! Nalakubika mukulolekesha pa fintu ifingi. Ingila mu nsansa shakwa wisokulu.'

²⁴ "Eluntu ulya ulya umubomfi uwapokele itanta limo aishile elo no kulanda ati, "Shikulu, ndishibile ukwebati uli muntu uwakwafya. Usombola napo tawabyele, elo usombola napo tawamishile. ²⁵ Nalyumfyule umwenso, eico Nebo nalile elo nokufisa italanta lyobe mu mushili. Boneni, pokeni icintu cenu.'

²⁶ "Lelo shikulu wakwe amwasukile elo no kumweba ati, 'Webo we mubomfi wabubi elo umunang'ani, walishibile ukwebati Ndasombola napo ntabyele elo Ndasombola napo ntaasalangenye. ²⁷ Eico kanshi nga walibikile indalama shandi ukwakusungila, elo pakwisa kwandi nga Nalisangene nokupoka nsonsela. ²⁸ Eico kanshi pokololeni ne talanta limo kuli ye elo nokupela umubomfi uyo uukwete amatalanta ikumi. ²⁹ Pantu ye onse uwakwata ifingi, bakamubikilapo nafimbi--elo namukufula. Lelo kuli ye onse uutakwata akali konse, nototwine uto akakwata baka mupoklola. ³⁰ Poseni uyo umubomfi wa bubi panse apakufiita fititi, apo apakaba ukulila elo nokusumanya ameno.'

³¹ "Uluntu Umwana wa Muntu akesa mu lulumbi lwakwe elo naba malaika bonse bakaba naye, eluntu akekala pa cipuna cakwe ica lu lulumbi. ³² Kuntanshi yakwe kukalongana ifyalo fyonse, elo akapatulula abantu ukufuma ku banabo, ukubati nifilya kachema apatulula impaanga ukufuma ku mbushi. ³³ Akabika impaanga ku kuboko kwaku kulyo, lelo imbushi ku kuboko kwakwe ukwa ku cipiko. ³⁴ Eluntu Imfumu ikalanda kuli bo abakaba ku kulyo kwakwe ati, 'Iseni, mwebo mwebakupalwa kuli Tata, pyaneni ubufumu ubo ubwateyanishiwa ukutula pa kutampa kwa calo. ³⁵ Pantu Nali ne nsala elo mwalimpele ifilyo; Nali ne cilaka elo mwalimpele amenshi; Nali umweni mwalimpokelele; ³⁶ Nali umuneke elo mwalimfwikile; Nali uwakulwala elo mwalinsakamene; Nali mu cifungo elo mwalishile kuli ku mpempula.'

³⁷ "Eluntu abalungami bakam- wasuka elo nokulanda ati, 'Shikulu, nilwisa ulo twamibwene ninshi muli ne nsala elo twamipela ifilyo? Nangu mwali ne cilaka elo nokumipa amenshi? ³⁸ Nangu abeni elo nokumipokelela? Nangu umuneke elo nokumifwika? ³⁹ Bushe ni lwisa ulo twamibwene abakulwala nangu mu cifungo elo nokwisa kuli mwe?

⁴⁰ "Eluntu Imfumu ikasuka elo nokulanda kuli bo ati, 'Mucine Nkomyeba nati, fyonse ifyo mwacitile kuli aba ba munyina abanono ninshi mwacitile kuli nebo.' ⁴¹ Eluntu akalanda kuli bo abakaba ku kuso kwakwe ati, 'Fumeni pali nebo, mwebakutipwa, kabuyeni mu mulilo wakubelelela uyo uo bayanishisha Satana elo naba malaika bakwe, ⁴² pantu Nali nensala, lelo tamwampeleko ifilyo; Nali ne cilaka, lelo tamwampeleko amenshi; ⁴³ Nali umweni, lelo tamwampokelele; umuneke, lelo tamwamfwikile; nalilwele elo namu cifungo, lelo ta mwansakene.'

⁴⁴ Eluntu nabo bakamwasuka abati, 'Shikulu, ni lwisa twamibwene muli ne nsala, nangu ne cilaka, nangu umuneke, nangu abakulwala, nangu mu cifungo, elo tatwamitangete?'

⁴⁵ "Eluntu akabasuka elo nokulanda ati, 'Mucine Nkolanda kuli mwebo nati, ifintu ifyo tamwacitilile aba abanono uku, ninshi tamwacitile nebo.' ⁴⁶ Abo bakaya mukucula ukwa kubelelela, lelo abololoke ku mweo waku belelela."