¹ Caishile kuba fye ulo Yesu apwilishe ukulanda aya mashiwi, alifuminemo mu Galile elo nokwisa ku citungu ca Yudea uwaba bushilya bwa mumana wa Yolodani. ² Icina bwingi cali mukonkele, elo nokubaposha kulya kwine.

³ Aba Falisi balishile kuli ye, no kumwesha, abati, "Bushe cilisuminishiwa umwaume ukulekana no mukashi wakwe pa mulandu uuli onse?"

⁴ Yesu alibasukile ati, "Bushe tamwa belenga ati, uwa balengele pa kutampa abalengele umwaume elo no mwanakashi? ^5-6 Umwine uwababumbile kabili alandile ati, "Pali mulandu wine uyu umwume akasha wishi elo na nyina nokuya ku suntinkana no mukashi wakwe, elo aba babili bakaluuka umubili umo.' Eico kanshi ico Lesa alundanya pamo, mwileka nangu umo aci lekanye."

⁷ Balandile kuli ye ati, "Bushe nindo kanshi ifyo Musa atukonkomeshe ukupela icitupa ica kulekana elo eluntu noku mutamfya?"

⁸ Alandile kulibo ati, "Pantu imitima yenu yakukosa, Musa alimisuminishe ukuleka abakashi benu, lelo mukutampa tali ifyo cali. ⁹ Nkolanda kuli mwebo nati, ye onse uwakana umukashi wakwe, kano fye pa mulandu wa bulalelale, no kuya kupa umbi acita ubucende."

¹⁰ Abasambi balandile kuli Yesu ati, "Ifyo nga e fyo caba pa mwaume no mukashi wakwe, te cabune ukupa."

¹¹ Lelo Yesu alandile kulibo ati, "Tali onse uwingasumina uku kulanda, lelo kano fye kuli ye uo capelwa. ¹² Pantu kuli ba mutungwi ababa ifyo fine ukutula munda yaku ba nyinabo, na ba mutungwi abalengwa ukuba ba mutungwi na bantu, kuli ba mutungwi baipanga abene beka bu mutungwi pa mulandu wa bufumu bwa mumulu, ye onse uli no kusumina uku kufunda, mulekeni apokelele ici."

¹³ Eluntu abana banono bambi baletelwe kuli ye pa kwebati ababikepo iminwe yakwe elo no kupepa, nomba abasambi balibakalipile. ¹⁴ Lelo Yesu alandile kuli bo ati, "Suminisheni abana banono, elo mwibakanya ukwebati bese kuli nebo, pantu ubufumu bwa mu mulu bwa pelwa kuba kuba ifi." ¹⁵ Abikile amaboko yakwe pa baice, elo eluntu afuminekulya.

¹⁶ Boneni, uwaume aisile kuli Yesu no kulanda ati, "Kasambilisha, cintu ndo icabune ico Ndingile ukucita pa kwebati Nebo ninga kwata umweo uwa kubelelela?

¹⁷ Yesu alandile kuli ye ati, "Cindo ico ukonjipushisha pacili icabune? Kuli fye umo e wa bune, lelo nga ukofwaya ukwingila mu mweo, ulekusunga amafunde."

¹⁸ Umulumendo alandile kuli ye ati, "Fipope ndo?" Yesu alandile ati, "Wilakwipaya, wilakucita bucende, wilakwiba, wilakupela bukambone bwa bufi, ¹⁹ ulekucindika wiso na nako, elo ulekutemwa umwina mupalamano obe ukubati ni we mwine."

²⁰ Umulumendo alandile kuli ye ati, "Ifi fyonse ndakonka. Findo fimbi ifyo Nebo nkofwaikwa?"

²¹ Yesu alandile kuli ye ati, "Nga cakwebati ukofwaya ukuba uwakaele, kabuye, usulwishe ifyuma wakwata, elo nokupela, ku balanda, elo ukakwata icuma mu mulu; elo wise, ukwisa kunkonka." ²² Lelo uluntu umulumendo akutikile ifyo Yesu alandile, aile uwabulanda, pantu alikwete ifyuma, ifingi.

²³ Yesu alandile ku basambi bakwe ati, "Mucine nkolanda kuli mwebo ati, cakukosa uwa fyuma ukwingila mu bufumu bwa mu mulu. ²⁴ Kabili nkolanda kuli mwebo ati, cili icakwangukapo ingamila ukupita mulinso lya nshindano ukucila uwafyuma ukwingila mu bufumu bwa kwa Lesa."

²⁵ Uluntu abasambi bakutikile ifi, balipapukile no kulanda ati, "Ni nani kanshi uwingapusuka?"

²⁶ Yesu abaloleshe no kulanda ati, "Ku bantu ici cintu cintu icakwafya, lelo kuli Lesa ifintu fyonse fyakwanguka."

²⁷ Eluntu Petelo ayasukile no kulanda kuli ye ati, "Bona fwebo twalisha fyonse elo no ku konka webo, Kanshi findo fwebo tukakwatako?"

²⁸ Yesu alandile kulibo ati, "Mucine nkolanda kuli mwebo nati, mu nkulo iikoisa uluntu Umwana wa Muntu akekala pa cipuna calulumbi, mwebo mwebankonka na mwebo bene mukekala pa fipuna ikumi limo na fibili, ukupingula inkulo ikumi limo na ibili ishamu Israeli. ²⁹ Ye onse uwasha amayanda, ba wabo, bankashi, ba wishi, ba nyina, abana, nangu impanga pa mulandu wandi akapokelela umwanda umo mu bwingi no kupokelela umweo wa kutwalilila. ³⁰ Lelo abengi ababa aba kuntanshi bakaba abakunuma, naba kunuma eba kaba abakuntanshi.