¹ Ukulingana na munshita ilya, Herodi imfumu yalikutikile ululumbi pali Yesu. ² Ye alandile ku babomfi bakwe ati, "Uyu ni Njoni Kabatisha, alitutubukile kuba kufwa. Eico aya maka yakombela muli ye."

³ Pantu Herodi ulo aikete Njoni, alimukakile, elo noku mubika mu cifungo pamulandu wakwa Herodia, muka ndume wakwa Filipo. ⁴ Pantu Njoni alilandile kuli ye ati, "Talili lifunde ukumubula webo ukuba umukashi obe." ⁵ Herodi nga ali mwipeye, lelo alikutina abantu, pantu balimubikile ye ukuba nga kasesema.

⁶ Lelo uluntu ubushiku Herodi afyelwe bwafikile, umwana umwanakashi uwakwa Herodia alicindile pakati kabo elo nokusekesha Herodi. ⁷ Pakwasuka ye alilaile nokulapa ukumupela icili conse ico enga mwipusha. ⁸ Panuma yaku mukonkomesha kuli nyina, alandile ati, "Mpeleni nebo, pa nsani, umutwe wakwa Njoni Kabatisha." ⁹ Ne mfumu yaliketwe ubulanda pafyo umukashana alombele, lelo pa mulandu wa mulapo yacitile elo napa mulandu wa abo bonse yalongene nabo, yalandile ati ico cine cicitike. ¹⁰ Yalitumine elo nokuleka baputule Njoni umutwe mu cifungo. ¹¹ Eluntu umutwe wakwe bali uletele pa nsani elo nokupela umukashana elo alitwele kuli nyina. ¹² Eluntu abasambi bakwe baishile, nokupiita icitumbi, elo noku cishika. Panuma ya ifyo, elo baile kweba Yesu.

¹³ Nomba uluntu akutikile ifi, alifumineko kulya nokupatama ubwange nokuya ku ncende iyali yeka. Uluntu amabumba yakutkile ifyo, bali mukonkele pa makasa ukufuma mu misumba mu misumba. ¹⁴ Eluntu Yesu aishile kuli bo elo nokubona ibumba ilikulu. Ali kuntukilwe no luse elo noku posha abalwele babo. ¹⁵ Uluntu icungulo cafikile, abasambi balishile kuli ye noku mweba ati, "Kuno ku ncende nimu conde, elo no bushiku buno bulipwile. Salanganya ama bumba, pakwebati belekuya mu mishi elo bakaishitile ifilyo abene."

¹⁶ Lelo Yesu alandile kuli bo ati, "Tabalingile ukuya. Bapeleni ifilyo ifya kwbati balye."

¹⁷ Balandile kuli ye ati, "Fwebo kuno tukwete fye imikate isano elo ne nswi shibili.

¹⁸ "Yesu alandile ati, "Fileteni kuli nebo." ¹⁹ Eluntu Yesu aebele amabumba ukwikala pa fyani. Abulile imikate isano elo ne nswi shibili. Apunanamina namu mulu, alipaalile elo no kusunaula imikate elo nokupela abasambi bakwe, elo abasambi nabo bafipela ku mabumba. ²⁰ Bonse balilile elo no kwikuta. Eluntu babulile ifyafungaikile ku filyo imiseke ikumi limo naibili. ²¹ Abo abalile balifikile inshinta naku mpendwa amakana yasano abaume, ukufunyako abanakashi elo na baice.

²² Ulo lwine fye fye alyebele abasambi ukupatama mu bwange elo nokuya ku bushulya bumbi, ulo ninshi aeba amabumba ukusalangana. ²³ Panuma yakusalangananya amabumba, alininine eka ku lupili mukupepa. Uluntu icungulo cafikile, kulya ali fye eka. ²⁴ Lelo ninshi ubwange bo bulifikile napatali ukufuma ku mulundu, bwaliku sunkanishiwa na maaba, pantu bali kupansa umwela. ²⁵ Mu nshita iya ku macha pali kundwe Yesu alaisa kuli bo, ako enda pali bemba. ²⁶ Uluntu abasambi bamu bwene ako enda pa menshi, balitinine nganshi elo balanda ati, "Ici cibanda." Elo bapundile no mwenso.

²⁷ Lelo Yesu alandile kuli bo ulo lwine elo no kulanda ati, Shipeni! Ninebo! Mwitina iyo!"

²⁸ Petelo alimwasukile elo nokulanda ati, "Shikulu, nga cakwebati ni mwebo, njebeni njise kuli mwebo pa menshi."

²⁹ Yesu amweba ati, "Isa." Eico Petelo ali patukile mu bwange elo nokwenda pa menshi no kuya kuli Yesu. ³⁰ Lelo uluntu Petelo abwene amaba, aumfwa umwenso. Lulya atampa ukwibila, apunda no kulanda ati, "Shikulu, mpususheni!"

³¹ Ulo lwine fye Yesu alitambalikile ukuboko kwakwe, no kwikata Petelo, elo alanda kuli ye ati, "We wa cisumino icinono, cindo ico wa citwishikila?"

³² Eluntu uluntu Yesu na Petelo bapateme mu bwange, no mwela walilekele ukupupa. ³³ Eluntu abasambi mu bwange balipepele Yesu elo no kulalanda ati, "Cacine uli Mwana wakwa Lesa."

³⁴ Uluntu batapukile ku bushilya, baishile ku mulundu wa Gennesaret. ³⁵ Eluntu abaume muli ilya ncende bali bukishe Yesu, balisabankenye na ma lyashi mu ncende ishashingulukile, elo bali letele kuli ye uyo onse uwalwele. ³⁶ Balimupapatiile pakwebati limbi kuti baikatako fye ku mwingila wakwe, elo nabengi baliketeko nokupola balipolele.