¹ Ulo inshiku mutanda shapitilepo Yesu alipitile Petelo pamo naye, na Njemushi na wabo Njoni, kabili alibapitile pa mulu wa lupili. ² Kabili alyalukile palibo. Icinso cakwe calyalukile ukuba ukubati kasuba ne fifwalo fyakwe fyalyalukile ifya bune ukuba ukubati kasuba, elo na malaya yakwe yabonekele bune bune ukubati lubuto. ³ Boneni, kulibo kwalibonekele Musa na Eliya abalikulanda naye. ⁴ Petelo aisa kwasuka no kweba Yesu ati, "Shikulu cawama ukwebati tube nenu pano. Nga cakwebati mukokabila, Nebo nkopanga imitanda itatu -Umo wenu, umbi nao wakwa Musa, kabili umo wakwa Eliya." ' ⁵ Umo ali akolanda, boneni, ikumbi ilyakubuuta lyaishile ku bakupilisha, elo boneni, kabili kwa litulile ne shiwi mwikumbi, no kulanda ati, "Uyu e Mwana mwaume wandi uo natemwisha, ye eo Nebo mbekelwamo. Mulekukutika kuli ye."

⁶ Uluntu abasole bakutikile ifi, baliponeshe ifinso fyabo panshi elo bali tutumine. ⁷ EluntuYesu aishile elo no kubekata nokwisa kulanda ati, "Alamukeni elo mwitutuma." ⁸ Eluntu baloleshe mu mulu lelo tabwenepo uuli onse lelo babwenepo fye Yesu eka.

⁹ Ulo balikutentemuka ulupili, Yesu alibakonkomeshe nokubeba ati, "Mwikatubulula ici cimonwa ku uli onse kanofye Umwana wa Muntu ulo akatutubukuka ku bakufwa."

¹⁰ Abasole bakwe balimwipwishe, elo nokulanda ati, "Findo bushe ico bakalemba balandila ati Eliya ali no kutampilapo ukwisa?"

¹¹ Yesu alibasukile no kubeba kubeba ati, "Eliya icine fye akesa no kubona ukwbati fyonse fyabikwa bwino. ¹² Lelo Nko myeba nati, Eliya alisa kale lelo tabamwishibile. Muli ici cifulo, balicitile ifintu fyonse umo balikufwaila kuli ye. Mu musango umo wine, Umwana wa Muntu naye ali no kucula kuminwe yabo." ¹³ Eluntu abasambi bakwe baumfwile ati kanshi alikulanda pali Njoni Kabatisha.

¹⁴ Uluntu baishile kuli cinkupiti, umuntu alishile kuli ye, alifukeme pali ye, no kulanda ati, ¹⁵ "Mwe Shikulu ng'umfwileni uluse pa mwana wand, pantu alilwala cipumputu elo alacula nganshi. Pantu ilingi alaponena mu mulilo nangu mu menshi. ¹⁶ Na cimuleta kubasambi bobe, lelo balifililwe ukumuposha."

¹⁷ Yesu alyasukile ati, "Mwe nkulo iyakubula icisumino kabili iya bwangalishi, bushe kanshi nkekala nenu inshita ndo? Bushe Nebo nkashipikisha inshita ndo ukuba nenu? Muleteni kuno kuli nebo." ¹⁸ Yesu e pakukalipila ingulu, elo shalifumine muli ye, no mulumendo alipolele ukutula fye ilya ine inshita.

¹⁹ Eluntu abasambi baishile kuli ye mubumfisolo kulanda ati, "Cindo ico tutashifunisha fwebo?"

²⁰ Yesu abebele ati, "Nipa mulandu wacisumino cinono. Nkomyeba icine nati, umfwa mukwate icisumino icakupalana no luseke lwalubanga, kuti mwaeba, ulupili, ati, 'Sela ukufuma pano nokuya palya' kabili kuti lwasela, kabili takuli icintu icingafya kuli mwebo." ²¹ Lelo ingulu isha musango uyu tashifuma fye kano mukupepa nokufunga ukulya.

²² Pa nshita bali abekele mu Galile Yesu alikulanda ku basambi bakwe ati, "Umwana wa Muntu akapelwa mu minwe ya bantu, ²³ elo bakamwipaya, napa bushiku ubwakulenga shitatu akatutubuka. "Abasambi bakwe baliketwe no bulanda nganshi.

²⁴ Uluntu baishile ku Kapenamu, bakasonkesha wamusonko wapa mwaka balishile kuli Petelo elo no kumweba ati, "Bushe kasambilisha wenu tapela musonko?"

²⁵ Abasukile ati, "alapela." Uluntu Petelo aingile mu ng'anda, Yesu alandile kuli ye pakutampa elo nokumweba ati, "Findo ifyo ukotontonkanya, Simoni? Bushe nikwisa uko isha mfumu sha mu calo shipoka ubulobololo nangu imisonko? Bushe ni ku bana ba shiko nangu ni kuli bambi?"

²⁶ "Nikuli bambi," efya asukile Petelo. "Eluntu abana tabali na mulandu" efyalandile Yesu. ²⁷ Pakweba ati twilenga ba kasonkesha ukupanga isambi, kabuye ku nika upose indobo, kabili ubule inswi iikotampilapo ukufuma. Uluntu walacenamuna akanwa, walasanganamo indalama ubule utwalile ba kasonkesha umutulo umbi wandi elo no obe."