¹ Eluntu aba Falisi bamo elo naba kalemba baishile kuli Yesu ukutula ku Yelusaleemu. Balandile ati, ² "Bushe cindo ico abasambi bobe batobela intambi shabakulu besu? Pantu tabasamba ku minwe uluntu bakolya."

³ Alyasukile elo nokubeba ati, "Bushe mwebo findo mutobela amafunde yakwa Lesa pa mulandu fye wa ntambi shenu? ⁴ Pantu Lesa alanda ati, 'Ulekucindika wiso elo na noko,' elo Noyo onse ulanda ifyabubi pali wishi nangu nyina mu cine ali nokufwa. ⁵ Lelo mwebo mulanda ukuti, "Onse uukoeba wishi nangu nyina ati, "Bonse ubwafwilisho ubo mwebo mukopokelela ukufuma kuli nebo ici nomba ica bupe cipelwe kuli Lesa," ⁶ uyo muntu tafwile ukucindika wishi.' Muli uyu musango muli lengele ukuba ilyafye ishiwi lyakwa Lesa pa mulandu wa ntambi. ⁷ Mwe ba bumbi munda mwe! Kwena tali Esaya alisesemene pali mwebo uluntu alandile ati, ¹⁰ Eluntu akutile ibumba kuli ye elo nokubeba ati, "Kutikeni elo mumfwikishe-- ¹¹ Tapali ifyo ifingila mukanwa ifyo ifikowesha umuntu. Lelo, ico icifuma mu kanwa, ico ecikowesha umuntu."

¹² Eluntu abasambi baishile elo nokulanda kuli Yesu ati, "Bushe ulishibile ukwebati aba Falisi balifulilwe pali filya wacilanda?"

¹³ Yesu ayasukuile elo nokulanda ati, "Iciti conse ico tata wa mu mulu tabyala cikashulwa. ¹⁴ Balekeni fye, niba katungulula ba mpofu. Nga cakwebati umuntu impofu akotungulula impofu inakwe, bonse babili kuti bawila mu cilindi."

^15-16 Petelo alyasukile elo nokulanda kuli Yesu ati, "Londolola uyu umulumbe kuli fwebo." Yesu alandile ati, "Bushe namwe mucili tamulaumfwa? ¹⁷ Bushe tamubona ukwebati ico conse icingila mu kanwa cipita mwifumo elo eluntu cafumina panse ukuya mu cimbusu? ¹⁸ Lelo ifintu ififuma mukanwa fifuma panshi ya mutima. Ifyo efintu ifikowesha umuntu. ¹⁹ Pantu kufuma mu mutima emutampila amatontokanyo ya bubi, ukwipaya, ubucende, ubulalelale, bupompwe, bukambone bwa bufi, elo nemiponto." ²⁰ Ifi e fintu ifikowesha umuntu. Lelo ukulya ukwakubula ukusamba ku minwe takukowesha umuntu awe."

²¹ Eluntu Yesu afumine kulya elo nokulola ku fitungu fya misumba ya mu Tyre elo na Sidon. ²² Boneni, umwina Kenani umwanakashi afumine muli cilya icitungu. Abilikishe elo nokulanda ati, "Ngufwilako uluse, Shikulu, we Mwana wakwa Davidi! Umwana wandi umwanakashi alikatwa ne ngulu--ishabubi."

²³ Lelo Yesu tamwasukile ishiwi nangu limo. Abasambi bakwe balishile noku mupapata, nokulanda ati, "Mutamfye, pantu akotubilikisha."

²⁴ Lelo Yesu alyasukile elo nokulanda ati, "Nebo ntatuminwe ku uli onse kano fye ku mpanga ishaluba isha ng'anda yakwa Israeli.

²⁵ "Lelo aishile elo nokufukama pa ntanshi yakwe, nokulanda ati, "Shikulu ngafwilisha."

²⁶ Alyasukile elo nokulanda ati, "Tacilolelemo ukubula umukate wa bana elo nokuposela ku mbwa."

²⁷ Umwanakashi amwasukile ati, "Ana, Shikulu, lelo nembwa shine shilalyako ubufungau ubo ubupona ku matebulo yakuba katebebe bashiko.

²⁸ Eluntu Yesu ayasukile elo nokulanda ati, "We mwanakashi we, cikulu icisumino cobe; leka ficitike kuli webo ifyo ukofwaya." Umwana wakwe umwanakashi alipolele pali ilya ine fye inshita.

²⁹ Yesu alifumineko kulya ku ncende elo nokuya kumbali ya bemba wa Galilee. Eluntu aile pa mulu wa lupili elo nokwikala palya pene. ³⁰ Amabumba ayakulu yalishile kuli ye. Balimuletele abantu abakulemana, impofu, bacibulu, elo naba bulebe, elo nabambipo abalwele. ³¹ Eico abantu balikupapa pakubona uko bacibulu balikulanda, ababulebe balikuba bwino, abakulemana balikwenda, elo ne mpofu shalikubona. Balilumbenye Lesa uwa bena Israeli.

³² Yesu akutile abasambi bakwe kuli ye elo nokubeba ati, "Naumfwila ibumba uluse pantu baikala nandi inshiku shitatu elo tabakwete nangu fimo ifilyo. Ntakofwaya ukubasalanganya ukwakubula ukubapa ifilyo, pantu limbi kuti bafwa ulushile munshila pakubwekelamo."

³³ Abasambi epakulanda kuli ye abati, "Bushe nikwisa uko twingafunya imikate muno mu conde iyakwebati twingalisha ibumba lya bantu ilyakukula ifi pakwebati likute?"

³⁴ Yesu abepwishe ati, "Mukwete imikate inga?" Balyasukile ati, "Cine lubali, elo notuswi fye utunono." ³⁵ Eluntu Yesu aebele ibumba ukwebati bekaleko panshi. ³⁶ Abulile imikate cine lubali elo notuswi, elo panuma yakutotela, ali sunawile imikate elo nokupela ku basambi bakwe. ³⁷ Abasambi bapele kwi bumba. Abantu bonse balilile elo nokwikuta. Eluntu batolele nokwiusha imiseke cine lubali iya bufungau. ³⁸ Aba abalile bali amakana yane abaume, ukufunyako abanakashi elo na bana. ³⁹ Eluntu Yesu asalangenye ibumba elo apateme mu bwange elo nokuya mu citungu ca Makatani.