¹ Yau mokhi/topotnemi nempigon Pogipogi itaipelak hai sil mori ma (seven,)im Yau morgi hai ra ovnurak mori ma ovnitromurep yemenwi gi naviansak hogkusu hai yowar,''Elom!'' ² Yaum topotnemi im memokhi hai woh/hos nehevo.Neteme yemetehep wi yelkavi hai nevane,im nduvogi ³ Nempigon Pogpogi itaipelak hai momu sil penuri gi,Yau morgi hai ra ovnurak mori ovnitromurep ndurugi Yemoku,''Elom!'' ⁴ Im hai momu woh/hos yivelom ilat ---novsokavlar su.Neteme wi nduvogi nam worvai pelak nenprata ra nmap,ma ovoteme wi wahapen talokond Neteme wi nduvogi hai nautugo nivorih. ⁵ Nempigon pogpogi itaipelak sil ndehel gi,Yau morgi nurak itromurep mori ndehel ogi yemoku,''Elom!''Yau mokhi hai worsavi ovnsiame itrompuktom ra norun. ⁶ Yau morgi hai navian marogi ovnurak ovnitromurep mori ma ndvat yemoku,''Hai nsavi gi ovon wit gi nvat(vatu)hai teven,im savi ndehel gi barl gi(vatu)hai teven.Kou kotwagkini ndompon im vinde.'' ⁷ Nempion pogpogi yemtai pelak sil ndvat ogi,Yau morgi navian ovnitromurep nurak mori ma ndvat gi yemoku,''Elom!'' ⁸ Im yau mokhi hai woh/hos itrakurkur.Neteme wi nduavtovnin muku Nmah,im nehewate ndumuri.Nduvonor horogsak wortantevakpe ra nmap worvai nevlogkon nmap ndvat ogi,wortalokond gi nautugo,gi ntemah im ovnamarat,im ovnagon ra nmap. ⁹ Nempigon Pogogi yemtaipelak sil sukrim ogi,Yau mokhi ra netgon nur sokwar naviat en iror mori ndumah ra nam eni Novu im ovon nompuvsok mori ndulkavi. ¹⁰ Ndwagri sak gi hai navian mori itramsak,''konetau hogkuse,Narisak ra siame su,tompor im itnesog mafeli kanwali iror mori kumante ran map,im mafeli kontamsi ra ovnde enogkam?'' ¹¹ Im iror haiteven go nduvonor ovnemah itrehevogo,im ndumunwi ponor mumuku wantelap virokgo lap tantop mafeli omwisu mori ravendme ovon levsau im raven haime im revevendme wonelkavi nur mori ndupmumah wi. ¹² Nempigon Pogpogi yemtai pelak sil meihikai ogi,Yaum memtopotnemi im hai nomyuk tamas.Nen yovoli mpelom nakumsu hogku su hai nemah itrakumsusuveh,im itais yivelom hogkusu nde. ¹³ Ovon mosi ra pokup ndumol ra nmap,hogkusu hai nei mori fik ovon novwan kamandomol ra nempigon ndan vilyoru/nemetagi. ¹⁴ Ra pokup yevya hogkusu hai netai itrovolvoli.Ovon nompuo su im ovon nompuo hai teven go nduvsi parogi nampond. ¹⁵ Im ovon ovatmonuksak magkau gi nmap im ovoteme wi,im ovoteme nind wi,im ovoteme noute wi,im iror mori ovon horog sakwi im nogkon ovoteme momu,ovon torogat wokon im iror mori wokon,ndwamon ra ovon netgon veli narivkai ra ovnompuo. ¹⁶ Ndunuwi pogi ovnompuo im ovon narivkai,''Umol irami!Ovuryogkam/senkam ra nipmi iyi mori kamantehep ra lou horog im ra narakai en Pogpogi. ¹⁷ Ra ndan orog ogi narakai niskond kokvelom.Mei momu kagkili woretur?''