¹ Pali bulya bushiku Yesu alifumine mu ng'anda nokwikala mumbali yaku bemba. ² Ne bumba ilikulu lyali mushingulukile, eico alipateme mu bwange elo no kwikala mu kati ulo ibumba lyonse liliminine mumbali yaku bemba. ^3-5 Eluntu Yesu alilandile ifintu ifingi kuli bo ukubomfya imilumbe. Alilandile ati, "Boneni, umulimi aliile muku kusa imbuto. Ulo akushile, shimbi imbuto shaliponene mu nshila, eluntu ne fyoni fyalishilile nokushilya. Imbuto shimbi shaliponene mu mushili wa mabwe, umo umo tashsakwete umushili uwinenene. Apo pene shali ba lwile pantu umushili tawali uwinenene. ⁶ Lelo uluntu akasuba kabalile, shalibonsele pantu tashali ne mishila, elo shalifotele no kuma. ⁷ Imbuto shimbi shaliponene mu myunga. Imyunga yalilulumukile nokushitabilila. ⁸ Imbuto shimbi shaliponene mu mushili uwabune elo no kutwala ifisabo, shimbi umwanda umo ukucilapo, shimo amakumi mutanda. ⁹ Uyo uuli na matwi yakukutia ka kutike."

¹⁰ Abasambi balishile elo no kulanda kuli Yesu ati, "Nindo ico ku mabumba ukubomfesha imilumbe?"

¹¹ Yesu alyasukile elo no kubeba ati, '"Mwalipelwa ishuko lya kwishiba ifyankama fya bufumu bwa mulu, lelo kuli bo ili shuko talyapelwa. ¹² Pantu kuli ye uwakwata bakamulundilapo, elo fikafulilako. Lelo kuli ye uutakwata, noto akwete baka mupokolola. ¹³ Ici cine eco nandila kuli bo mumilumbe: Nangula bakololesha, tabakobona; elo nangu bakokutika, tabakokutika nokufyumfwa. ¹⁴ Kuli bo icasesemene Esaya fya fikilisha, ico icilanda ati, 'Ukukutika ko, mukalekukutika, lelo munshila fye iili yonse tamwakomfwe; ukulolesha ko, mukalekulolesha, lelo mu munshila fye ili yonse tamwakeshibe. ¹⁶ Lelo mwebo amenso yenu yakupaalwa, pantu yalabona; elo na matwi yenu, pantu yalakutika. ¹⁷ Mucine nkolanda kuli mwebo ati abengi bakasesema na baume abalungami balikukabila ukubona ifintu ifyo mukobona elo tabafibwene. Balikukabila ukukutika ifintu ifyo mukokutika elo bo taba fikutikile. ¹⁸ Kutikeni kanshi umulumbe uwa kwa shibulimi uyo uwa kushiile imbuto shakwe. ¹⁹ Uluntu umuntu uuli onse akutika amashiwi ya bufumu lelo takoyomfwa, satana aisa elo nokusompola ifyo ifya byelwe mu mutima wakwe. Iyi e mbuto ilya iyaponene mu mbali ya nshila. ²⁰ Isho ishakushilwe pa mushili wa mabwe ni ulya umuntu uukutika ili shiwi elo apo pene fye alipokelela ne nsansa, ²¹ lelo tamuba na mushila muli ye elo naye wa nshita fye iinono. Eluntu ubucushi nangu ukupakaswa kwaisa pa mulandu we shiwi lyakwa Lesa. Kalekale fye awa. ²² Isho ishakushilwe mu myunga, uyo muntu uukutika ishiwi, lelo amasakamiko ya mu calo elo nokongolwa ne fyuma fya tosha ishiwi, elo ye afilwa ukutwala. ²³ Ne mbuto ishakushilwe mu mushili wa bune, ni ulya umuntu uukutika ishiwi elo noku lyumfwa. Ye ulakula muma shiwi elo nokutwala ifisabo, no kutwala pa nshita imo umwanda umo, muli imbi amakumi mutanda, elo na muli imbi amakumi yatatu ukucilapo."

²⁴ Yesu alilandile naumbi umulumbe kulibo. Asole ati, "Ubufumu bwa mu mulu bwaba ukubati ni ulya umuntu uwa byele imbuto mwi bala lyakwe. ²⁵ Lelo ulo abantu ninshi balisendeme, umulwani wakwe alishile elo no kubyalamo inseku mu ng'anu elo noku fumako aya. ²⁶ Uluntu imisongo yafumine elo noku twala ifisabo, eluntu nenseku nasho shaboneka. ²⁷ Nababomfi ba mwine we bala balishile elo noku mweba ati, 'Mwane, bushe tamwabyele imbuto ishabune mwi bala? Nindo nomba mwabela inseku?'

²⁸ Alilandile kuli bo ati, 'Umulwani eucitle ifi.' "Ababomfi balandile kuli ye ati, 'Ninshi bushe ulefwaya fwebo tuye elo noku sekwila' ²⁹ "Umwine we bala alandile ati, 'Awe, pantu ulo mwakulanukula inseku, limbi kuti mwanukwila kumo ne ng'anu. ³⁰ Lekekeni fyonse filekukulila pamo ukushinta napakusombola. Pa nshita yaku sombola nkalanda ku bakusepa, "Tampilenipo ukunukula inseku elo mushikake mu mipo pakushoca, lelo longanyeni ing'anu mu butala."'"

³¹ Eluntu Yesu alilandile naumbi umulumbe. Alandile ati, '"Ubufumu bwa mu mulu bwaba ukubati luseke lwa lubanga ulo umuntu abulile elo no kulubyala mwibala lyakwe. ³² Ulu lubuto mu cine lwalicepesha pa mbuto shonse. Lelo uluntu lwakula, lulakula pa fiti fyonse ifya mwibala. Lulaluka mu citi, icakwebati ne fyuni fya mulwelele filesa elo no kupanga ifinsa ku misambo ya ici citi." ³³ Yesu eluntu abebele naumbi umulumbe ati. "Ubufumu bwa mu mulu bwaba ukubati citutumushi ico umwanakashi abulile ele nokusankanya mu milingo itatu iyabunga mpaka no mufuba onse watutumuka."

³⁴ Ifi fintu fyonse Yesu alandile ku mabumba mu milumbe; elo tasosele icintu icili conse ukwakubula ukubomfya imilumbe. ³⁵ Neci cali nipa kufikilisha ifyo kasesema alandile fishininkishiwe, uluntu alikulanda ati, "Nebo nkasaamuna akanwa kandi mu milumbe. Nkalanda ifintu ifyo ifyakufisama ukutampa pa tampa kwa calo."

³⁶ Eluntu Yesu ashile amabumba elo no kuya mu ng'anda. Abasambi baishile kuli ye elo nokulanda ati, "Londolola kuli fwebo umulumbe uwa nseku mwi bala.

³⁷ "Yesu alyasukile elo nokulanda ati, "Uyo uubyala imbuto ishabune mwibala Mwana wa Muntu. ³⁸ Nebala calo cino; elo imbuto ishabune, aba ebana ba muli buno ubufumu. Ne nseku e bana bakwa satana, ³⁹ elo no mulwani uyo uwabyelemo inseku ni satana. Ubusomboshi e kupwa kwa nkulo ino, elo abasomboshi ni ba malaika. ⁴⁰ Eico kanshi, lulya inseku bashilonganya elo noku shoca no mulilo, nifyo fine efyo cikaba napa kupwa kwa ino inkulo. ⁴¹ Umwana wa Muntu akatuma ba malaika, elo bakalonganya ukufuma mu bufumu bwakwe ifintu fyonse ifyo ifilenga amasambi elo nabo ababembuka. ⁴² Baka baposa bo mwilungu lya mulilo, umo umukaba ukuloosha elo no kusumanya ameno. ⁴³ Eluntu abantu abololoke bakaaka ukubati kasuba mu bufumu bwakwa Shibo. Ye uuli na matwi, ka kutike.

⁴⁴ Ubufumu bwa mu mulu bwaba ukubati cuma ico ba fisa mwibala. Umuntu alicisangene elo no kucifisa. Mukusansamuka kwakwe, asulwishishe ifintu fyonse ifyo akwete, elo no kushita lilya ibala. ⁴⁵ Na kabili, ubufumu bwa mu mulu bwaba ukubati ni ulya umuntu shimakwebo uyo uukofwaya ubulungu bwabune ubwa mutengo. ⁴⁶ Uluntu abwene ubulungu bumbi ubwakucilapo ubune no mutengo, aliile elo nokusulwisha ifintu fyonse ifyo akwete elo no ku bushita.

⁴⁷ "Nakabili. Ubufumu bwa mu mulu bwa pala ukubati lisumbu ilyo bateele muli bemba, elo lyalikete inswi ishakulekana lekana. ⁴⁸ Uluntu lyaiwile, abashiila balilikulile kunse. Eluntu baikele panshi elo nokulonganya inswi ishabune mu fipe, lelo ifintu ifitakwete incito balifiposele kumbi. ⁴⁹ Efyo cikaba napa kupwa kwa nshita. Ba Malaika bakesa elo no kusobolola abantu ababubi ukufuma ku bololoke. ⁵⁰ Bakabaposa mwilungu lya mulilo, umo umukaba ukuloosha elo nokusumanya ameno.

⁵¹ "Bushe muli kitikile ifi fyonse?" Abasambi balilandile kuli ye ati, '"Ana", ⁵² Eluntu Yesu alandile kuli bo ati, "Eico kanshi kalemba onse uwaba umusambi ku bufumu bwa mu mulu apala umuntu umwine wa ng'anda, ye uufunya ifyakale elo ne fintu ifipya mu fyuma fyakwe." ⁵³ Eluntu icacitikile cakwebati uluntu Yesu apwishishe iyi imilumbe, alifumine kuli ilya incende.

⁵⁴ Eluntu Yesu aingile mu citungu mwakwe elo nokusambilisha abantu mu sinagogi. Ifya tumbukilemo fya kwebati balipapile elo no kulanda ati, ⁵⁵ "Bushe uyu muntu afunya kwisa amano elo ne fi fipapusho?" Bushe tali ni uyu mwana kapala wa mbao? Bushe nyina tali Maria? Bushe ba wabo tali Njemushi, Yusufu, Simoni, elo na Yuda? ⁵⁶ Bushe bankashi yakwe bonse tatuli nabo? Bushe afunishe kwisa ifi fintu fyonse?" ⁵⁷ Bo alibakalifishe. Lelo Yesu alandile kuli bo ati, "Kasesema tabamucindika mu calo cakwe elo naba mu ng'anda yakwe." ⁵⁸ Tacitile ifipapusho ifingi kulya pa mulandu no kutwishika kwabo.