¹ Cali ukwebati uluntu Yesu apwilishe ukufunda abasambi bakwe ikumi limo nababili, alifumineko kulya no kuya kukusambilisha no kubila mumisumba yabo. ² Nomba ululuntu Njoni aumfwile mucifungo palwa mibombele yakwa Kristu ye alitumine amashiwi kubasambi bakwe ³ nokulanda kuli ye ati, "Bushe eniwe umo uukoisa, nangu tuli nokupembelela umbi?"

⁴ Yesu alyasukile elo no kulanda kuli bo ati, "Kabuyeni elo mulondolole kuli Yoani ifyo mubwene elo no kukutika. ⁵ Impomfu shikobona, abakulemana bakoenda, abafibashi balisangulwile, bankomya matwi bakoumfwa nakabili abakufwa bakotutubushiwa ukuba abalole, elo nembila ya bune ikobililwa kubalanda. ⁶ Wakushuka niye onse uutaipuntula pa mulandu wadi."

⁷ Ulo aba abantu baliku bwelelamo, Yesu atampile ukulanda kumabumba palwa kwa Yoani, "Bushe nindo ico mwaile mukubona mumatololo -litete ilikotenkana no mwela? ⁸ Lelo Bushe cindo mwaile mukubona -Muntu uwafwele ifyakufwala fyakunakilila. Boneni, ala abo abafwala ifyakufwala ifyabune bekala mu mayanda akuba sha mfumu. ⁹ Lelo bushe cindo ico mwaile mukubona-ni Kasesema? Ana, Nebo nkolanda kuli mwebo. Elo uwakucila pali kasesema. ¹⁰ Noyu e oyu caleembelwe ukwebati, 'Bona nkotuma Intumi yandi kuli mwebo, uyo uwaku kuteyaniniisha limo inshila yobe.' ¹¹ Mu cine nkolanda kuli mwebo ukwebati, pali bo abafyalwa ku banakashi takwaba nangu umo uwacila pali Njoni Kabatisha. Lelo uwacepesha ukucindama mu bufumu alicindamisha ukucila pali ye. ¹² Ukutula pa nshiku shakwa Njoni Kabatisha ukushinta nalelo, ubufumu bwamumulu bulacula kubukaka, elo abaume inkaka bacipoka mu bukaka. ¹³ Pantu bonse bakasesema elo namafunde fyali busesemo uku shinta pali Njoni, ¹⁴ elo nga cakwebati mukokabila ukucipokelela ici, ali ni Eliya uwali nokwisa. ¹⁵ Ye uuli namatwi ayakukutika, lekeni ye akutike. ¹⁶ Bushe ni kucindo uko Ninga pashanya ino inkulo? Cili ukubati banike bakoangala pa ncende sha mu fisankano, abo abakokuta abanabo, elo nokulanda ati, ¹⁷ "Twalikukulishisha umutolilo, elo tawali kucinda. Twalikulila elo tamwali kuloosha iyo.' ¹⁸ Pantu Njoni taishile mukulya umukate nangula ukunwa umwangashi, elo balanda ati, "Aliba ne ngulu.' ¹⁹ Umwana wa Muntu alishile no kulya akolya elo no kunwa elo bakolanda ati, 'Boneni, ye mulili wa muntu elo ni cakolwa, elo ni camata uwaku bakasonkesha wa misonko elo naba masambi!' Lelo amano yeshibikilwa muficitwa."

²⁰ Eluntu Yesu atampile ukwebaula imisumba umo umo ifisungusho fyakwe ifingi fyali kucitikila, pantu tabalapile. ²¹ "Kalanda kuli webo, Kolasini! Kalanda kuli webo, Betsaida! Nga cakweba ati ifisungusho fyalikucitikila muTuri elo na Sidoni ifyo ifyacitilwe muli webo, nga balilapile akale munsamu na mu mitoi. ²² Lelo, Nebo nkokweba caba eyefilyako kuli Turi na Sidoni pa bushiku bwa bupingushi ukucilapo pali webo. ²³ Webo, Kapenamu, bushe webo utontonkanya ati ukasumbulwa ukotontonkayanya ukasumbulwa ukushinta na mu mulu? Awe ukatentemunwa ukuya ku mbo. Pantu nga cakwebati mu Sodoma mwalicitilwe ifipapusho ifyo ifyacitikile muli mwebo, nga epo yaba ukushinta na lelo. ²⁴ Lelo Nebo nkolanda kuli mwebo ati cikabapo icakwanguka ku calo ca Sodoma pali bulya ubushiku bwa bupingushi ukucila mwebo."

²⁵ Pa nsa ilya Yesu alandile ati, "Nkomitotela mwebo, Tata, Shikulu wa mu mulu elo na pano calo, pantu mwebo mwalifishile ifi fintu ukufuma kuba mano elo nabomfwikisha nokufisokolola kubana banono. ²⁶ Ana, Tata, pantu ici cali ica kusekesha ku menso yenu. ²⁷ Fyonse fintu fyalipelwa kuli nebo ukutula kuli Tata, elo takuli nangu umo uwaishiba Umwana kano fye Wishi, elo takwaba nangu umo uwa ishiba Wishi kano fye Umwana elo na onse uyo Umwana asala uku musokolwela. ²⁸ Iseni kuli nebo, mwebo bonse mweba cucutika elo abalemenenwa, elo Nebo nkomipela ukutuusha. ²⁹ Piiteni ikoli lyandi elo nokusambilila kuli nebo, pantu Nebo ndi wakufuuka elo uwakupetama mu mutima, elo mwebo mukasasangana ukutusha mu myeo yenu. ³⁰ Pantu ikoli lyandi lyakwanguka elo icipiito candi cakwanguka."