¹ Aba Falisi elo naba Saduki balishile elo noku mwesha pa ku mwipusha ukuti abalangisheko icishibilo cimo icakutula mu mulu. ² Lelo alibasukile elo no kulanda ati, "Uluntu cafika icungulo bushiku, mulanda ukwwbati, 'Kukaca bwino, pantu ku mulu kuli ukwakashika.' ³ Uluntu caba ulucelo, mulanda ati, 'Kukoba ici mwela, pantu ku mulu kuli ukwa kukashika elo nokutalala.' Mwebo mulishibile ukwilula imibonekele ya myulu, lelo mwebo tekuti mwishibe ukwilula ifishibilo fya nshita. ⁴ Mwe nkulo yabubi elo iya bucende e ikofwaya icishibilo, takuli icishibilo nangu cimo icikopelwa kano fye icishibilo cakwa Yona." Eluntu Yesu abashile elo nokuya.

⁵ Uluntu abasambi bafikile ku bushilya, bo balilabile ukupiita umukate. ⁶ Yesu alandile kuli bo ati, "Tekanyeni elo mule kucenjela ku citutumushi icaba Falisi elo naba Saduki."

⁷ Abasambi balanshanya abene beka elo balanda ukwbati, "Nico pantu tatwacipiita umukate."

⁸ Yesu alishibile ifyo elo alanda ati, "Mwe bacisumino icinono, bushe nindo ico muko in'gwng'wisha mwebene beka elo nokulanda amuti nico pantu tamupitiile umukate? ⁹ Bushe na nomba tamulakutuluka nangu ukwibusha pa mikate isano ifyo nalishishe abantu amakana yasano, elo ne miseke ni inga iyo mwalongenye? ¹⁰ Nangu imikate cine lubali iyo nalishishe abantu amakana yane, elo bushe miseke inga iyo iyo mwapiitile no kwi usha? ¹¹ Nga kanshi nindo ico mutelukile ukuti Nebo taili mikate nali nkolandapo? Tekanyeni elo mulekucenjela ku citutumushi caba Falisi elo naba Saduki." ¹² Eluntu nomba bakutikishe ukwebati talikubeba ukucenjela ku citutumushi ca mu mukate, lelo alikubeba ukucenjela ku masambilisho ayaba Falisi elo naba Saduki.

¹³ Nomba uluntu aishile ku fitungu mupepi na Kaesaria Filipi, alipwishe abasambi bakwe, nokulanda ati, "Bushe abantu balanda ukwebati Umwana wa Muntu ninani?

¹⁴ Balandile ati, "Bambi balanda ati Njoni Kabatisha; bambi ati, Eliya; elo na bambi ati, Yeremia, nangu umo pali bakasesema."

¹⁵ Alandile kuli bo ati, "Lelo nga mwebo mulanda ati bushe ninebo Nani?

¹⁶ Mukwasuka, Simoni Petelo alandile ati, "Niwebo Kristu, Umwana wakwa Lesa Umumi."

¹⁷ Yesu ayasukile elo no kulanda kuli ye ati, "Walipalwa webo, Simoni Ba Yona, pantu umubili elo no mulopa te fyasokolola ifi fintu kuli webo, lelo ni Tata uyo uwaba mu mulu. ¹⁸ Nandibo nalanda kuli we ukuti niwe Petelo, elo napa libwe ili Nebo nkakulapo ulukuta lwandi. Ne fibi fyaku mbo fikafilwa uku lupitapo. ¹⁹ Nebo nka kupa imfungulo sha bufumu bwamu mulu. Icintu conse ico ukakaka pa calo namu mulu cikakakwa, elo neco ukakakula pa calo namu mulu ninshi cakakuluka." ²⁰ Eluntu Yesu akonkomeshe abasambi bakwe nokwbati tabafwile ukwebako umuntu nangu umo ukuti ye e Kristu.

²¹ Ukutula pali ilya ine inshita Yesu atampile ukweba abasambi bakwe ati afwile ukuya ku Yelusaleemu, nokucula ifintu ifingi ku minwe iyaba Yuda elo nabakulu baku bashimapepo elo naba kalemba, akepaiwa, elo nokubushiwa ukuba no mweo pa bushiku bwakulenga shitatu.

²² Eluntu Petelo apitile Yesu pa mbali elo no kumukalipila, no kulanda ati, "Lekeni ifi pitile ukutali, Shikulu; lekeni ifi fikacitika kuli mwebo."

²³ LeloYesu alipilibukile elo no kweba Petelo ati, "Kabuye kunuma yandi, Satana! Webo ulicakupunwisha kuli nebo, pantu webo taukosakamana pa fintu fyakwa Lesa, lelo ukotontonkanya fye pa fintu fya bantu." ²⁴ Eluntu Yesu alandile ku basambi bakwe ati, "Nga cakwebati uuli onse akofwaya ukunkonka, alingile ukuikanya umwine, nokupiita ulupanda lwakwe, elo ankonke. ²⁵ Pantu ye onse uukofwaya ukupususha umweo wakwe ali noku ulofya, elo ye onse uwalofya umweo wakwe pa mulandu wandi akausangana. ²⁶ Pantu bushe kuti cawamina indo umuntu ukunonka icalo conse elo alofya umweo wakwe? Bushe cindo ico umuntu engakabushanya no mweo wakwe? ²⁷ Pantu Umwana wa Muntu ali nokwisa mu lu lumbi lwakwa Wishi naba malaika bakwe. Eluntu akapele icilambu kuli cila umo ukulingana nefyo abomba. ²⁸ Icine Nkolanda kuli mwebo nati, bamo pali mwebo mwebataleme apa tabakapiteko ku mfwa ukushinta napa kubona Umwana wa Muntu uko akoisa mu bufumu bwa mu mulu."