¹ Yi yesu va xonuxo nɔn dukɔnlɔ kudo nusrɔvi yɛtɔwo.

Enube « Scribtɔwo kudo Pharisientɔwo nɔn nɔn okpo Moïse tɔmɛn.

² Yi nudekpokoui ciwo wonunɔn nɔnmi be mianwalɔ miwa nuxɔnwo yi mian sɔwo do ɖɔwawamɛn. ³ Ɖo wonunɔn nuwo ciwoji woŋdewanɔnɖo. ⁴ Ɛ, wo blanɔn agban kpɛnkpɛnwo ciwo venɔnnu hɛnhɛn yi wo sɔdonɔn abɔta nɔn amɔnwo. Vɔ wotɔwo ŋdebunɔn alɔ deka asɔ hiwo.

⁵ Wowanɔn dode kaka nɔn wakpɔwo. Ɖo wowanɔn cila do ali, yi wo vlunɔn awu wotɔwo. ⁶ Oxɔnɔn tehue ŋkɔŋkɔtɔ le ahue tehuewo, yi xɔnɔn akpo ŋkɔtɔwo le cɔcixɔwomɛn,

⁷ Kudo ogbe dodo tɔxɛtɔwo le fici amenwo bɔnɔnle, nɔn amɛnwo ayɔwo be ''Rabbi''. ⁸ Vɔ amɛnɖolayɔmi be "Rabbi", ɖo ahuetɔ ɖeka moɖo, mio keŋkeŋ migni nɔnviwo.

⁹ Migbe va yɔ mɛnɖekpokpui be oda, ɖo oda deka yi mi ɖo, yi le jipo.

¹⁰ Mi ŋgbe va nan nɔn wa va yɔmi be ahuetɔ, ɖo ahuetɔ deka miɖo ci gni yesu christo lɔ. ¹¹ Vɔ mɛnci la gni mɛnganhoho le miandomɛn lɔ, lagni dɔwavi miantɔ.

¹² Mɛnɖekpokpui ci lakɔ yɛɖeki ɖo ji lɔ ola suɛ sɔ hue, yi mɛnɖekpokpui ci la sɔ yɛɖeki sɔhue lɔ, ola duiɖoji. ¹³ Vɔ jɔgbevuin nɔn miwo, scribes kudo pharisiatɔwo ayemɛnnuwatɔwo! Mi lé jipo fiɔɖupe lɔ tudo amɛnwo. Ɖo mioŋtɔwo miɖe ja yi jipo lɔ, yi mi gbe va le mɔnnu xe nɔn mɛnciwo la yiwo.

¹⁴ Jɔgbevuin nɔn miwo, scribetɔwo kudo pharisientɔwo, ayemɛnnuwatɔwo! Ɖo mi le kposiwo hue gbankɔ, yi mi wanɔn gbedoɖa sugbɔ le ŋtaji, sɔkuɖo hɔncia, ola va ɖo kojo vevi nɔn.

¹⁵ Jɔgbevuin nɔn scribetɔwo kudo pharisientɔwo, ayemɛnnuwatɔwo! Ɖo mi yi nɔn axuji kudo yigbanji atrɔjimɛn nɔn mɛnɖeka.

Nɛn trɔjimɛn vɔlɔ, miva sue trɔzun ovi ŋsuglo amɛnvé nɔn zomavɔlɔ, sigbe leci mioŋtɔwo mi nuiha.

¹⁶ Jɔgbevui nɔn mi amɛnkplɔtɔwo ŋkuvigbangbantɔwo ci nunɔn be «nɔn mɛnɖe va ta cɔcixɔ lɔ, nɛn va nyiŋɖe vɔ nɔn mɛnɖe vata cika cɔcixɔlɔmɛntɔ lɔ, esɔgbeta.»

¹⁷ Onu magnan magnantɔwo kudo ŋkuvi gbangbannɔnwo, ŋɖeha gni gangan le sika kudo cɔcixɔ ciyikɔ sika lɔ yi ŋci? ¹⁸ Nɔn mɛnɖe ŋgbe va nunɔn mi be, atanu sɔto vɔsakpe lɔmɛn, yɛ mɛn nɛn gni ŋɖe, vɔ nɔn mɛnɖe va tanu sɔto onunannanmɛn cile vɔsakpelɔji, yɛ mɛn sɔgbeta.

¹⁹ Ŋkuvi gbangbannɔn! ŋɖeha yi klo, onu nannan alo vɔsakpelɔ ci kɔnɔn nunannanlɔ ŋci? ²⁰ Mɛnci tanu sɔto vɔsa kpelɔ ji lɔ, eta vɔsa kpelɔ kudo onuciwo kehukehu le jiwo.

²¹ Yi menci tanu sɔto cɔcixɔlɔmɛn lɔ, etanu sɔto cɔcixɔlɔmɛn kudo mɛnci le cɔciolɔmɛn.

²² Yi mɛci ta jipo lɔ, eta ofiɔkpe Mawu kudo mɛnci nangni ɖo okpo lɔ ji. ²³ Jɔgbevui nɔn mio sribetɔwo kudo pharisientɔwo, ayemɛnnuwatɔwo ɖo minanɔn akpawoli, nɔn aci ci olayɔnɔn be menthe, aneth kudo cumin, vɔ miva ɖanɔnsi enucilé véviɖe le esé lɔ mɛn, jɔjuɛgnigni, ŋsisikukunamɛn kudo ogbejinɔnnɔnmɛn: ŋciwo miɖolawawonɛn, ci yi mi da va dasi onu kpɛtɛlɔwocan.

²⁴ Amɛnkplɔtɔ ŋkuvi gbangbannɔn! Miwo ci ɖenɔn tɔbɔsu le asimɛn vɔ yi va minɔn oso. ²⁵ Baba nɔn scribetɔwo kudo pharisientɔwo, ayemɛnnuwatɔwo! Ɖo mi klɔnɔn goto nɔn kɔkpo kudo tasa, vɔ dɔmɛn dɔmɛn nɔnwo kudo adikpo.

²⁶ Pharisien ŋkuvigbangbannɔnwo, ɖo mi klɔ nɔn dɔmɛn jeŋkɔ nɔn kɔkpolɔ kudo tasa lɔ, nɔn goto hɔntɔcan akɔ. ²⁷ Baba nɔn mi, scribetɔwo kudo pharisientɔwo, ayemɛnuwatɔwo ɖo milé sigbé yɔdo woha, ci ynanɔn nɔn kpɔkpɔ ɖo goto, vɔ yi ɖɔnɔn kudo agbetɔwo kukuwo xu kudo onuxodixodi ɖesiaɖe le dɔmɛn.

²⁸ Nɛnɛke miwo can migni amɛkɔkɛ le ŋkɔ nɔn amɛnwo le xixenu, vɔ le jimɛn miantɔ ɖɔ kudo ayemɛnnuwawa kudo onuvuin. ²⁹ Jɔgbevuin nɔn mi, scribetɔwo kudo pharisientɔwo, ayemɛnnuwatɔwo! Ɖo mi ku nɔn yɔdo mawunyon nuɖewatɔ yi mi va jranɔn yɔdo amɛnjɔjuɛwatɔ do.

³⁰ Yi mi va nunɔn be: nɔn ova ji mi le gaxoxo miandawotɔmɛn lɔ, mi ɖe ja va kɔhuŋ mawugnɔn nuɖetɔwo do agnigban kudo miandawo.

³¹ Le oxɔn, mixotɔ mi le nunuɔnbe yanwomɛn yi ovi mɛnciwo hu mawu yɔnnuɖetɔwo. ³² mitu odo ci miandawo kuɖɛo.

³³ Lanviwo ci mi gni, okukan onubaɖawatɔ, ɖeɖeha mi la va sinɔn kojo ɖoɖo azan manvɔ lɔ ɖo? ³⁴ Yitado, yike, ŋle mawugnɔnnuɖɛtɔwo, onugnantɔwo kudo scribetɔwo ŋle dada mikɔ. Milavahuwo yi la va kan ɖeo ɖo aciŋci. Yi mi la va xo mɛnɖeo kudo oba kpo le cɔci miantɔwomɛn, adaoyanɔnwo le dukɔnlɔmɛn sɔyi dukɔnbuwomen.

³⁵ Jɔgbevuin lɔ, yi gni be, ohun mɛciwo yi mi huwo kehukehu le yigbani lakɔɖo mianji, so ehu Abeltɔji ci gni amɛnjɔjuɛ, kaka sɔyi ohun zacharietɔ, ci gni ovi ŋsuglo nɔn Barachi, ci mihu le tehue kɔkue kudo avɔsawahuelɔmɛn. ³⁶ Gnanwo ŋle nunumikɔ be, onuxɔwo kehukehu lava jɔɖo hukan cɛji. ³⁷ Jerusalem, jerusalem, owɔ ci hunɔn mawugnonnudetɔwo yi gbe yanɔn kpe mɛnciwo oɖɔ dadwo, zennimi yiyi abɔ oviwo sibe leci kklɔnɔn bɔnɔn oviɛlɔwo do awada yɛtɔwomɛn, yi mi nɛn ji.

³⁸ Yike ahue miantɔ lavaci toto.

³⁹ Ɖo ŋle nunuɔ nɔn mikɔ, miɖe ja gbe va kpɔxɔn sogbèji kaka sɔnan gacimɛn mi lava nube: ylayla nɔn mɛnci va sɔto ahuetɔlɔ ŋkɔmɛn.