¹ Farizitɔwo kuɖo saducɛɛntɔwo asɔ do se Jesu pkɔ a vagogui yi va te nunukɔ nin be nɛn wa jesido ɖeka cinɔn yi so juŋkusi ² yesu ɖoŋci nɔn wo be: fiɛsi a oji nɛn ja ja o ɖoa agbɛlɔmɛn bia, le gnindi a. ³ Min nu be: oji va de vivici ɖo mɛn. Min kpeŋci yi do nɔn jesi jiŋkusimɛn, vɔa min nɛn kpeŋci la va dojesi nɔnnɔnmɛn gaxoxowotɔ. ⁴ Jijimɛn okugnrantɔ kuɖo hasiwatɔ va le onundando mawutɔ jikɔ. Ominkunu jonasi tɔ ɖekɛ kpoŋ yi la kpɔ. Yi va jo le wogbɔ. ⁵ Onun kplanvilɔwo va wlɔnbe kpɔnnɔn sɔsɔ gacinɔnmɛn ovale akpavegɔnlɔ la yikɔ. ⁶ Yesu nun nɔn wo be: min kpɔ mianɖokuwo sɔ so ciki fɔn mianɖokuwo sɔ so ciki fɔn kpɔnnɔn sduceɛntɔwo tɔ. Le ⁷ ognɔn jɔjuɛ jijimɛn an, onunkplanvilɔwo va le nun nunkɔ le wonɔn nuomɛn be: cinɔn min nɛn sɔ kpɔnnɔn yi dɔ. ⁸ Cinɔn yesu dojesi susuwotɔ a, eva nun be: ŋɖe wanun min le egnɔn jɔjuɛ jikɔ so mia, ɖekuwomɛn mianwo xɔse viwɛ ɖotɔwo, sɔ ɖaɖa kpɔnnɔn mansɔ miantɔ ŋci? ⁹ Susu hledomian, min wlɔnbe kpɔnnɔn amantɔn cinɔn yimin sɔ nan onunɖuɖu agbetɔ kotokun amatɔn kaka yigbe kpɔtɔ yi gbe ɖɔ kisi sugbɔ yi min lɔ sɔ jo a? ¹⁰ Min wlɔn be kpɔnnɔn amadrɛ cinɔn min sɔ nan onunɖuɖu agbetɔ kotokun amɛnnɛn kaka yi gbe kpɔtɔ yi min kisi nɛnninɖe a? ¹¹ ŋɖexa wanou yi min nɛn gnan be nɔn kpɔnnɔun ŋci yi ŋle ŋxoxocɔ nɔn min o? Minkpo mianɖokuwo ɖaɖa cike fɔn kpɔnnɔn Farizitɔwo kuɖo Saduce ɛntɔwo tɔgbɔ. ¹² Fifiɛ keŋ gbɛxue yi ova dojesi be nɔn kpɔnnɔn wotɔ ŋci yi le ogbetɔkɔso voɔ onun kplanmɛn mɛnxɔwotɔ. ¹³ Cinɔn yesu va va cesare le Filipu o du mɛn an eva biɔ onunkplanvi yɛtɔwo sebr: mɛnɖexa yi onu nɔn be gnin mɛn gnin? ¹⁴ Oɖoŋci nin be: mɛnɖewo nun nɔn be ognin Jan batisi, mɛnɖa a ognin Eliya mɛnɖewotɔ gnin be ognin Jermi alo ognɔnnunɖɛtɔ ɖeka. ¹⁵ Yi miɔnwo ɖe mɛnɖexa yi min nun nɔn be gnin mɛn gnin? ¹⁶ Simɔn Pierre ɖoŋci nin be: ognin kriso, Mawuvi agbeagbelɔ. ¹⁷ Cinɔn yesu va ŋxoa, eva nun be: Yrayratɔ yi o gnin Simɔn Jonasi o vi ɖoa nɔn ŋcilan kuɖo ohun kpo yi ɖi viɔwo edagnin ŋtɔ cinɔn yi le jiŋkusi yi ɖifiɔwo. ¹⁸ Yi egnin a ŋle nun nunkɔnɔn be ognin okpe yi le okpe cɛjia nan tu cɔcixɔ xignin yi ohɔn mɛnkukuwoditɔ nan kpeŋci ahun ɖo jio. ¹⁹ Nan va sɔ juŋkusiwo safliwo sɔ do alɔmɛn nɔn o; ŋcinɔn ola bla le agningbanji a la va gnin blabla le jiŋkusi yi ŋcinɔn ola tukanan le agnigbanjia la gnin tutu le jiŋkusi. ²⁰ Yi va gbe nɔn onunkplanvilɔwo be wogbe nunnɔn mɛnɖe be ye gnin kiso lɔwo. ²¹ Yesu va tɔ ɖeɖefiɔ onunkplanvi yɛtɔwo be ehian be ela yi Jeruzalɛmu ayi ɖuaya sugbɔ le alɔmɛn nɔn avɔsatɔganganwo mɛngan mɛnganwo kuɖo skribu tɔwo, yi ola va hui yi yo ŋkeke amɛntɔntɔlɔgbea, elava fɔn. ²² Pita cinɔn yignin amɛnɖeɖo va le nunnunkɔ be: axuetɔ nɛn jro Mawu a, nanjɔ kpɔ gbeɖe o. ²³ Vɔ a cinɔn yesu va trɔ kpuɛ eva nun ninbe: tete ɖaɖa gbɔgbɔ satanan de ja gnin omɔnxenun nun ɖoa susutɔwo a, agbetɔ yi ognin onɛngnin Mawutɔ o. ²⁴ Yi yesu va nun nɔn wo be nɔn be nɔn mɛnɖe ji la kplɔŋdo a, nɛn gbenun le yɛɖokui ŋci, akɔkɔ acisogalɔ yi nɔn ya kplɔŋdo. ²⁵ Doa mɛncinɔn yi la ji la hluɛn agbe yɛtɔ la bui vɔa mɛncinɔ yi la bui ɖo otanun an, la va kpuɛ. ²⁶ Oviɖeɖe hiɖe yi min la kpɔn nɔn min ɖo agningbanjinunwo vɔa yi trɔ bu agbe miantɔ? ŋɖe xa agbetɔ la sɔ nan keŋ asɔ nɔli kuɖo agbe yɛtɔ? ²⁷ Doa amɛn agbetɔvilɔ lava le kɔkɔɖo oji odalɔtɔmɛn kuɖo dɔlawo yi va tufɛn nɔn amɛnɖekaka sɔ so odɔwawa yɛtɔ mɛn. ²⁸ ŋle nunnunkɔ nɔn min be: mɛnɖewo le mian mɛn o nɛn ja va ku o keŋ gbɛxue agbetɔvilɔ la va le ofiɔ ɖuɖu yɛtɔ mɛn o.