¹ Parisienstɔwo koudo scribestɔwo va Jérusalu, le yesu gbɔ, yi noube: ² Hundeyi wanou nousrɔvitɔwo tounenfɔ akɔtanou yoyo lodji? No oneklɔ nanlɔ, gacime Olenounoukɔ, ³ Yi doci nonwo be: hundeyi wanou mio, mitounon afɔ ese mahoutɔ dji yi trɔyi lenonbo non miantɔ? ⁴ No mahou noube: deboubou etawo koudo enonwo kpoci yi meci yi lapofido edalɔ alo anonlɔ lɔ olavadon eto. ⁵ Vɔa mio, midoube: meci yi lavanou non edalɔ alo enonlɔlɔ: enoucime nan kpenowocile lɔ yignin enounannan non mahou, ne hianbe e ladoboubou edalɔ alɔ enonlɔciwo. ⁶ Migbenon nouso Mahougnon lɔci sɔ koudo akɔtaman tɔci. ⁷ Ayemenouwatɔn Ezaie yonouyo de so mianci, ci yi noube: ⁸ Doukon ce edononboubou cignin to noume, ⁹ Gbagbalo yi edonou boubounon, ale ese agbetɔ tɔwo kplankɔ. ¹⁰ Ci yi yɔ ahouakpɔlɔ, enoube: Midolo, non mianmon noudjeci. ¹¹ Non enouciyi no noumenon agbetɔ yi hononɖiwo; vɔa citonon le noumeni, yi honondi agbetɔ. ¹² Nousrɔvi yètɔ gogui yi nou dibe: ognanbe Parisienstɔwo yeye sɔkounɔ egnon ciyi osecia? ¹³ Yi docibe: acide kpokpui ci yi edagni djipotɔ lɔ nedolɔ lavagni honhon. ¹⁴ Mitasiwo: hunkouvi gbangban non yile hunkouvi gbangban non kplokɔ, wamevelɔwo lavayi dje edome. ¹⁵ Pierre, yɔnouhe, yi noube: Ti elododolɔme non mi. ¹⁶ Yi yesu noube: mio can migbeke hunnoumangnan? ¹⁷ Minegnanbe noudekpokpui ci yi donon noumelɔ eyinon wodome, le tehouehlahla womelo? ¹⁸ Vɔa ci yi tonon le noumelɔ sɔnon edjigbɔ yon yi wonondi agbetɔne. ¹⁹ No so edjigbɔ yi tamevoui sɔnonle, amehouhou, kpaco, enoumakɔ makoue, efiwo, ɖasevouiwo, amegnon nounou. ²⁰ Onouciwonon edi agbetɔne, vɔa adounou asimanklɔlɔ, ne wonondi agbetɔwo. ²¹ Ci yesu, djole eyonlɔ, edjole tyr koudo sidon wognigbandji. ²² Yike, gnonnou canantɔdeka, doawouadodè: kounousisinou, ahouetɔ, Davidi evielɔ! gbongbon voui wole ahadonon evignin gnonnouvilɔkɔ. ²³ Nenociwo, yi nousrɔvi yetɔwo gogui, yi noudi be: gni, no elaahou dokɔ no godonon mi. ²⁴ Yi docibe, alin ci yi boule Izrael yohome yi osɔ noda. ²⁵ Vɔa eva djeklo le hunkɔni, noube: Ahouetɔ, kpenoucignin! ²⁶ Yi noucibe: ne gnonbe wayɔ kponnon deviotɔ asɔnan douvio. ²⁷ Wè, ahouetɔ, yi noube, vɔa douvio dounon enoukoui ciyi djonle ekplongonme non ahouetɔ wotɔ. ²⁸ Yi yesu noudibe: gnonnou, yɔse tɔwo gangan; non ya gniwawa le cinon yi odronoha. Yi zedekalɔ, evietɔ kpɔdɔyɔyɔ. ²⁹ Yesu djole tehouélɔme, yi va ahoulɔ gbɔ le Galilée. Ci yi yi etolodjilɔ, enangnin. ³⁰ Ahouakpɔ ɖeka gogui, yi le womelɔ sekounonwo, hunkouvi gbangban non wo, tokounonwo, afɔmalinonwo, koudo dɔnon sougbɔ bouwo. Ohivagbɔ, yi yɔdononwo. ³¹ Le djidjoue me yi ahouakpɔ lɔ kpɔ nouhomanhotɔwo le nouhohokɔ, afɔmanlinouwo kpɔ edɔyɔyɔ, hunkouvi gbangbannonwo le noukpɔkpɔ, yi ole Mahou Israeltɔ kanfoukɔ. ³² Ci yesu yɔ nousrɔvi yetɔ wolɔ, enoube: hunkou nousisi non ahouakpɔce, no hunkeke amevɔn ke olekouke, yi onegonnonwo. Gnededji la trɔ sivewo, non hunsin hungbevayihoue dowe le mondjiho. ³³ Nousrɔviwo noudibe: dede milawa yi lakpɔ le zogbecadji kponnon yi ahouekpɔ lɔ ladou yi ladɔhodo. ³⁴ Yesu biowose: kponnon nindi yi le miansi? Amandrè, yi odoci, koudo ehui viwedeka. ³⁵ Yesu sɔ ahouakpɔlɔ nangni do agnigban. ³⁶ Sɔ kponnon amedrelɔwo koudo ehuilɔwo, ci dogbeda no dji godolɔ, esɔnan nousrɔviwo, yi osɔ mannon ahouakpɔlɔ. ³⁷ Okekehun dounon yi dɔhodo, yi kisi amandre gbekpɔtɔ yi dokoudo kponnon. ³⁸ Meciwo yi dounouwo gni hunsou kotokoun amenin, yi onehlin gnonnouwo koudo deviwo. ³⁹ Yon godolɔ, egnan ahouakpɔlɔ, yi no aklolɔme, yi vayi Magadan wo doukonlɔmr.