¹ Napali ilya inshita abasambi balishile kuli Yesu no kumweba ati, "Bushe umukulu ni nani mu bufumu ubwa mu mulu?"

² Yesu alikutile akana akaice kuli ye no kukabika pakati kabo ³ elo alandile ati, "Mucine Nebo nkolanda kano fye nga mwaaluka no kubati baice tamwakengile mu bufumu bwa mu mulu. ⁴ Eico kanshi uuli onse uwaicefya ukubati kaice e mukulu mu bufumu bwa mu mulu. ⁵ Ye onse uwapokelela akana akaice ukubati nifi mwishina lyandi ninshi ampokelela. ⁶ Lelo ye onse uwalenga umo pa baice abasumina muli nebo ukuipuntula kuti cawama kuli ye ukwebati akobekwa ci mushikita mu mukoshi, elo alingile ukumuposa muli bemba.

⁷ "Kalanda kwi sonde kumulandu wafipunwisho! Pantu cililingile ukweba ati, ifipunwisho fise lelo kalanda kuli ye uo ifipunwisho fikoishilamo! ⁸ Nga cakwebati ukuboko nangu ukulu kobe kwakulenga ukuipuntula kuputuleko noku kuposa ukufuma kuli webo. Cililingile webo ukuba umulema ukucila ukwisakuposwa mu mulilo wakubelelela na maboko yabili nangu amolu. ⁹ Nga cakwebati ilinso lyobe lyakulenga ukuipuntula ulishongolemo no kuliposa ukutali nobe. Cili icabune kuli webo ukwingila mu mweo ne linso limo ukucila ukuposwa muli bemba wa mulilo ulikwete amenso yabili. ¹⁰ Boneni ukwebati tamulufishepo nangu kamo pali utu twanike. Kabili Nebo nko myeba ati, ba malaika mu mulu lyonse balalolesha pa cinso cakwa Tata uwaba mu mulu. ¹¹ Pantu umwana wa Muntu aishile mukupususha abakuluba. ¹² Findo ifyo mutontonkanya? Nga cakwebati umo alikwete impaanga umwanda umo, elo imo yaya iciyeyeye tekuti ashe ishili amakumi pabula na pabula pambali ya culu nokuya mukufwaya iile iciyeyeye? ¹³ Nga aisangana, nko myeba icine nati alasamwa pali imo ukucila ishili amakumi pabula na pabula isho ishitaciya iciyeyeye. ¹⁴ Mu nshila imo ine, tekufwaya kwakwa Shinwe uwa mu mulu ukwebati umo pali aba banike ukuloba.

¹⁵ Nga cakwebati wenu akulufyanya, kabuye elo nokuya muyekulanshanya mwebo mweka babili. Nga cakwebati akutika kuli webo ninshi wa nonka wenu. ¹⁶ Lelo nga takutikile kuli webo, piitapo umo nangu babili ulekuya nabo, pakweba ati utunwa tubili nangu tutatu utwa bunte, ishiwi ilili lyonse likomfwika. ¹⁷ Lelo umfwa nga akana uku kutika kuli bo, utwale umulandu ku cilonganino, umfwa nga akana uku kutika ku cilonganino, umuleke ukamucite fye ukubati mwina fyalo nangu kasonkesha wa misonko. ¹⁸ Nko myeba mu cine nati, ifintu fyonse ifyo mwakaka pano pa calo namu mulu ninshi filikakilwe, kabili ifyo mwakakula pano pa calo na mu mulu namo ninshi filikakulukile. ¹⁹ Na kabili nko myeba mu cine nati, nga babili pali mwebo basuminishanya pano pa calo pafili fyonse ifyo mukofwaya ukulomba, cikacitwa kuli bo na Tata uwaba mu mulu. ²⁰ Pantu apali babili nangu batatu abakolongene mwishina lyandi nandibo ninshi e pondi pakati kabo."

²¹ Eluntu Petelo aishile kulanda kuli Yesu ati, "Shikulu, bushe miku inga wesu engatulufyanya elo nokumu belela uluse? Ukushinta fyenapa miku cine lubali?

²² Yesu alimwasukile ati, Ntakwebele ati imiku cine lubali, lelo uku shinta fye naku miku amakumi cine lubali na cine lubali. ²³ Eico kanshi ubufumu bwa mu mulu bwapalanishiwa ku mfumu imo iyatampile ukukalipila abasha baiko. ²⁴ Uluntu atampile ukulubulwisha aba abasha, umusha umo aliletelwe kuli ye uwamukwatile amatalanta amakana ikumi. ²⁵ Lelo apo takwete umusango wakulipililamo Shikulu wakwe amwebele ati ukumusulwisha, bonse pamo no mukashi wakwe nabana bakwe elo fyonse ifyo akwete, elo no kulipila. ²⁶ Eluntu umusha awile panshi, ali fukeme napali ye nokulanda ati, 'Shikulu mbeleleniko uluse, kabili nkomipela fyonse.' ²⁷ Kabili Shikulu wauyo musha ico alikuntukilwe no bulanda, alimulebeleleko uluse nokumubelela inkongole akwete. ²⁸ Lelo ulya musha aile panse no kusangana umo uwa mubasha banankwe, uwa mukwatile amashekele umwanda umo. Alimwikete no kutampata ukumupamfya ati, mpela inkongole shandi.'

²⁹ "Lelo umusha munankwe aliwile panshi nokupapata kuli ye ati, mbelelako uluse, elo nokulanda ati, 'Mpela inkongole ishowankwatila.' Lelo umusha munakwe alipapatile nokulanda kuli ye ati, Mpelako akashita, elo nka kulipila.' ³⁰ Lelo umusha wa ntanshi alikene. Ifya citikile, ye aile elo noku muposa mucifungo mpaka akamupele inkongole amukwatile. ³¹ Uluntu abasha banakwe babwene ifyacitikile, balyumfwile ubulanda nganshi. Balishile nokweba shikulu wabo fyonse ifyacitikile.

³² Eluntu shikulu wa ulya musha alimukutile no ku mweba ati, 'Wemusha wa bubi we, nalikubelele uluse pali shonse inkongole pantu walipapatile kuli nebo. ³³ Bushe tekuti ukwatile umusha munobe, uluse, ubati nifilya fine Nebo nakukwatile uluse?' ³⁴ Shikulu wakwe alikalipile nganshi no kumupela kuba kumucusha mpaka akalipile inkongole isho amukwatile. ³⁵ Kanshi ifyo fine na Tata wa mu mulu efyo akacita kuli mwebo nga tamwakabelele ba wenu panshi ya mitima yenu."