Icipandwa 10
1
Yesu akutile abekumi limo nababili abasambi bakwe pamo elo abapele amaka pamipashi yakukowela, ayakufunya, elo naya kuposha amalwele ayakupusana pusana elo nokukalipwa ukwakupusana pusana.
2
Nomba namashina aya batumwa yabekumi limo nababili ni aya. Uwakutampilapoi ni, Smoni (untu uwalikukutwa Petelo), na Andele wabo; Yakobo mwana Sebedi, elo Njoni wabo;
3
Filipo, na Batolomeo; Toma, elo Mateo Kasonkesha wamisonko; Njemushi mwana Aluffelo na Tedeo;
4
Simoni umwina Seloti, na Yuda Iskarioti, uwali nokwisa kumufutuka.
5
Aba ikumi nababili Yesu alibatumine. Alibakonkomeshe nokulanda ati, "Tali kwesha kuya muncende umo umwaikala abenafyalo, elo mwiingila mumushi onse uwabena Samaria.
6
Kabuyeni nakucilisha kumpanga ishaluba isha mu ng'anda yakwa Israeli;
7
elo ulo mukoya, bileni no kulanda ati, 'Ubufumu bwamumulu buli palamine.
8
Posheni abalwele, alamusheni abakufwa, sangululeni aba fibashi, elo mufunye ne ngulu. Mulipokelele ubupe lutu, peleni lutu.
9
Mwikapiita golide, silifa, nangu umukuba mu fikwama fyenu.
10
Mwikapiita icola capabulwendo pa lwendo lwenu nangu ifyakumakasa, nangu ninkoto, pantu umubomfi alilinga ukupelwa icilyo cakwe.
11
Onse umusumba nangula umushi mukoya kwingilamo, fwayenimo uwakuba bwino, elo mwikale kulya ukushinta napa kufumamo.
12
Ulo mukoingila mu ng'anda, muposheni.
13
Kabili nga cakwebati ing'anda ilibwino lekeni umutende wenu wisemo. Lelo nga cakwebati taili bwino, lekeni umutende wenu umibwekelele.
14
Kuli bo abatamipokelele nangu ukukutika ku mashiwi yenu, uluntu mukoya ukufuma muli ilya ing'anda nangu umusumba, mukakunte ulukungu ukufuma ku makasa yenu.
15
Icabushe fye nkolanda kuli mwebo ati, cikaba eye filyako kumpanga ya Sodoma na Gomora mubushiku bwabupingushi ukucila pali ulya umusumba.
16
"Boneni, nebo nkomituma ukubaati ni mpaanga pakati kamimbulu, eico mube abakucenjela ukubati ni nsoka elo abakuufuka ukubati ni nkunda.
17
Mulekucenjela na bantu! Bakalekumitwala kufilye, elo bakalekumifopaula mu masinagogi yabo.
18
Eluntu bakalekumitwala kuli bafilolo ne shamfumu pa mulandu wandi, pa kuba ubunte kulibo elo naku bena fyalo.
19
Uluntu mwebo bakamitwala uko, mwila kusakamana ifyo mukoya kulanda, pantu ifyo mukalanda mukebwa pa nshita yeka ilya.
20
Pantu tali mwebo mukalekulanda, lelo ni Mupashi wakwa Shinwe eu kalekulanda muli mwebo.
21
Wabo akatwala Wabo mu kufwa, elo wishi umwana wakwe. Abana bakemina abafyashi no kulenga bo ukufwa.
22
Mwebo mukapatwa kuli bonse pa mulandu weshina lyandi. Lelo uyo onse uukaashipikisha ukushinta nakumpela, uyo muntu e ukapusuka.
23
Uluntu bakamicusha mwebo muli uyu musumba, butukileni kuunankwe, pantu icine nebo nkolanda kuli mwebo ati, mwebo ninshi tamulakumana mu misumba yonse iya Israeli ulo Umwana wa Muntu talabwela.
24
Umusambi tacilapo pali kasambilisha wakwe, nangu umusha ukucila shikulu wakwe.
25
Cawama umusambi ukubati abe ukubati ni kasambilisha wakwe, no musha ukubati ni shikulu wakwe. Nga bakokuta umwine ng'anda ati Beeisebuli, pali bufi we mashina we ubwingi bakabakuta!
26
Eico kanshi mwilekubatina, pantu takuli icintu nangu cimo icafisama icitakasokoloke, elo tapali nangu cimo icafiswa ico icitakeshibwe.
27
Ico Nebo nkomyeba mumfinshi, elo ico mwebo mwakutika muka ntepentepe mu kutwi kwenu, muka bilikishe pa mulu wa mitenge ya mayanda.
28
Mwilakutina abo abepaya umubili lelo abatengepaya umweo. Lelo mulekutina ye uyo uwingepaya fyonse umweo no mubili ku mbo.
29
Bushe tali nseba shibili shishitwa palika kakobili akanono? Kabili nangu lumo pali sho tekuti luponene panshi ukwakubula Shinwe ukwishiba.
30
Lelo ne mishishi iyaku mutwe wenu yalipendwa yonse.
31
Mwilakutina, pantu mwebo mulicililepo umutengo pa nseeba.
32
Eico kanshi ye onse uwa nsusumina pa bantu, nandibo nkamusumina pamenso ya kwa Tata uwaba mu mulu.
33
Lelo ye uwankana pabantu, nandibo nkumukana pa menso yakwa Tata uwaba mu mulu.
34
Mwila kutontonkanya ati Nebo naisa mukuleta umutende pano calo. Nebo ntaisa mukuleta umutende, lelo ulupanga.
35
Pantu Nebo naisa mukulekanya umwana mwaume na wishi, no mwana mwanakashi ukulekana na nyinafyala, elo nomupongoshi ukulekana na nafyala.
36
Abalwani ba muntu bakaba bamungánda mwakwe.
37
Ye onse uwatemwa wishi nangu nyina ukucila pali nebo talinga ukuba uwandi; ye uwatemwa umwana mwaume nangu umwana mwanakashi ukucila pali nebo talinga ukuba uwandi.
38
Ye onse uutapiita umusalaba wakwe elo noku nkonka talinga ukuba uwandi.
39
Ye onse uusangana umweo wakwe akaulufya. Lelo ye onse uulufya umweo wakwe pamulandu wandi akausangana.
40
"Ye onse uumipokelela ninshi apokelela nandibo, elo naye uwampokelela ifyo fine ninshi apokelela noyo uwantuma nebo.
41
Noyo naye uwapokelela kasesema mwishina lya kubu kasesema akapokelela icilambu icaku bukasesema, elo noyo naye uwapokelela umuntu umulungami mwi shina lya muntu umulungami akapokelela icilambu ca muntu umulungami.
42
Ye onse uwapela kuli uli umo pali aba abana nangu fye ulukombo ulwa menshi aya kutalala mwishina ilya butumwa, icine fye nkomyeba, takuli mu musango uuli onse uwa kwebati ekapokelela icilambu cakwe."