¹ Gacimɛn yi ova gogo Jerusalemuwa dukɔn lɔ mɛn lɔ, yi ova va béthphagé ci lé eto olivierɔtɔho tɔ lɔgbɔ lɔ, Yésu va dɔ ŋsrɔvi yɛtɔ amɛn ve, ² Ile nunuɔn nɔn wakɔ be: Wo man nyi kɔhuivi ci mɛn le ŋkɔ nɔnwo mɛn amɛn lakpɔ lingbɔ asivi deka le okamɛn, kudo lingbɔ asuvi deka mɛnle oka mɛn kodui, mi tuka nɔnwo ahɛn wa va nu. ³ Nɔn mɛn de va nu anyɔn de nɔn mi lɔ, mian va donuci be: Ahuetɔ mɛn do ahiannan yi zedeka ela va dasiwo nyi ola yi. ⁴ Vɔ, nɛn nɛn ha nu la jɔ nɔn onyɔn ci Mahu nyɔn nu dɛ tɔ lɔ nu avamɛn: ⁵ Mi nu nɔn nyɔnnuvi siɔn tɔ: ofiɔ tɔ gbɔnɔn agbɔ kudo Nivi, ci le osɔvi deka ji. ⁶ Nusrɔvilɔwo ayi, yi wa onuci Yésu nu nɔnwa be wo man wa. ⁷ Ova hin osɔvi asi kudo asu lɔ kpova, yi asɔ onudodowotɔho kudo wawatɔwacan do asɔlɔwo ji yi hin va. ⁸ Yi amɛn sugbɔ le dukɔn lɔ mɛn te onu dodo wotɔwo do anyigban, mɛn deho so aciluɛviho do amɔnlɔji. ⁹ Mɛnciwo le nukɔ nɔn Yésu kudo mɛnciwo yi kplɛdowo le awua dohɔ: Hosanna Davidi ovi! Yla yla nɔn mɛnci va sɔto ŋkɔ ahuetɔ tɔ lɔmɛn! Hosanna le jipo! ¹⁰ Gacimɛn yi Yésu-Chriso va do Jerusalemuwo dukɔn mɛn lɔ, eva kpaca amɛn siamen, yi ole nunuɔn be: Mɛnde gbenyi mɛn cɛ yɛ? ¹¹ Ɖukɔn lɔ va donuci be: Yésu mɛn yɔ, onyɔnnudɛ tɔ Nazareth tɔ le Galilee wo dukɔn lɔmɛn. ¹² Yésu va do cɔcixɔ Mahutɔ mɛn. Eva nyan mɛnciwo le onu sakɔ kudo mɛnciwo le onu hluekɔ wa keŋukeŋu le cɔcixɔlɔmɛn; eva mu okplɔn ciwo ji oda onusɔsɔwado kudɔ okpo ci ji mɛnciwo le huanlï sa kɔ wo le. ¹³ Yi va nunɔnwa be: Owlinbe ola va yɔ ahue kinyɛn be gbe dodahue. Vɔ miwalɔ, mi va sɔ ahue lo sɔtrɔ flafinɔnwo wamɛn. ¹⁴ Ŋkuvi gban gbannɔnwo kudo mɛnciwo si afɔ mɛnlewo ova va gbɔ yin va yɔdɔ nɔnwo ¹⁵ Vɔ gacimɛn avɔsawatɔwo kudɔ Scributɔwo ovakpɔ ɔnu adadui ciwo Yésu-Chriso wa wo lɔ kudo gacimɛn yi ova sɔ deviwo le awua do kɔ le cɔcixɔlɔmɛn yi le nunuɔn be: Hosanna Davidihovi kɔ lɔ, dɔmɛn va vewo. ¹⁶ Ole nunuɔn ni kɔ be: ose ŋci nukɔ olea? Yésu dɔnuci nɔn wo be ɛ. Mi de va hlɛn onyɔnxɔnwa kpɔ lo:? Ova xɔ kafukafuwa nyɔngbe le numɛn nɔn devio kudo mɛnciwo le anɔnnuwalo? ¹⁷ Xɔn gadoa, Yésu va josɔwogbɔ i to sɔ dukɔn lɔ mɛn yi va yi dada Betanieha dukɔnlɔ mɛn yi va dɔnxɔn. ¹⁸ Le nyidian, trɔtrɔmɛn yɛtɔ so dukɔnlɔmɛn lɔ, sive va ci. ¹⁹ Eva kpɔ aci okusɛnsɛntɔ deka le omɔn lɔ ji, yi eva go go aci lɔ; vɔ amanwo kɛdɛ yi va kpɔ le acilɔji, yi nube: Nɔn ŋgbe va sɛn ku gbede! Le zedeka aci lɔ xu. ²⁰ Nusrɔvi ci wo yi kpɔ nɛn nɛn ha nu lɔ, eva kpacawo, yi ole nunuɔnbe: Ɖɔdɔha oci xɔn va xu le zedekamɛn do? ²¹ Yésu donuci nɔn wo be: Ŋle nu nuɔn nɔn mi kɔ le nyanwo toto mɛn, nɔn mi do xɔse yi mi de va xonɔn onu kpɔlɔ, nɔn nyi be onuci yi wa nɔn aci xɔn kɛdɛ yi mi la wa, nɔ nɔn mi na nu nɔn oso da ce be: yɛ man josɔ oxɔ man yi dada awumɛn la, e la va mɛn. ²² Ŋde kpui kpui ci biɔ kɔ mi le sɔto xɔse mɛn lɔ, mi la xwɛ. ²³ Yésu va yi gbe dɔxɔmɛn, yi gacimɛn le onu kplan amɔnwa kɔlɔ, avɔsawatɔwo kudo mɛn gan hoho adu lɔ mɛn tɔ wo va nu ni be: Sɔto ŋsɛn de ha mɛn o le nɛn nɛn ha wo nuwo wakɔ, yi mɛn de ha yi nanwo nusɛn lɔ? ²⁴ Yésu dɔnuci nɔn wo be: nyɛn can nan biɔ onyɔn deka mi se; nɔn mi va dɔnuci nu lɔ, nan va nu nɔn mi nsɛn ci mɛn ŋle nɛn nɛn nuwa wa kɔ. ²⁵ Fideha osidɔta Jean tɔ so? Jipo yɔ, alɔ agbetowo wo gbɔ? Yi ova le onyɔn jɔjuɛ ji kɔ le wodekiwamɛn be; nɔn mi be jipo lɔ, e la va nunɔn mi be: Ŋdehaci mi de xwɛ ji se? ²⁶ Nɔn mi va dɔnuci be: agbetɔwo gbɔlɔ, mi la va vɔn nɔn dukɔnlɔ, do wokeŋukeŋu o so Jean nɔn Mahudɔwatɔ ²⁷ Yi ova donuci nɔn Yésu be: Yowo mɛn nɛn nyan. Yi Yésu nunɔn wo be: Yecan ye mɛn nɛn nyan, be ye mɛn nan nunɔn wo nusɛn ci mɛn ye mɛn le nɛn nɛn haha nu wo wa to kɔ. ²⁸ Vɔ dedeha mi kpuɛ dɔ? Ŋsu deka dɔ ovi ŋsuglɔ amɛnve, yi ile ja wanuwo nɔn oviɛlɔ de gbïn lɔ, enu be: Ovinyin va wadɔ le obokïnnyinmɛn gbɛ. ²⁹ Ɖe viɛlɔ nube ye mɛn nɛn jio. Vɔ e va trɔ anyɔn gbe yɛtɔ yi va xɔgbe yi obɔ lɔ mɛn. ³⁰ Enu nɔn ovi amɛnve gɔnlɔ onyɔn ci yi nu nɔn ovi nukɔtɔlɔ, yi ovi xɔn yɛ xɔgbɔ zedeka be ye mɛn la yi, vɔ nɛn va yi obo lɔ mɛn ³¹ Mɛn deha le ovi amɛnve lɔ wo mɛn yi va wa ojro wodatɔ? Yi ova donuci be ovi nukɔ tɔ lɔ yi mɛn wa ojro odalɔtɔ. Yi Yesu nunɔn wo be: Ye mɛn le nunuɔn nɔn wakɔ le nyanwo totomɛn be, Publicaintɔwo kudo Hasiwatɔwo mɛn la va je nukɔ nɔnwo le jipo. ³² Ɖo Jean va nɔn mi le jɔjuɛ nyinyiho man lɔji, yi mi de va xwɛjise. Vɔ publicaintɔwo kudo hasiwatɔwo xuɛ ji se; yi miɔ ci yi kpɔ nɛn nɛnhawo nu lɔ, mi dɔ va trɔ jimɛn yi awuɛaxuɛjise. ³³ Misé olo bu. Ŋsu deka li, ci nyi Ahuetɔ eva dɔ aci ci osɔ wanɔn vɛn. Eva trɔnudui, yi vawa omɔn kudɔ tehue cimɛn ola da vɛnlɔ l, yi tu tehuelɔmɛn gbɔhue sɔdasinɔn mɛnciwo la wa vɛnlɔwo, xɔngadɔa, eva jo le odulɔmɛn. ³⁴ Gacimɛn yi ɔla gbɛn aciku sɛnsɛn va su lɔ, ŋsulɔ va dɔ dowavi yɛtɔwo dada mɛnciwo le vɛn lɔ dakɔ gbɔ, nɔn wa xɔ nɛn lɔ na mi. ³⁵ Vɛn datɔlɔwo va le adɔwavi yɛtɔlɔwo, oxo mɛndeka, yi hu amɛn ve gɔnlɔ, yi va dakpe amɛn amɛntɔngɔnlɔ. ³⁶ Egbe na dɔ dɔwaviwo bu dada ciwo va sugbɔ hu amɛn ŋkɔtɔwo; yi nɛn datɔlɔwo na wa onuci owa kudo amɛn degbinwo nɔn wo. ³⁷ A sɔ nɔ, ena dɔ oniɛlɔtɔ dada, yi nu be: omɛn la dɔ bubu nɔn ye viye. ³⁸ Vɔ, gacimɛn nɛn datɔlɔwo na kpɔ deviɛlɔ lɔ, ona nu le wodekiɔmɛn be: Yike mɛncitɔ nyi kesinɔnnulɔwo ke, mian hui asɔ kesinɔnnu yɛtɔ. ³⁹ Yi ona li sɔ dankpɛn agɔgɔ nɔn abolɔ, yi hui. ⁴⁰ Fifiɛ de, gacimɛn mɛncitɔ nyi abolɔ la na na dɔ, ŋdeka yi la na wa nɔn amɛn nɛn nɛnhatɔ wo? ⁴¹ O na dɔnucini be; yɛ mɛn la thrɔnwo, yi mɛn la sɔ vɛndahuelɔ man sɔ dasimɛn nɔn mɛnbuho, ciho la na nɛnnɔn nɛnlɔ le gaxoxo yɛtɔmɛn. ⁴² Yésu nunɔnwo be: Mi de na hlɛn gbede le onuwlɛnwlɛnlɔmɛn; okpe ci axɔtutɔwa sɔ dankpɛn lɔ, yi na nyi okpɔ xɔsi le glituituilɔmɛn lo; Ahuetɔ gbɔ nɛn nɛn hanu so, yi na nyi onukunu le ŋkɔ nɔn ŋkuvi miantɔwoa? ⁴³ Yitada ŋle nunuɔn nɔn mi kɔ, ola xɔ jipo Mahu tɔle miansi o sɔ nan dukɔn ci la na nannɔn acikusɛnsɛnho. ⁴⁴ Mɛndekpuikpui ci la na je okpe nɛnnɛhatɔ ji lɔ ɔ la na gban hluihluihlui. Vɔ, mɛnci ji okpe lɔ la je lɔ, e la na gban wɔyɔwɔyɔ. ⁴⁵ Gacimɛn anɔsawatɔwo ganganwo kudo pharisientɔwo. na se olɔ xɔnwo nɔ lɔ, onɔ nɔnnuje be woho nukɔ Yésu le. ⁴⁶ oji la li, nɔ o na nɔn nɔn dukɔn lɔ do amɔnho kpɔnɔn Yésu sibe Mahuhomɛn dɔ ci kpɔnɔn osɔmɛn.