¹ Penuri siame imo Yau mokhi ovon nagelou ndvat ndumutur ra ovon navlutnin nmap ndvat mumulkavsivsi ovon nemetagi mori ndvat kutwonelimsi ra nmap,rantok,ku nelimsi ra ovnei. ² Yau mokhi hai momu nagelou yemsak ra nur unur,yelkiavi sil en Novu nomurep.Yemagrisak gi naviansak pogi ovon nagelou mori nduvonor nam worokini imo nmap im ntok:'' ³ kutwagkini imo nmap,ntok ku ovnei mafeli kaklantipe hai sil ra ovon nompun levsau en Novu horet/soret.'' ⁴ Yau memorgi lator eniror mori ndutipe ovon sil irand:144.000,mori nduvai imo sil marogi ovon nompunaran ra ovoteme ra nur Israel: ⁵ narwolem im tavgone nduru tausen ra ovnompunaran Iuda,narwolem im tavgone nduru ra ovnompunaran Ruben,narwolem im tavgone nduru ra ovnompunaran Kad, ⁶ narwolem im tavgone nduru tausen ra nompunaran Aser,narwolem im tavgone nduru tausen ra nompunaran Naptali,narwolem tavgone nduru tausen ra nompunaran Manase, ⁷ narwolem im tavgone nduru tausen ra ovnompunaran Simion,narwolem im tavgone nduru tausen ra ovnomounaran Levi,narwolem im tavgone nduru tausen ra ov nompunaran Isaka, ⁸ narwolem im tavgone nduru tausen ra nompunaran Sebalun,narwolem im tavgone nduru tausen ra nompunaran Iosep,im narwolem im tavgone nduru tausen ra ovnompunaran Benjimen mori nduvai sil. ⁹ Penuri siame imo yau memokhi,im hai novrompun ovoteme ndomo nehepor----marogi ovnompuwo su ovnompunaran,ovoteme im ovnam ----ndumutur ra nipmi lou horog im ra nipmi Pogpogi.Ndwovar ogi ovon nemah itkohovogo im mumul kavi ovon noknomol ra norund, ¹⁰ im ndumahor sak gi naviant:''Nomkeiyowar iyi eni Novu soret mori kamantehep ra lou horog,im pogi iyi mori Pogpogi!'' ¹¹ Ovon nagelou omwisu ndumutur magkau gi lou horog im magkau gi ovon elda im ovon ovnurak mori ovnitromurep,im ndumol gi nimint pogi lou horog Nduteveta ra Novu, ¹² mumuku,''Amen! teveta nilaswi,nelkon itmas nsiesie,ndomo,im torogat pogi Novu enogkoh uvruni tawi navlutnin!Amen!'' ¹³ Im hai irand ovon elda itagkol yau''Meime iror iyihi wovar gi nemah itkovhovogo im iror kumneya?'' ¹⁴ Yaum menwi pogi,''Natmonuk,kemagkili,''im yemenwi poyau''Iror mori kumne parogi ndan nesesau.Kupmurwogi su ovon nemah eniror im mompi kuvelom ovon itkohvo gi nde en Pogpogi mori. ¹⁵ Ra nompi imo,iror mampum ra lou horog en Novu,im mumonteveta iran pwakah,im pumrok ra nimo tompor.Iyi mori ma kamantehep ra lou horog senor gi hai sentep. ¹⁶ Kutwon temah nempigon hai momu,ku kumampyomnuk nempigon hai momu.Nen kotwosei iror meyep irand,ku hai nawau wi. ¹⁷ Ra Pogpogi mori ilvukteven lou horog kanti neteme nefinte pogpogi irand,im iyi kontouror ra ovon nu tavwan,im Novu kosentvi ovon ulipmi nimind.''