¹ AbaFarise na baSaduki balishile no kumwesha ukumwipusha ukubalangako icishibilo ukufuma ku mulu. ² Lelo alyaswike no kulanda kuli bena ati, "Ulo caba icungulo, mulanda ati, 'Bukaca bwino, pantu umulu ulikashike.' ³ Ulo caba ulucelo, mulanda ati, kuleba icimwela, pantu ku mulu kwakashika kabili kwaba icikutumina.' Mulishibe ukwilula imimonekele ya myulu, lelo muli fililwe ukwilula ifilangililo fya nshita. ⁴ Inkulo ya bubi kabili iicende ikofwaya icishibilo, lelo takwakabe icishibilo icikapelwa kuli yena kanofye icishibilo cakwa Yona." Nolu Yesu alibashile kabili alile. ⁵ Ulo abasambi bafikile kwi shilya, balilabile ukupita umukate. ⁶ Yesu alilandile kuli bene ati, "Loleleni kabili cenjeleni ku mufuba wa baFarise naba Saduki." ⁷ Abasambi balilanshanye pakati kabo no kukanda, "Ni pamulandu wakwebati tatwacipita umukate." ⁸ Yesu alishibile pali ici kabili alilandile ati, "Mweba cicetekelo cinono, nindo mukoipushishanya no kulanda ati mulandu wakwebati tamupitile umukate? ⁹ Bush tamwilwike? Bushe tamwibukishe imikate isano iya bamakana yasano, kabili miseke inga mwakolongenyepo? ¹⁰ Nangu imikate cinelubali iya ba makana yene, kabili miseke inga iyo mwatolelepo? ¹¹ Bushe nindo tamwiluka ukwebati nshacilalanda kuli mwebo palwa mukate? Loleleni no kucengela ku citutumushi ca baFarise na baSaduki." ¹² Nolu balilwike ukwebati tali kubeba ukucengela ku citutumushi ca mu mukat, lelo ukucenjela ku masambilisho ya baFarise na baSaduki. ¹³ Nomba ulo Yesu aishile ku fitungu fya palamina na Kaisarea Filipi, alipwishe abasambi bakwe, ukwebati, ''Bushe abantu balanda ati Umwana wa Muntu ninani?" ¹⁴ Balilandile ati, "Bambi balanda ati Yohane Kabatisha; bambi, Eliya; kabili bambi, Yeremia, nangu umo uwa muli bakasesema." ¹⁵ Alilandile kuli bena ati, "Lelo mwebo mulanda ati nine nani?'' ¹⁶ Pakwasuka, Simone Petero alandile ati, "Niwebo Kristu, Umwana wakwa Lesa wa mweo." ¹⁷ Yesu alyaswike no kulanda kuli ena ati, "Walipalwa webo, Simone umwana mwaume wakwa Yona, pantu umubili no mulopa tafisokolwele ifi kuli webo, kanofye Tata uwaba mu mulu. ¹⁸ Nanebo nakweba ati niwe Petero, na pali ili libwe epo nkakula ulukuta lwandi. Impongolo sha ku mbo tashakalwanshe. ¹⁹ Nkakupa ne mfungulo sha bufumu bwa mu mulu. Conse ico wakaka pe sonde cikakakwa na mu mulu, na conse ico wakakula pe sonde cikakakulwa na mu mulu. ²⁰ "Nolu Yesu alikonkomeshe abasambi ukukana ebako uuli onse ukwebati ali ni Kristu. ²¹ Ukufuma pali ilya nshita Yesu alitampileko ukweba abasambi bakwe ukwebati afwile ukuya ku Yerusalemu, ukucula ifintu ifingi mu maboko ya bakalamba na bashimapepo mukalamba na bakalemba, ukwipaiwa, no kubushiwa ku mweo pa bushiku bwakulenga shitatu. ²² Nolu Petero alimusendele ku mbali no kumukalipila, ukwebati, "Ici cingataluka kuli mwebo, mwe Shikulu! ici cikacitika kuli mwebo!" ²³ Lelo Yesu alipilibwike no kulanda kuli Petero ati, "Pitila kunuma yandi, Shetani! Uli cakuipununako kuli nebo, pantu taukotontonkanya pa fintu fyakwa Lesa, kanofye pa fintu fya bantu.'' ²⁴ Nolu Yesu alilandile ku basambi bakwe ati, "Umfwa umo akofwaya ukunkonka, afwile aikane umwine, asende icapindama cakwe, no kunkonka. ²⁵ Pantu onse uufwaya ukupususha umweo wakwe akaulofya, na onse uulofya umweo wakwe pamulandu wandi akausanga. ²⁶ Bushe cakwafwa nshi ku muntu umfwa anonke isonde lyonse lelo panuma alufya umweo wakwe? Cinshi umuntu mukukabusha no mweo wakwe? ²⁷ Pantu Umwana wa Muntu akesa mu bukata bwakwa Wishi na bamalaika bakwe. Nolu akalambula umuntu onse ukulingana ne milimo yakwe. ²⁸ Mucinefye nkomyeba nati, bambi pali mwebo mwebeminine pano tabakasonse imfwa mpakafye bakamone Umwana wa Muntu akoisa mu bufumu bwakwe."