¹ Ɖo, jipo fiɔdupe le sibe mɛnde cinyido nyigban deha cinyi to le nyidïn fɔnfɔnmɛn yi va kplɔ dɔwaviwo do obo yɛ tɔ mɛn. ² Gacimɛn yɛ kudo dɔwavilɔwo va suïdo owodeko owo cila tunɔn le gbedekajilɔ, eva dɔwodada obolɔmɛn. ³ Eva tole ga tɔn mɛn gbɔ, yi na kpɔ dɔwavi bu wo ciwo le tehue ci mɛn amɔnwo nɔn nɔn odɔdemanwatɔ. ⁴ Enunɔnwo be: miocan mi yi obokïnyinmɛn yi nan va nanmi onucinyije. ⁵ Yi ova sayi dada obolɔmɛn. Egbe va tale gadin mɛn kudo gasidekɛmɛngbɔ, y gbe va we sibe lecinyiwɛ vayi ha. ⁶ Gacimɛn yi va to le gahuidekamɛngbɔ, egbe va kpɔ mɛn buwo le tehue nɛnnɛnhatɔmɛn, yi va nunɔnwobe: ŋdehaci mi nɔnnɔn ofiɛ le onukekelɔ kekemɛn ciyi mide wanɔn odɔde kpuikpuiho? ⁷ yo ova donuci ni be mɛn de kpuikpui mɛn. de yɔ yewo nɔn odɔ. yi vanunɔn wobe oma nyi oboyetomɛn. ⁸ Gacimɛn fiɛsi va dolɔ, obotɔḷɔ va nunɔn mɛnci kpɔnɔn onuyɛtɔwoji be: yɛ man yɔ adowavilowo na, nɔn nan tufin watɔ nɔn wo so amɛn tukpo tukpo tɔlɔwoji kaka sɔ nyi amɛn degbïn tɔlɔwaji. ⁹ Gahui deka mɛn towo va, yi mɛn deka deka kɔ fintu deka. ¹⁰ Amɛn degbiintɔwo can Na, wobube afintu yowɔtɔ la hugan amɛn tukpɔlɔtɔha; Nɔ fintu deka nyi mɛn deka deka xɔ. ¹¹ Gacimɛn ɔva xɔ fintu watɔ godo lɔ ova tɔ nuwo hoho so agbletɔ lɔnuci. ¹² Ole nunu kɔbe:"Amɛn godo godo tɔwo wadɔ nan gawowo deka vɔ ova tu oho dekɛwo nɔn mio, kudo wokpo miwo ci yi kpefuin so nyidindi le nyidɔnnu." ¹³ Vɔ obo tɔlɔ na danuci nɔn mɛn deka le wadamɛn:"Nɔnvi, nyɛn nɛn wa onu vuin de kudawo de. Ménɛn nuïndo alɔ dekaji do ofintu dekaji la?" ¹⁴ Mixɔ anuci nyi miantɔ nɔn mian yi; nan tu ofin dekɛ nɔn miwo kudo dɔwavi kpɛtɛkpɛtɛ lɔwo. ¹⁵ Nyɛn nɛn do ace yi la wa onu ci jro kudo dɔkuiŋ kinyinwo lo? Alo mi va tɔ kp ni do badaji do ŋyi nyɔnnan watɔ? ¹⁶ Sɔto exɔn lɔ, amɛntukpowo la va nyi amɛn degbïnwo. ¹⁷ Gacimɛn Yésu yikɔ dada Jerusalem dukɔn lɔn mɛn lɔ, ekplɔ nusrɔnvi huive yɛtowo, yi le nunuɔn nɔn wokɔ le mɔnji be: ¹⁸ Yike, mi yikɔ Jerusalem, yi ola va sa agbetɔvi lɔ nɔn avɔsawatɔwo kudo scribu tɔwo, yi ola va da oku huɛ ni ¹⁹ Ola va sɔnan xihelɔmɛntɔwo, nɔn wa nunyɔn badawo soŋuci, adaba ni, lekindo acisogaji, yi onukeke amɛntɔn gɔn lɔ, ela va fɔn. ²⁰ Xɔn godoa, Zebedee viɛlɔwo kudo wonɔn kpo na yi dada Yésu gbɔ va jeklo le nukɔni asɔ biɛ onudeka. ²¹ Yésu va nunibe: ŋdeha ji kɔle? yé nyɔnnu lɔ va nunibe, yɛ man degbe nɔn yeviye amɛnve cewo oman va nannyi kudui le jipo, mɛn deka man nɔn dusiji yi amɛnve gɔnlɔ anɔn amiɔn ji. ²² Yésu donucibe: mide nyan onuci biokɔ mi le. Mikpe cia nusi ci ŋle ja nu? Ova xɔgbe nɔn Yésu be yowɔnmɛn kpenuci. ²³ Yésu nunɔnwo be: le nyanwo mɛn lɔ mi la va nusi kïnnyin, vɔ cikɔn anannyi do dusi kudo omiɔn ji nu lɔ, nɛn so gbïnnyin, yi tehue nɛn nɛn hatɔlɔ, la va nyi mɛn ciho odanyintɔ sɔ dadɛnanwotɔ. ²⁴ Gacimɛn nusrɔvi amɛnwo kpɛtɛlɔwo va se onyɔn nɛn nɛn hatɔlɔ, ova dadɔmɛnzi sɔ nɔnvi amɛn ve lɔ wo nuci. ²⁵ Yésu yɔwo, inube: minyan be oga hihelamɛntowo tɔ dunɔn da waji, yi ava nyinɔn kluvinyitɔ nɔn amɛn xɔsiwo. ²⁶ Nɛn java nyi nɛn nɛn hanuke le mian do mɛn vɔ mɛn ci ji la duga le mian damɛn lɔ, nɛn nyi dɔwavi mian tɔ. ²⁷ Yimɛnci ji la nyi degbïn le mian do mɛn lɔ, nɛn nyi kluvinyitɔ mian tɔ. ²⁸ Nɛn nɛn ha agbetɔvilɔ va do nɛn, nɛn nyi be wa wadɔniyɔ, nɔ ya wadɔ asɔ agbe yɛtɔ sɔ nan do ta nɔn agbetɔ sugbɔ ciwo le kannumɔn gbemɛn. ²⁹ Gacimɛn ovatoso Jericho dukɔn lɔ mɛn lɔ, agbetɔ sugbɔ va kplɔ Yésu do. ³⁰ Yi ŋkuvi gbangbannɔn amɛn ve, ova nannyi do mɔnto va se be Yésu va yikɔ lɔ, ova tɔ awwa dodo le nunukɔbe: yɛ man kunusisi nɔn yewo, yɛ ahuetɔ ci mɛn nyi Davidiwo vi ³¹ Ɖukɔn lɔ le mɔnnu xe nɔn wo kɔ le nunuɔn nɔn wokɔ be womanbɔnu vɔ okpɔtɔ le awua dokɔ doji: Ahuetɔ, Davidiwo vi kunusisi nɔn mi ³² Yésu va nɔntɔ, yi va gnyɔ wo inube: ŋdeha mile jiji kɔbe man wa nɔn mi? ³³ Ova nunibe: Ahuetɔ, nɔn ŋkuvi mian tɔwo nɛn huin. ³⁴ Yésu va kunusisi nɔnwo, yi talɔ ŋkuvi wotɔ yi otɔ ŋkuvilɔwo huïn, yi okplɔ Yésu do.