1 मन्कि मुक्लाञा टोक्ताकि खोनिन भुरूडा वाङानिन, का खोनिन युङानिन नेतलोक खेनमाछाचि खोनिनओया मबाना। 2 नङ खोनिन्आ उसओ लोयाङसा चिन्लुवानिन- 3 सायोकमि साकोङडा चखयङ लिवोचि, देनालो सारूङगाओ हाङहोन मोकोचिओ ङे मए।
13 खानाचि हेन्खामाओ युम अए, मेन युमओ दुत्छुप् खारालो मोको दिआ युमयि मेत्वो? मोको ना केमान का मनाओ लाङआ नेपमा लेटका हाउसो दिच वकओ नुनिन। 14 खानाचि बुलुहुत्ओ छोङ मए। भुरूचोमओ तालावाङ ओट्नि खाक्को कुम्मा रूनिन। 15 मनाचिआ ओपमि ओङसाकि पादुकयुनि ना माआङ, मेन ओपमियुङ धानि मयुङलुक। का खिमडा युङवो झाराओ निकि मोको छोक। 16 मुइसाकिया ङे खानाचिओ छोङ मनाचिओ बुसितडा छोकने, का मोकोचिआ खानाचिओ नुवोक मखाङने, का सारूङगाडा युङमानुवो खानाचिओ पापाओ धिनुमसङ मचुने।
17 अङका खापला हेना यामाङचिञा असाहोकमा ताओ लोवो मानमित्दे, असाहोकमा माआङ, मेन लाटला चुमा अङका बानुङ। 18 देनालो अङका खानाचिञा नुच्चुङ लोलुकङा, मुनटोङतारि सारूङगा का हेन्खामा छित्दाकि खातनिन, मोबेन तारि झारा दुम लाटला मानलिसइनलोक खाउङे माइआ खापलाङका अकटेट रिसाम हे अकटेट लुप छितदाकि खातवोनिन। 19 ओसुन्दुम खोक्कोआ मोचि चुप्पो चोङलो छाङ चुप्पो इङइवाखपडा अकटेट फेङकेत मुउने का मनाचिञा मुसओ मुसि चिनलुउने, सारूङगाओ हाङहोनडा मोको झारा चोङलो चुप्पाङ मदारावोन। मेन खोक्कोआ मोको काङलेन मुउने का चिनलुउने, सारुङगाओ हाङहोनडा मोको टोप्पाङ मदारावोङ। 20 देनालो अङका खानाचिञा यिङलुकङा, खानाचिओ सामयोक काचि यङवानमि का फरिसि चोङलो बदधे मानलि लो खानाचि खाउङे रिदुमआ सारूङगाओ हाङहोनडा अवाङवोनिन।
21 खानाचिआ एनाओ अयाआङ, आसुङ दुमुओचिञा उसओ लोवानचिनओ याआङा, ‘पोकसेतसु मानमुदे, का खोक्कोआ पोकसेतसु मुयाक, मोको सान्नोसानओ मुरू लिवोङ।' 22 मेन अङका खानाचिञा यिङलुकङा, 'खोक्कोछाङ आन्ओ निछाक्सुत्डा माइसुङ कारूने, मोको सान्नोसानओ मुरु लिवोङ, का खोक्कोआ आन्ओ निछाकञा 'हेइ! मोपथुपा' यिङलोउने, मोको धियायोकओ मुरू लिवोङ, का खोक्कोआ 'खाना निसिनवा' लोउने, मोको खामारेन्ओ मिओ मुरु लिवोङ।' 23 ओसुन्दुम खानाआ बुब्दुलुङखाडा आनओ रिपेन्छेम रिपेनहिडा आमउसादाकडा आमनिछाओ कोङडा दिच याआङ लोनि खानाञा सिनला लिसालो, 24 मोङे बुब्दुलुङखाओ बुसित आमरिपेन्छेम छिरानुम, का लामवाङानुम। बुसि आनओ निछाकनिन तोङमाला मुए, मोदाङका बानाकि आन्ओ रिपेन्छेम रिपेन्तानुम। 25 आमनो पारिमु सुत्दा लामडा ङे याकहिडा हाले तोङमाला मुनिलेउए। माआङलो खिमुवाआ खानाञा खाचुमिओ छुकडा पाङपाकनि पुउने, का खाचुमिआ खारूखामिओ पाङखुनडा पुउने, का खाना छेक्खिम्डा तडोटवोङ। 26 अङका खानाचिञा नुच्चुङ लोलुकङा, खानाआ थेन्यु याङ मानछोनइनलोक खाना मोडाङका खाउङे सुम्तुम्आ तफुकुत्वोनिन।
27 खानाआ मुसओ लोवाओ एनाओ तयाआङ, 'खानाआ राकयाङला मानमुदे।' 28 मेन अङका खानाआ लोलुकङा, 'खोक्कोआ नितायामाञा उवाक मिनमासाआ खाङलुक् मोसाआ बुसिङकाङे उकोङडा राकयाङला चुनिचियाओ नु।' 29 खोनालो आमचुप्चु मुकआ खानाञा साकबाय मुलुत्वो मेत्याक लो, मोसाञा लात्तुकि केनिपुवानुम। देनालो खानाओ झारा साएमपोक खामारेन्टेनडा केमान चोङलो हेनाक आमयामपोकचि खपडा अकटेट युन्ला लिमा आमनो निकि नुनोतमि नु। 30 खानाओ अकटेट छुकआ खानाञा साक्बाय चुलुक्लो मोसाञा हेक्ताकि केनिपुए। देनालो खानाओ झारा साएम्पोक खामारेनडा खात्मा चोङलो ना आमयामपोकखपडा अकटेट युनला लिमा खानाओ निकि दुकनुवा याआङ।
31 नङ उसओ छाङ लोवानचिनओ याआङ, हे 'खोक्कोआ आन्ओ तायामाञा लेतमाला मुउने, मोसाआ खोसाञा लेटमाछाप छापनि पुने।' 32 मेन अङका खानाचिञा लोलुकङा, 'खोक्कोआ आनओ तायामाञा राकयाङलाओ सुन्दुम लेटका लेटमाला चुउने, खोसाञा मोसाआ राकयाङमा मेत्लुक, का खोक्कोआ लेटमाला मुवाओ सुत्डा सायाकाम्मु चुउने, मोसाआ राकयाङला मुवोङ।'
33 लादेङ खानाचिआ एनाओ अयाआङ, हे आसुङ वाइदाओचिञा उसओ लोवानचिनओ याआङा, 'खाना हाङपाङआ सोज्जे सिस्वदुम मानचादे, मेन निनाम्मुओ निकि आन्ओ यङचकला लाटला मुए।' 34 मेन अङका खानाञा लोलुकङा, सिस्वदुम देमखा छाङ मान्चादे। मान्ना सारूङगाओ नुङडा देनादि मोको निनाम्मुओ धिनारोम्खा ए। 35 मानना हेन्खामाओ, देनादि मोको खोनिन्ओ लाङटक ए। मान्ना यरूशलेमओ, देनादि मोको धिहेन्कोपहाङओ तालावाङ ए। 36 मानना आनओ टाङओ सिस्वदुम चोए, देनादि खाना अकटेट टाङमुवाञा ओमचुक हे माक्चुक मेतसि अरूनिन। 37 मेन खानाचिओ दुम ओलाक, 'ए' लो, 'ए', 'माआङ' लो, 'माआङ' लिने। नङ ओको चोङलो बद्धे लो सुलावा डाङकाओ ए।
38 खानाचिआ एनाओ याआङ, उसओ लोवानचिनओ याआङा, 'मकओ बारालाडा मक, का कुङओ बारालाडा कुङ।' 39 मेन अङका खानाचिञा लोलुकङा, 'बोन्छोलोकओ सात्मासनात् मानमुदानुम। खोक्कोआ आमनो चुप्चु ङामसिडा फेक्लुक मोसाञा हाउसो छाङ हुङनि पुवानुम। 40 खोनालो साङ मनाआ खियुमा मुवाकि आमलोक्छुम तात्वो ओलुङसु चुलुक लो, मोसाञा आमवोप्छुम छाङ पुनिलेउए। 41 नङ खोनालो साङआ खानाञा केङवा लाम्तारि राकामाल्ला खाट्लो, खोकोसुत्डा असाङमुलाम खारानुम। 42 खाना सुत्दा दोतकामिञा पुवानुम, का खाना सुत्दा नाक तातमिचिञा डेङ मानहुङदे'।
43 खानाचिआ एनाओ अयाआङ, उसओ लोवानचिनओ याआङा, 'आमनो डाकनिञा सोम मुवानुम, का आमनुकसाञा चिमाकारानुम।' 44 मेन अङका खानाचिञा लोलुकङा, 'आनओ नुकसाचिञा सोम मुवानुम, नङ खानाचिञा ठिनमासि मुकाबाचिओ निकि सोमफोङला मुवानुम। 45 का खानाचि खानाचिओ सारूङगाओ पापाओ आङखेप लिसि अरूवोङ। देनालो खोनिनआ बोन्छोलोक का सामनोमि हवाङेओ निकि नामपाकमानु, का सामयोकमि का हुमुकवामि हवाधानि नावाचा पुमानु। 46 देनालो खानाचिसुत्डा सोममुकाबाचिञा ओन सोम अचुलुक लो, खानाचिञा दि उनमाला याआङ? दि छोनलुङ दुकाबाचिआ छाङ मुसओ ङे मुनिन कि? 47 नङ खानाचिआ आनओ बुबु-निछाञा ओन सायालोङ अमु लो? निचिआ चोङलो बदधे दि अमुवा कि? दि निरावाचिआ छाङ मुसओङे मचुनिन कि? 48 ओसुन्दुम देतनि खानाचिओ सारूङगाओ पापा सेनलेन लिमानु, मोखुवातनि खानाचि छाङ सेनलेन लिसानुम।