1
चानचुप युङानुम, खानाचि मनाचिआ मखाङने लोवो सुन्दुमआ साम्यो मुसानमु मानमुदानुम। माआङलो सारूङगाओ पापाङका खानाचिञा दिच उनमाला तोङवोनिन।
2
ओसुन्दुम मुन्टोङ खाना साम्यो मुसानमु तमुलुकु, मोबेन आनओ बुसित साङतुक मानसाङदानुम, देतनि एङलामिचिआ यायोकखिमचि का चुप्लामचिडा मनाचिदाङका वालानला तोक्सिञा मचुलुक। अङका खानाचिञा नुच्चुङ लोलुङा, 'मोकोचिआ आनओ उनमाला तोकनिचियाओ मलि।'
3
मेन मुनटोङ खानाचि पुस्वमतोक नुनो तचुलुक, आमचुप्चु छुकआ मुवाओ बेङसुछुकआ सिन्ला मान्तोकने।
4
आम्पुस्वमतोक नुनो रिपचिडा लिने, का रिपचिडा टोकवो आमपापाआ खानाआ उन्माला पुमा लिवोङ।
16 मुनटोङ खानाचि मान्चायाकला अयुङलुक, मोबेन एङलामिचि इसा सुसुममि ङालुङ मान्खाङमेतदानुम। देनादि मनाचिञा मानचायाकला युङाओ खाङमेतसिञा मोकोचि आनओ ङालुङ मरोङ। अङका खानाचिआ नुच्चुङ लोलुकङा, 'मोकोचिआ मोसाओ उनमाला तोकनिचियाओ मलि।' 17 मेन खाना लो मानचायाकला युङहिडा आनओ टाङडा आःवा सोप्तानुम, का आनओ ङालुङ वासुवानुम। 18 नङ खाना मानचायाकला युङाओ मनाचिआ माआङ, मेन रिपचिडा लिवो आमपापाआ खाटोक्ने, का रिपचिडा टोकमानुवो आमपापाआ खानाञा उनमाला पुमा लिवोङ।
19 आनओ निकि हेन्खामाडा खाबालुङ मानभुङदानुम, खाडडा भेवा का याइआ युनला मेत्लुक, नङ खाडडा खुसावाचिआ केराकि मखु। 20 मेन आनओ निकि सारूङगाडा खाबालुङ भुङसानुम, खाडडा भेवा हे याइआ युनला मेत्निन, नङ खुसावाआ छाङ खुनिन । 21 सुन्दुम खाडा आमखाबालुङ नुयाक, मोडा आमकोङ छाङ लिवोङ।
22 साएमपोकओ छोङ अमुक ए। ओसुन्दुम खोनालो आममुक वाचोङ मयाआङ लो, आमनो झारा साएमपोक उपमि लिवोङ। 23 मेन आममुक उवाक मयाआङ लो, आमनो झारा साएमपोक खाचङ लिवोङ। ओसुन्दुम खानाडा लिसाओ उपमि ओलाक खाचङ लिसालो, मोको कुइयामा खासओ हुपरूवा लिवोङ!
24 साङआ छाङ हवा नामसोङमिओ रोपधाममा रुनिन। देनालो मोसाआ अकपाङञा चिमा नङ हाउसोञा सोम मुवोङ। हेना मोको अकपाङ सुत्डा खेपवोन, का हाउसोञा मोसाआ पायोक्वा इखिप्वोङ। खानाचिआ निनाम्मु का खाबालुङ हवाटेट्ओ याङसुवारि मुमा अरूनिन।
25 ओसुन्दुम अङका खानाचिञा लोलुकङा, 'आनकान दि चासुङने, हे दि दुङउने लोनि आन्ओ हाङमाङओ निकि का आनओ साएमपोकओ निकि दि हुमसुङने लोनि मिनराक मान्मुदानुम।' दि हाङमाङ चामासेसि चोङलो का पोक टिटखान् चोङलो नुए माआङ? 26 नामचोकओ छोङवाचिञा खाङानुम। मोकोचिआ मानना यामाचा मतेम, मानना चासुम महेक। मान चालुपडा मकोप, मेन खानाचिओ सारूङगाओ पापाआ मोकोचिञा सुकमानु। दि खानाचि मोको चोङलो बदधे नुए अमाआङ? 27 नङ खानाचिहुपडा साङआ ओलाक मिनराक मुवाकि आनओ पोकचोमडा अकछुक तेप्मा अरू?
28 मन्कि टिट्खान्ओ निकि खानाचि देना मिनराक अमुलुक? टेम्माखाओ ओमचुबुङञा मिन्ला मुवानुम, मोचि खाइसाकिया मपोन। मोचि मान मुयुला मचु, मान बाङगया ममेत 29 मेन्छाङ अङका खानाचिञा लोलुकङा, नुसानहाङ हेनकोपहाङ छाङ आनओ झारा सानुङवाडा खोकोचिखपडा अक्टेट ओटनि लाटला चोङसानचिनओ ममान्नुङा। 30 निनाम्मुआ आइ लिवो का माङकोलेन दाब्बेडा केवोन चान्खाओ सित्चाञा मुइसाकिया हुममेत्मानु लो, हेइ मुन्दामकतुमिच्यो दि खानाचिञा फान्नु उनभेप्लो मुनि हुममेत्मा लिवोनिन कि? 31 ओसुन्दुम 'दि चासुङुमने? हे दि दुङुमने? हे दि हुमसुङुमने?' यिङाकि मिनराक मानमुदावानुम, 32 देनादि निसामचिआ ओन मोचि झारा मलाम्लुक। देनालो खानाचिओ सारुङगाओ पापाआ खानाचिञा मोचि झारा याम्तोक्ओ चाखाम याआङ लोनि लेमा नुयाक। 33 मेन बुसित खोनिन्ओ हाङहोन का खोनिन्ओ सामयोमिकलाओ लाम्सुवारि मुवानुम, का मोचि झारा याम्तोक खानाचिञा मतेप्वोन। 34 ओसुन्दुम माङकोलेन्ओ निकि मिनराक मानमुदावानुम, देनादि माङकोओ लेनआ आनओ मिनराक हाङपाङे मुवोङ। आइओ अतनुवारि आइओ निकि सायाथकला याआङ।