¹ Nempigon Pogpogi yemtaipelak sil mori seven ogi pokup nur yete nenparenpar potpot hogku ilkuteven hai navleh. ² Im yau memokhi ovon nagelou seven ndumutur ra nipmi Novu,im ovon tovwi mori seven nduvonor. ³ Hai momu nagelou ivelom yemelkavi hai worvai gi ovon nempenveh ndvyiyorgi kou,yemetur ra nur worsokwar wi.Ovon nempenveh ntamah nduvogi iyi ma iyi worovogi iyi tempigon ovon nofuaki en ovon tavniri ra nur sokwar ra lou horog. ⁴ Nogonom wi ra nempenveh mori ma,im ovnofuaki en ovon tavniri,ndusak umelwo ra nipmi Novu ra norun nagelou. ⁵ Nagelou i vai worvai nempenveh mori ma mevai gi nom ra nur nsokwar.Im tavogi iyi ra nmap,im yowar i savse,memyowar,ovon torpis,im hai nomyuk. ⁶ Im ovon nagelou mori ma (seven)mori ndulkavi ovon tovuwi(seven)ndutavehveh woreli. ⁷ Nagelou mampum yeli tovwi isen,im ovon novsen nunetpon im nom yemovoli gi nde.Ndutavogi iyep ra nmap ma nevlogkon nmap ndehel ogi nom yetni,ovon nei ra nmap ndehel ogi yetrau,im ovon tepavo telemte yetrau. ⁸ Nagelou penuri yeli tovwi isen,im hai sesai hogkusu hai nompuwo nivorih yemau ra nom ndutavogi ive ra ntok. ⁹ ovon siame itromurep mori mori ra ntok itretvavwi ndehel ogi ndumah,im ovon lou(lovumar)itretvavwi ndehel ogi ndukinor/ndumkon. ¹⁰ Nagelou ndehel ogi yamsak gi tovwi isen im hai mosi yomol ra pokup,mselai nur yilar veh,ra ovon nu tetvavwi ndehel ogi im ovon nu tavwan(nu itrakan veh im tanpoveh.) ¹¹ Nin mosi ma iyi(norundi siame su im tawi tanpo veh)Nu itretvavwi ndehel ogi ivelom nu itrakan veh,im ovoteme ginmah ndumah ra nu mori ma yakanveh. ¹² Nagelou ndvat ogi yamsak gi tovwi isen,im nen ndutvavwi ndehel ogi ndutavlogi,im hogku ra itais im ndehel ogi netvavwi ra ovon mosi.Mompi ma ovon ndehel gi mori itretvavwi ivelom nelvukvat;hai netvavwi ra pwakah im hai netvavwi ra pumrok itretvavwi mori ma tawi nilar wi ¹³ Yau memokhi,im yau morgi hai nagelou mori yemokep unmelwo ra nompug yemahor gi hai navian,''Urveh,urveh,urveh,ponor iror mori kumante ra nmap,ra ovon tovwi avni mori tawi tantop wonam sak marogi ovon nagelou mori ndehel.