¹ Le gaxɔn mɛn ci herode tetrarquesé woxonu xo so yesu ncilɔ enunɔn dɔwavi yɛtɔwobe jean baptisteyɔ. ² Efɔn so okuwodomɛn yi wonu yi nukunuwo le jɔjɔ tojikɔ. ³ Ɖo herode ci le jean salɔ ebla alɔni yi suɛdo gamɛn sɔ so herodia ŋci philippe nɔn vi lɔ si. ⁴ Ɖo jean nunɔn ni sabe wo ŋŋde d emɔnnɔwo be nan di wo. ⁵ Ejilahui vɔ elevɔn vɔnkɔ nɔn amɔnwo do de jean kpɔkɔ sibé ognɔnnuɖɛtɔha. ⁶ Vɔ gacimɛn wole jigbézan herode tɔ ɖukɔlɔ ejɔ ji nɔn herode be herodias du wé le agudomɛn nɔn mɛn jro ciwo yi woyɔ nɔn jigbe du zanlɔ. ⁷ Enan bé edo ngbé kudo gbeta sɔsɔ gandé be yemɛnlani nude kpokpui ci yɛmɛn la biɔ yé. ⁸ Le nɛnya nɛnya donan mɛn onɔnlɔtɔmɛnlɔ enubé nan ŋle ofiɛ viɛ ota jean baptistite tɔ do do gamɛngban deka mɛn. ⁹ Nusisi je ofiɔlɔji vɔ sɔso gbetasɔsɔ yɛtɔ ŋcilɔ kudo mɛnjro lɔwolɔ ebiɔ be wo mansɔ ni. ¹⁰ Yi woyi ota sogbe nɔn jean baptiste le gakpamɛn. ¹¹ Woso ota yɛtɔ do gamɛngbamɛn yisɔ vanan yɔnnuvilɔ yisɔvɛnan onɔnlɔ. ¹² Nusrɔvi jean tɔwo vakɔ ŋcilan yɛtɔ yi vɛdi. ¹³ Ci yesu sé xɔlɔ ejo le aklo lɔmɛn yiyi do didihue le zogbeji ci dukɔn lɔ sé lɔ wo sɔ afɔ yi kplɛɛdo. ¹⁴ Ci to aklo lɔ mɛn lɔ ekpɔ amɛn sugbɔ yi ɖɔ kudo nsisi kuna mɛn nɔn wo yi yɔdɔ nɔn dɔ nɔn wo. ¹⁵ Ci fiɛsi dolɔ nusrɔvilɔwo gogui yi nubé ofiɛlɔ zogbejiyɔ gamɛn yinɔ yivɔ yan amɛnlɔwo nɔn wayi odulɔ mɛnn ovɛ xlué nuwo. ¹⁶ Yesu donci nɔnwobe ndehian be wajo mi wo ŋtɔ wo mi nan nududu wo. ¹⁷ Vɔ wo nu ni be kpɔ nɔn amantɔn kudo ohu amɛn ve kpo yi le ofiɛ. ¹⁸ Yi donci nɔn wobé misɔwovanu. ¹⁹ Yi biɔso amɛnlɔ wo gbɔ be womangni do agbe woji yi xɔ kpɔnɔn amantrɔnlɔ kuɖo ohui amɛnvelɔ yi kɔ nkuvi do oji yisɔ kanfu kanfu nan Mawu yi fɛn kpɔnɔn lɔ mɛn yi sɔnan nusrɔvi yɛtɔwo yi wo mi nɔn dukɔnlɔ. ²⁰ Amɛsiamɛn dunu yidɔ xodo egbekpɔtɔ kisi wi vé dɔdɔ ci we wo du kpɔtɔ yi wo sɔjo. ²¹ Agbetɔ sibé kotoku amantɔ xa yi du kpɔnɔnlɔ ci wonde hlɛn yɔnuwo kudo deviwo. ²² Zedekalɔ ebiɔso nusrɔvilɔwogbɔ be wo man do akuolɔ mɛn man je nkɔ ni le akpa vegɔn lɔ xue le gacimɛn yi le du kɔn lɔ yankɔ. ²³ Ci yan wo go do lɔ evayi ɖo otoji ovɛwa gbedoda yɛdekɛ ci gbebé fiɛsi do lɔ yɛɖekɛ lexɔn. ²⁴ Aklolɔ le otɔ dodo mɛn osi tɔn dodo mɛ do aya le xoxokɔ do da akpa buj. ²⁵ Le zantenɔn zan amɛn nɛn gɔn yesutɔlɔ yesu yiwogbɔ yizɔn tootɔji. ²⁶ Ci nusrɔvilɔwo kpɔ yi le zɔɔnzɔnkɔ to tɔjilɔ wo ca ka yi nubé amɛɛkuadeyɔ yi le jikasui wotɔmɛnlɔ wo le axuadokɔ. ²⁷ Yesu nunɔn wo zedeka be mi ɖo isuvidoji be egnin yɔ mi ŋgbé so jikao. ²⁸ Pierre doŋci ni be nɛngnibe owɔyɔ lɔ de mɔn be manzɔn vagbɔwo le otɔ lɔji. ²⁹ Yi nuni be va Pierre tolé aklolɔ mɛn yi tɔ zɔnzɔn otɔlɔji ayi yesu gbɔ. ³⁰ Vɔ cigni be ayalɔ sɛn hulɔ jika sui yi tɔ gɔn mɛn yiyi eda xua yi bé axuetɔ hlɛnwu. ³¹ Zédekalɔ yesu vlu yili yinun ibé ŋsu xosé viwuɛtɔ ŋde ŋci oxo nukpɔ. ³² Yi ɖo aklolɔmɛn yi aya xoxolɔ doté. ³³ Mɛn ci wé le aklolɔ mɛnwo va do nu do nɔn yesu yi nu bé yan wo toto mɛn lɔ ogni ovi Mawu tɔ. ³⁴ Ci woso tɔlɔgodo lɔ wo va jé odu génésareth tɔ mɛn. ³⁵ Odu xɔn mɛn tɔwu ci wo je si yesu lɔ wo do awɣɛn doda afi akpɛtɛlɔwo nɔnɔ wahɛn dɔnɔn wo va ni. ³⁶ Wo biɔ sogbɔ kpohu be yɛ man de mɔn nɔn wo matalɔ tomɛn nɔn awu yɛtɔ.