¹ Yesu gbele olo dokɔnɔn be: ² Jipo fiɔdupe mɛn le sibe ofiɔ de ci mɛn le ja duhue alɔlele tɔ nɔn oviɛlɔ ŋsuglo. ³ Edɔ dɔwavi jɛtɔ dada mɛnciwo yi va alɔlele lɔ tehue mɛn wo, vɔ amɛnlɔwo nɛn ji la va. ⁴ Ofiɔlɔ gbe dɔ nukplavi buwo ɖoɖa ke yilé nunuɔ be:''Mi nunɔn mɛnciwo oyɔwo be: mikpɔ, ŋɖa gnidi ŋɖuŋɖu vɔ; gnibu kignɛnwo kudo osɔwo gni wuwu yi onuwo kehukehu sɔgbe. miva alɔlele zan tehuɛ.»'' ⁵ Vɔ, mɛnnɛnmɛnha tɔ wo nɛn va do asixɔxɔ nɔn yɔyɔ ofiɔlɔtɔ, mɛndewo yi bomɛn, mɛndewo yi odɔ wotɔwo gbe. ⁶ Amɛnkpɛtɛlɔwo va le dɔwavi ofiɔ lɔ tɔwo yi va huwo. ⁷ ofiɔlɔ va dodɔmɛnzi, yi va dɔ ahuawatɔ yɛtɔ dada mɛnciwo hu dɔwavi yɛtɔwo yi wo huwo amɛnlɔwo keŋukeŋu yi gbe tɔzo dukɔn wotɔwo. ⁸ Egbe na nunɔn dɔwani Yɛtɔwo be: oga mɛn xo nɔn ohuelɔ; vɔ mɛnciwo ye mɛn yɔ sa wo mɛn nɛn je yi mɛn la na ohuelɔ duhue. ⁹ Mi yi dada omɔntɔnkplihuewo, nɔn mian yɔ amɛnsiamɛn ciwo yi mi la, kpɔwo nɔn wa na duhuelɔ. ¹⁰ Ɖɔwani lɔ wo na do odulɔmɛn yi yɔ amɔnwo sugbɔ, adodui kudo nyannylanwo. Yi oxɔ ci mɛn ole ohuelɔ dukɔle dɔ kudo agbetɔ. ¹¹ Vɔ gacimɛn yi afiɔlɔ na do oxɔlɔmɛnlɔ, akpɔ mɛnjrolɔwo lɔ, ena kpɔ ŋsu deka ci nɛn do ohuenu. ¹² Ofiɔlɔ na biɛ onyɔnse be: oxrɔnyin, dedeha yo wa yi na fiɛ ci yi nɛn do ohuenu? Ŋsulɔ bɔnudemɛn nɔn ofiɔlɔ. ¹³ Ofiɔ nunɔn dɔwani yɛtɔwo be oman bla alɔ kudo afɔwo nɔn ŋsulɔ man suɛ da dada ablimɛn le xixenu, fici yɛ mɛn la la aninfankɔ manle aduklin dukɔ. ¹⁴ Ɖo amɛn sugbɔ yo woyɔ, nɔ amɛnnide yo wo can. ¹⁵ Le xɔn, Pharisientowo tɔ totomɛn wawa le wodekihomɛn so le ci ola tremɔn nɔn Yésu-Chriso sɔto anyɔn ci wo nukɔlewomɛn. ¹⁶ Onadɔ ŋsrɔvi wotɔwo kudo ofiɔ Hérodewomɛnho dada Yésu gbɔ, ci wo le nunuɔnni be: Ahuetɔ, minyan be onunɔn nyanuwo, yi okplannɔn Mahuomɔnlɔ sɔto nyanwɔmɛn, yi ŋde na kunɔn ŋsisi nɔn mɛndekpuikpui. ¹⁷ Nunɔnmi niɛ ŋci okpɔ so onyɔncɛnuci: oselɔ wɔgbe alɔ egbe be omannan takuɛ nɔn Cesar?. ¹⁸ Ci Yésu jesi okunylannylan wotɔ lɔ, edonuci be: ŋdehaci mi le dodokpɔkɔ ayemɛnnuwatɔwo? ¹⁹ Mifiɔ oho ci osɔnannɔn takuɛ lɔ. Yiwo sɔ oho deka sɔfiɛ. ²⁰ Yesu nunɔnwo be: mɛnde ha onutata kudo mɛndeha ŋkɔ yi mɛn le ohɔlɔji? ²¹ Yi onɔ donuci be Cesar tɔ mɛnyɔ. Be sɔto xɔn, Yésu nunɔnwo be: minan Cesar anuvinyi Cesartɔ, Mahu onucinyi Mahutɔ. ²² Ciwo na sɔ anyɔn xɔnwo nɔ lɔ, ena kpacawo. Yi ona dasi yi jo ²³ Le azan xɔn gbe lɔ, sadducetɔ wo dewo ciwo nunɔnbe fɔnfɔnle ɔku mɛndelilɔ, ona Yésu gbɔ. Yi ona biɔ Yésu se be: ²⁴ Ohuetɔ, Moïse nube; Nɔn mɛnde ku yi nɛn jivi gbɔhue ku lɔ, nɔnviɛlɔ la denyannulɔ ci asukudolɔ yi la ji ovi ni. ²⁵ Nɔnvi ŋsuglɔ amandrɛdekawoli. Amɛn ŋkɔtɔ de nyɔnnu ihu yi nɛnjini gbɔhue hu Ena dasi asiɛlɔ nɔn nɔnniɛlɔ. ²⁶ Nɔnvi negɔnlɔ wa onu dekɛwomɛn lɔ, kaka nan amɛn amandrɛgɔnlɔ. ²⁷ Wago dɔa, nyɔnnulɔ can naku. ²⁸ Fifiɛlɔ nunɔnmi, le gacimɛn mɛnciwo yikuwo lana fɔn de, mɛndehatɔ nyɔnnuxɔn la na nyi le amɛnɔnvi amandrɛlɔwomɛn? Ɖo wo keŋukeŋu odi. ²⁹ Vɔ Yésu donuci nɔnwɔbe: mile bubukɔ, do minɛn mɔnnuje Mahunyɔn kudo ŋsin Mahutɔ ciwo. ³⁰ Ɖo le oku godoan, mide le gbe na de nyɔnnu alo asuo. Mi la na si be Mahudɔlawoha. ³¹ Vɔ ci kan fɔnfɔn mɛnciwo yi ku wo tɔ lɔ, mi nɛnhlɛn onuci Mahu nu nɔn mi lo? ³² Ŋnyi Mahu Abrahamtɔ, Isaactɔ, kudo Jacobtɔ? Mahu nɛn nyi Mawu amɛnkukutɔ, nɔ amɛnle agbewotɔ. ³³ Gacimɛn yi dukɔnlɔ na se anukplankplan xɔn lɔ, ena kpacɛ. ³⁴ Gacimɛn Pharisientɔwo na se be Yésu-Chriso na do anubɔbɔ nɔn Sadducetɔwo lɔ, ɔna bɔwodekiho. ³⁵ Mɛndeka le wodomɛn ci nyi nyi osedɔwatɔ na biɔ anyɔndeka Yésu se asɔ dwikpɔ. ³⁶ Ahuetɔ, ose ŋde nyi ase gangan le ose lowomɛn? ³⁷ Yesu nuni be: lon Ahuetɔ Mahutɔ kudo oji tɔ keŋukeŋu, kudo eklatɔ keŋukeŋu kudo susutɔ keŋukeŋu. ³⁸ Yi nyi ose degbinlɔ kudo gangan lɔ. ³⁹ Yi ose vegɔnlɔ le sibe yɛha: Lɔn nɔnviɔtɔ sibe wɔtɔ ha. ⁴⁰ Ose amɛnve xɔn wo gbɔ oselɔ kudo onyɔnnudɛtɔwo so nɛn. ⁴¹ Ci Pharisientɔwo kpɔtɔ le odu lɔ, Yésu bisonyɔn wose. ⁴² Ŋdeha mi bu nɔn so Chriso ŋci? Mɛn de ovi inyi? Yi odonuci ni be: David wo vi yɛ mɛn nyi. ⁴³ Yésu nunɔn wabe: Ɖedeha David, dɔ kudo gbɔngbɔn lɔ, eva yɔ nibe Ahuetɔ, nɛnnɔn nube: ⁴⁴ Ahuetɔ nunɔn Ahuetɔkinyɛn: Nannyi do dusijinu, kaka nɔn man sɔ kɛntɔtɔwo sɔwa onuɛiji olazɔnnɔnto? ⁴⁵ Nɔn ci David le christo yɔkɔ ''Mawu'', ɖeɖe yi gni David vialɔ ɖo? ⁴⁶ Mɛnɖe kpokpui nɛkpeŋci la nu ognɔɖe ni sawo; Yi so kaka gbehɔngbelɔ, mɛnɖe kpokpui nɛgbe biɛ ognɔn ɖe sewo.