Reveleisen tamas:5 virok:1 mafeli-14

1 Im yau mokhi ra norun meveh iyi mori yemetehep ra lou horog hai netai ndwotai rantan mampum im rantan penuri,ndutipe tavsimogi gin ovon sil (seven.) 2 Yau mokhi hai nagelou ndomoveh yemahor gi hai navian orog,''Mori iyi nompogon wi wortai pelak netai im menarki ovon sil wi?'' 3 Tawi hai unpokup ku ra nmap ku ra netgon nmap pitai pelak netai ku worehepi. 4 Yau magri gi ndomo ra tawi hai pukhi ma iyi nompogon wi wortai pelak netai mori ma ku worehepi. 5 Kou hai irand ovon elda yemenwi poyau memoku,''Etwagri.Okhi! Laion ra ovon nompunaran Iudia,ovnowatnin Ndeived,kok- tantevakpe wi.Iyi wokon kagkili ntaipelak netai im ovon (seven)sil wi.'' 6 Yau mokhi hai pogipogi yemetur ilvukteven ra lou horog im ndal ovon nurak mori ndvat im ndal ovon elda.Yau mokhi hogkusu ndutalogi su iyi.Nempati wi (seven)im ovon nipmi (seven)hogkusu,mori iror ovon naviat mori (seven)enNovu yemtamulor pelak magkau gi nmap. 7 Ive mpai pelak netai mori ma ra norun meveh en iyi mori yemetehep ra lou horog/potnomputwo. 8 Nempigon ivai pelak netai mori ma,ovon nurak mori ovni tromurep im ovon narwolem nduru im tavgone ndvat---ovon elda ndumol ra nipmi pogipogi.Haiteven go irand nduvai ovon harp im ovon boul mori kuvyiyorgi koul yetrovwar gi ovon nempeleveh,mori iyi ovon novfaki en ovon tavniri. 9 Nduwarufo hai narufo itvau:''Kik nompogon wi worvai netai im wortai pelak ovon sil wi.Ra ndutalogkik,im gi nde enogkik kimpasi torilki ovoteme niskon Novu marogi ovon ovnompunarant,ovnam eniror,ovoteme im ovnur su magkau mevtit. 10 Kimompi iror nduvelom hai simanlou horog im ovon nompun nimo tompor wontorogat ra Novu enogkoh,im wonari ra nmap.'' 11 Im yau mokhi im morgi navian ovon nagelou ginmah ndwagkau gi lou horog im ovon nurak mori ovnitromurep im ovon elda.Lator eniror omwisu iyi narwolem tausen ra narwolem tausen im tausen ra tausen. 12 Ndumunwi gi naviandsak,''Nompogon iyi pogipogi mori ndutalogi iyi worvai horog sak,Noute,nelkon,torogat,siese,im nilaswi im teveta 13 Yau morgi ovnurak su mori ra pokup im ra nmap im rantok ---ovon siame su mori ---ndumuku,''Pogi iyi mori kamantehep ra lou horog im pogipogi worteveta iran siesie,nilaswi,horogsak worari uvruni.'' 14 Ovon nurak mori ndvat ovnitromurep ndumuku''Amen!''im ovon elda ndumol im muteveta iran.