¹ Yesu alifumine mwi tempele elo alikuya pa lwakwe. Abasambi balishile kuli ye no ku musontela ifikulwa fye tempele. ² Lelo alyasukile elo nokulanda kuli bo ati, "Bushe tamukobona ifi fintu fyonse? Nkolanda icine kuli mwebo nati, tapakabe ilibwe nangu limo ilikashala pa mulu wa libwe linakwe ilyo ili takabongoloke."

³ Umo ali alikele pa lupili lwa mi Olifi, abasambi balishile kuli ye mu bumfisolo elo nokulanda ati, "Fwebo twebe, bushe ifi fintu ni lwisa ulo fikacitikila?

⁴ Yesu alyasukile elo nokulanda kuli bo ati, "Mucenjele epa kwebati umuntu nangu umo tamishentekele. ⁵ Pantu abengi bakesa mwishina lyandi. Bakalekulanda ati, "Ninebo Kristu; elo bakashenteka abengi. ⁶ Mukalekukutika palwa nkondo elo nama ng'wing'wi ya nkondo. Mubone ukwebati tamushupikilwe, pantu ifi fintu fifwile ukucitika; lelo ninshi impela tailati ukufika. ⁷ Pantu icalo cikemina icalo cinakwe, elo uluko lukemina uluko lunakwe. Ku kapona ifipowe elo naba makumba muncende ishakupusana pusana. ⁸ Lelo ifi fyonse ifintu entapilo yakukalipa kwe fumo. ⁹ Eluntu bakamitwala mukumipakasa elo nokumipaya. Mukapatwa ku fyalo fyonse pa mulandu fye we shina lyandi. ¹⁰ Eluntu abengi bakaipuntula, elo nokusenuka abanabo elo nokupata abanabo. ¹¹ Bakasesema abengi bakema elo nokulufya abengi. ¹² Pantu bucintomfwa bukafula, icitemwiko cabengi cikatalala. ¹³ Lelo uukashipikisha ukushinta na kumpela eu kalubuka. ¹⁴ Iyi Imbila ya bune iya bufumu bwamu mulu bukabilwa mu calo conse kabili na bukambone kuli fyonse fyalo. Eluntu ne mpela ikesa.

¹⁵ Eico kanshi nga mwabona icamuselu icakuponena icalandilwe na Daniele kasesema, ciminine mucende iya mushilo." (Iekeni uukobelenga omfwikishe). ¹⁶ Lekeni abali mu Yudea ba butukile ku mpili, ¹⁷ Lekeni abali pa mtenge wa ng'anda beika ukwebati bapiite akali konse ukufuma mu ng'anda, ¹⁸ elo mwileka uuli mwibala aye mukupita icifwalo. ¹⁹ Lelo kalanda kuli bo abali pabukulu na bako onsha utunya muli isho inshiku! ²⁰ Pepeni ukwebati ulwendo lwenu lwikaba mu mupepo na pa Chibelushi. ²¹ Pantu kukaba ubucushi ubukulu, ubutatala abubapo apo icalo ca tampila ukushinta na nomba awe, kabili takwakabepo na kabili. ²² Kano fye inshiku isho nga cakwebati shaipishiwa takulipo umuntu uu nga pusuka. Lelo pa mulandu wabasalwa ishi nshiku shikepishiwa. ²³ Eluntu nga uuli onse amyeba ati, 'Boneni Yesu ali apa nangu Yesu ali uko! Mwicetekela. ²⁴ Pantu ba Kristu aba bufi na ba kasesema aba bubfi bakema nokulangisha ifilangisho ifikulu nefingelengwe, pakweba ati, balufye abengi, nga cinganguka pamo nabasalwa. ²⁵ Boneni, nebo namwebelapo limo ulo inshinta tailafika. ²⁶ Eico kanshi, nga bamyeba ati, 'Boneni ali mu matololo,' mwikaya ku matololo nangu, boneni ali mu fipinda fya mukati mwicetekela. ²⁷ Pantu ukubati nifilya ifyo inkuba ibyasha ukufuma ku mutula kasuba ukuya ku masamba, efikaba nokwisa kwa Mwana wa Muntu. ²⁸ Uko konse ukuli inama yakufwa, ekukolongana ama kubi.

²⁹ Lelo panuma fye ya bucushi mu nshiku shilya akasuba kaka fita fititi, no mweshi tawakapeelepo ulubuto, ne ntanda shikappna ukutula mu mulu na maka ya mu myulu ikatenkana. ³⁰ Eluntu ne cishibilo ica Mwana wa Muntu cikaboneka mu mulu, ne mitundu yonse iya pano calo ikalosha. Bakabona Umwana wa Muntu akoisa muma kumbi na maka elo no lulumbi ulukulu. ³¹ Akatuma ba malaika bakwe ne ciunda icikulu ice penga no kulonganya abasalwa bakwe ukutula ku tupinda tune; ukutula ku lutwe ya myulu ukuya na kumbi.

³² "Sambilileni isambililo ku citi ica makunyu. Lulya lwine fye umusambo wafunya amabula ayapya ninshi mwaishiba ukwebati ulusuba lwapalama. ³³ Eico ifyo fine, uluntu mwa bona ifi fintu, mu fwile ukwishiba ati inshita ili palimine, pa mpongolo shilya shine. ³⁴ Icine cine fye nko myeba nati, ino inkulo tayakapitepo ninshi ifi fintu fyonse ninshi filicitikile. ³⁵ Umulu ne calo fikapita, lelo amashiwi yandi tayakatale ayapita. ³⁶ Lelo ukulosha pa bushiku bulya na kashita tabapo nangu umo uwaishiba, na bamalaika baku mulu, nangu Mwana, lelo ni Tata e waishiba fye. ³⁷ Ukubati nifilya inshiku shakwa Noah shali, efikaba nokwisa kwa Mwana wa Muntu. ³⁸ Pantu filya fine cali mu nshiku ulo icalo tacila bunda bali kulya no kunwa, bali kupa no kufya uku shinta no bushiku Noah apateme muci bwange, ³⁹ tabaishibilepo akantu nangu kamo ukushinta nolo kubunda kwaishile no kubapiita bonse- efikaba nokwisa kwa Mwana wa Muntu. ⁴⁰ Eluntu abaume babili bakaba mwibala-- umo akapiitwa, umbi naye akashala. ⁴¹ Abanakashi babili bakabakopela umo akapitwa umbi naye akashala. ⁴² Eico mube abakulola pantu mwebo tamwishibile ubushiku ubo Shikulwe ali no kwisa. ⁴³ Lelo ishibeni ici, icakwebati nga cakuti kasunga uwa ng'anda alishiibile ni inshita ndo iya bushiku pompwe akoisa, nga alilondele ing'anda yakwe ukwebati acingilile ba pompwe ukusansa. ⁴⁴ Eico mwebo mulyufwile ukuba aba kuiteyanya na mwebo, pantu Umwana wa Muntu akesa pa shinta iyo tamukoenekela.

⁴⁵ "Eico ni nani uwa cinie no mubomfi wa mano uo shikulu wakwe apele amaka pa ng'anda yakwe ukubapela ifilyo pa nshita iyakulinga? ⁴⁶ Wakupalwa ni ye umusha uo shikulu wakwe akasangana akocita ifyo uluntu akesa. ⁴⁷ Mu cine Nko myeba ati shikulu wakwe akamupela amaka pa fipe fyakwe fyonse. ⁴⁸ Lelo nga cakwebati umubomfi akolanda mu mutima wakwe ati, 'Shikulu wandi akokola; ⁴⁹ elo no kutampa ukuma ababomfi banankwe elo no kulya elo no kunwa na bacakolwa, ⁵⁰ eluntu shikulu wakwe akesa pa bushiku ubo atenekele. ⁵¹ Shikulu wakwe amuputaula mutupimfya nokupela icende pamo naba mumbi munda, uko ukukaba ukulosha nokusumanya ameno.