¹ Pa nshita ilya Yesu alikupita pa bushiku bwapa chibelushi mu mabala ya ng'anu. Abasambi bakwe balyumfile insala elo batampile ukutempula imitwe ya ng'anu elo no nokulya. ² Lelo uluntu aba Falisi babwene ifyo, balandile kuli Yesu ati, "Bona abasambi bobe bakocita ifitasuminishiwa ukucita pa bushiku bwa pa Chibelushi."

³ Lelo Yesu alandile kuli bo ati, "Bushe mwebo tamwabelenga ifyo Davidi acitile uluntu aumfwile insala, elo na bantu abo ali nabo? ⁴ Ye alingile mu ng'anga yakwa Lesa elo nokulya imikate iyalimo, icintu ico icitasuminishiwe ye ukulya elo icitali lifunde kubo ali nabo, lelo abakwete fye insambu ni bashi mapepo. ⁵ Bushe mwebo tamwbelenga mu citabo ca mafunde ukwebati pa bushiku bwa pa Chibelushi bashimapepo mwi tempele balilufyenye pa Chibelushi tababa no mulandu? ⁶ Lelo nkomyeba ati uyo uwacila pe tempele ali pano. ⁷ Nga cakwebati mwebo mwalishibile umo ici cintu calolele, 'Nebo nkokabila uluse lelo tali malambo,' nga tekuti museke naba takwete na mulandu. ⁸ Pantu Umwana wa Muntu e Shikulu wa Chibelushi."

⁹ Eluntu Yesu afumineko kulya elo no kwingila mwi sinagogi lyabo. ¹⁰ Boneni, mwali no muntu uwali no kuboko ukwakulemana. Aba Falisi balipwishe Yesu ati, "Bushe caliba lifunde ukuposha pa Chibelushi?" Epa kweba ati benga mupela umulandu wakucita isambi.

¹¹ Yesu alilandile kuli bo ati, "Muntu ndo muli mwebo, uyo, nga cakwebati akwata fye impaanga imo, elo nga cakutila iyi ine mpaanga imo yalobela mucilindi icitali pa Chibelushi, uutangaikata no kuyabula? ¹² Nakanshi icakucilapo ukucindama, muntu ukucila impaanga. Eico kanshi calisuminishiwa ukucita icabune pa bushiku bwa Chibelushi." ¹³ Eluntu Yesu aebele umuntu ati, "Tambulula ukuboko kobe." Alikutambulwile, elo kwalyo lolokele nokupola. ¹⁴ Lelo aba Falisi balifuminepo nokumupingila. Balikufwailikisha inshila shaku mu pelelapo umulandu. Bali kufwailisha inshila iyakwebati bengamonawilamo.

¹⁵ Yesu ico alishibile ifi, alifumineko kulya. Abantu abengi balimukonkele, elo ali baposeshe bonse. ¹⁶ Ye alibakonkomeshe ukwebati bemwishibisha na kuli bambi, ¹⁷ e pakwebati cifikilishe ico icalandilwe na kasema Esaya ati, ²¹ elo ni mwishina lyakwe emo abena Fyalo baka kwatila isubilo."

²² Eluntu umuntu umo impofu elo cibulu, uwaiketwe ne ngulu, balimuletele kuli Yesu. Ali muposeshe, ne catumbukilemo cakwebati ulya muntu cibulu alilandile elo nokubona. ²³ Yonse ama bumba yalipapile elo nokulanda ati, "Bushe uyu muntu kuti aba e Mwana mwaume wakwa Davidi?"

²⁴ Lelo uluntu Aba Falisi bakutikile pali ici icisungusho, bali landile ati, "Uyu muntu taifunisha umwine eka ingulu kano ukubomfya Beelzebul, imfumu iya ngulu.

²⁵ Lelo Yesu alishibile ifyo balikutontonkanya elo alandile kuli bo ati, "Ubufumu bonse ubwa abanika ubwine bulabongoloka, elo no musumba onse nangu ing'anda iya abanikamo iine tekuti italamane. ²⁶ Nga cakwebati Satana atamfya Satana, ni alyabanikamo umwine eka. Bushe kanshi ubufumu bwakwe kuti bwatalamana na musango ndo? ²⁷ Elo nga cakwebati nebo nkotamfya ingulu ukubomfya Beelzebul, nga bana benu bushe ninani balikubomfya pa kushitamfya? Nipali uyu wine umulandu bo bakabela bakapingula benu. ²⁸ Lelo nga cakwebati nebo nkofunya ingulu ukubomfya Umupashi wakwa Lesa, ninshi kanshi ubufumu bwakwa Lesa bulishile pali mwebo. ²⁹ Bushe umuntu uuli onse kuti aingila mu ng'anda ya muntu uwamaka no kumwibila ifipe fyonse ukwakubula ukutampilapo ukumukakila? Eluntu aya kumwibila ifipe fyakwe fyonse mu ng'anda. ³⁰ Umuntu uutaba nandi ninshi alipusana nandibo, elo no muntu uutalonganya nandibo alasalangana. ³¹ Eico kanshi Nebo nkolanda kuli mwebo ati, isambi lyonse elo nomusaluula umuntu akabelelwa uluse lelo ukusaluula Umupashi takwakebelwe uluse. ³² Naye onse uwalanda amashiwi ayabubi pa Mwana wa Muntu, naye akabelelwa uluse. Lelo ye onse uwalanda amashiwi ayabubi pali Mupashi wa Mushilo, uyo ye takabelelwe uluse, nangu ni muno mwine mu calo, nangu ni muli cilya cine icalo ico icikoisa. ³³ Pangeni iciti ica bune elo ne fisabo fikaba ifya bune, nangu pangeni iciti icabubi elo ne fisabo ifyaciko fikaba ifyabubi, pantu iciti ba cishibila ku fitwalo fyaciko. ³⁴ Mwe bana ba mafwafwa mwe, apo muli bamasambi, bushe kuti mwalanda ifintu ifya bune? Pantu ifyaiula mu mutima wa muntu efifuma mu kanwa kakwe. ³⁵ Umuntu wabune ukufuma mu butaala bwa mutima wakwe uwabune mufuma ifintu ifya bune, no muntu umu bubi ukufuma pa fyabubi ifya mu mutima wakwe emufuma ifintu ifya bubi. ³⁶ Nebo nkolanda kuli mwebo ati pa bushiku bwa bupingushi abantu bakalubulwilapo pa mashiwi yonse aya bubi ayo balikulanda. ³⁷ Pantu amashiwi ayo ulanda eya kakupingula, elo ukutula mu mashiwi yobe eyo ukapelelwapo umulandu."

³⁸ Eluntu bambi bakalemba elo naba Falisi balyasukile Yesu elo nokulanda ati, "Kasambilisha, kuti twatemwa ukubonako icishibilo kuli webo."

³⁹ Lelo Yesu alyasukile elo nokulanda kuli bo ati, Mwe nkulo iya bubi elo iyi cende iikofwaya icishibilo. Lelo takwabe nangu cimo icishibilo icikocitwa kano icishibilo icakwa Yona kasesema. ⁴⁰ Pantu filya fine Yona ali pa nshiku shitatu akasuba elo ne nshiku shitatu ubushiku mumala ya nswi icikulu, ifyo fine efyo no Mwana wa Muntu akaba inshiku shitatu akasuba na shitatu ubushiku mu mu kabuli. ⁴¹ Abantu ba mu Niniveh bakatalamana pa bupingishi pamo naino inkulo iya bantu elo bo bakalekubaseka. Panto bo balilapiile ku mbila yakwa Yona, elo boneni, Uyo uwakucila pali Yona ali pano. ⁴² Namfumu wa kukapinda ka kulyo akabukila ku bupingushi pamo na bantu ba ino ine nkulo elo no kubaseka. Atulile ku lutwe lwa calo ukwisa mu kutika amano yakwa Solomoni, elo boneni, uyo uwakucila pali Solomoni ali pano. ⁴³ Uluntu umupashi wakukowela wafuma mu muntu, wapita namu ncende umo umutali amenshi elo no kufwaya umwakutushisha, lelo tausangene iyo. ⁴⁴ Eluntu walanda ati, 'Nebo nalabwelelamo ku ng'anda yandi uko nafumine.' Pakubwelelamo waya kusangana ukwebati ing'anda taikwete ne cimo- taisolelwe elo no kwanshikwa bwino. ⁴⁵ Eluntu ulaya nokupiita imipashi naimbi cine lubali iyakubipisha ukucilapo, elo yaisa yonse nokwikala mulya mwine. Eluntu namu muli pelwepelwe imibele ya ulya umuntu ikacila napakutampa. Nifyo fine cikaba na ku nkulo ino iya bubi."

⁴⁶ Umo Yesu ali akolanda ku mabumba, boneni, nyina elo naba wabo batalemene panse, balikufwaya ukulanda naye. ⁴⁷ Umo alanda kuli ye ati, "Bona, banoko elo naba wenu balitalamene panse, bakofwaya ukulanda nobe."

⁴⁸ Lelo Yesu alyasukile elo nokulanda ku wamwebele ati, "Nga mayo ni nani elo nga bawesu niba nani? ⁴⁹ Eluntu ye atambalikile ukuboko kwakwe pa basambi elo nokulanda ati, "Boneni, bamayo ni aba elo naba wesu! ⁵⁰ Pantu ye onse uucita ififwaya Tata uwamu mulu, uyo muntu ninshi e wesu, elo na nkashi, elo na mayo."