¹ Imo nagelou sukrim ogi yamsak gi tovwi isen.Yau mokhi hai mosi ra pokup mori yepmomol su ra nmap.Mosi mori ma nduvogi ki ra nesisin navran nur ra nom mori tawi navlutnin wi. ² Itai pelak nesisin ra navran nur mori tawi navlutnin wi,im nogonom ivelom ilat ra nesisin hogku su hai nom mori ndomo.Nen im nur wokon nduvoli muvelom nelvukvat ra nogonom yempelom go ra nesisin. ³ Ndumu velom ilat ra nogonom ovon uyeh nduvelom ra nmap,im nduvonor horogsak hogkusu ovon (nalintok ra nmap ovrok) ⁴ Ndun watopne ponor ma kuwoneni ovon nogkiln nei telemte ku ovon nei im tepavo,kou woneni ovoteme wokon mori kutumampai sil en Novu ra nelpavined. ⁵ Nndutu vonor horog wortalogi ovoteme mori ma,kou worovonor ovnohoru mafeli itais sukrim kamwi.Ovnohoru ma iyi hogkusu hai nohoru ra nalintok ra nmap nempigon kamesei hai neteme. ⁶ Ra ovn ndan mori ma ovoteme wonohorogi nmah kou kuwagkili nokhi.Wonakayogiveh wormah,kou nmah konalou parokond. ⁷ Ovon uyeh mori ma hogkusu ovon woh/hos ndu tavehveh worve ra navkat .Ra nompund sesie hogkusu ovon umpwavkor ndwiyorgi koul,im nimind hogkusu nipmi ovoteme. ⁸ Novlin nompun hogkusu en ovahiven,im nelven hogkusu ovnelven laion. ⁹ Ra nemendgond ovon siame ovndomo wosenor,im ovnavian neflekond hogkusu navian jariot ginmah im ovon woh/hos ndumalou muve ra navkat. ¹⁰ Ovon nevlimkont hogkusu nalintok ra nmap hai sesai kamesok ogi wi;ra ovnelimpkont nduvonor horogsak worokini ovoteme itais sukrim. ¹¹ Ndu semsi hai natmonuk niskond hai nagelou ra navran nur/tawi wi navlutnin.Nin ra Hibru Abaton,im ra Krik nin Apolion. ¹² Ovon norgi urr kokve su.Okhi! Penuri siame imo nduru momu ovon ndan ndomo wampelom. ¹³ Nagelou mehikai ogi yeli tovwi isen,im yau morgi hai navian yempelom marogi ovon nempati ra nur worsokwar wi mori ra nipmi Novu. ¹⁴ Navian mori ma yemenwi pogi nagelou mehikai mori ma yelkavi tovwi,''Tenimpe ovon nagelou mori ma ndvat mori ndutaivsivsin iror ranu orog mori nu Euvreits. ¹⁵ Ovon nagelou mori ma nvat ndutavehveh ra ndan navleh,ra ndan ma,itais ima,im nevi ma,ndutenimpe iror wortalogi ovoteme su mori ndutvavwi nogkon ndehel. ¹⁶ Lator ra ovoteme navkat mori nduvai woh/hos iyi 200,000,000.Yau morgi lator eniror. ¹⁷ Im nehelavrivor enyau hogku su yoko viak gi woh/hos im iror mori ndumutehep rantant:Ovon woh/hos eni nemendgond hogkusu nom itravlar,netgon tok itrakumsusu im melyag hogku su nalitkorari ra nehewate .Ovon nompun woh/hos hogku su ov nompun laion,im ra nogund yempelom nom,nogonom,im nal nehewate. ¹⁸ Ndehel ogi ovnetvawi mori ovoteme iror ndumah ra imo ovon siame yihi:nom nogonom,im nal ra nehewate mori ra nogund. ¹⁹ Ra horog sak en ovon woh/hos yemete ra nogund im ra nevlimpkont ---ra nevlimkont hogkusu ovon nehekil,im nompund wi worovogi nohoru ovoteme. ²⁰ Omwisu mori ovoteme su,iror mori ndutumah ra imo siame ndehel mori ma ndutuvoli nowand ra ovnompi ndi ndwompi,ku ndutuwi nteveta ra ovon naviat im ovon novu ra koul ,sila,brouns,nvat im nei--siame mori ndutumaghi/tawi nimind wi,ndutumandgi/tawi telgond wi,ku ndutum nanvan/tawi nond wi. ²¹ Tawi hai ndutuvoli hai nowand ra ovon ntalogi ovon taviwar,ovon tampalau ku ovnompi nogkon ra ov nomprok.