Revelesen tamas: 4 virok:1mafeli-11
1
Penuri siame imo yaumemokhi,im yaumumokhi hai nogun selat itai pelak unpokup.Navian mori yaumyep morigi yemam poyau hogku su hai tovwi,memoku,''Sak igko,im yokosesi ponok se koumampelom penuri siame iyihi/imo,''
2
Nempigon hai teven yaumete ra Naviat,im yaumokhi hai lou horogsak yete ra pokup,hai neteme yemetehep wi.
3
Iyi mori yemetehep wi iyi hogkusu hai ovon nvat mori Jasper im Karnelian.Hai mitar yagkau gi lou horog.Mitar ma hogkusu hai nvat telemte.
4
Magkau gi lou horog sak narwolem nduru im tavgone ndvat momu,im iror mori ndumu tehep wi iror ovon elda,im movar ogi ovon nemah itkohovogo,tampigon ovon umpwavkor ra nompund yemiyor hogku koul.
5
Unisog ra lou horog yempelom ovon savsie ra torpis,ovon nilar(seven)ndu mau ra nogun lou horog,nilar mori iror ovon (seven)naviat en Novu.
6
Mampum ra lou horog hai ntok yemalei im itrenparveh,hogku hai sesai itrokhi im maghi nogkongo gompe.Ilkuteven lou horog im magkau gi lou horog ovon siame itromurep ndvat,nimind ginmah ra mampum im rantan gompe.
7
Ovon siame mori ma ovnitromurep eteme mampum hogku su aion eteme penuri hogkusu hai nitni kau,im ndehel gi hogkusu hai nipmi neteme,im nvat gi hogkusu hai sokwavi itrokep.
8
Ovon siame/nurak morima nevlokondwi meheikai,nimind ginmah ran tant im ra netgond.Pumrokgo im pwakahgo ndumampuar worenwi,''Tompor,tompor,tompor Novu ra nusian mori yete,im kamante,im koumemante.''
9
Nempigon ovon nurak mori ma ndvat ndumam pogi nilaslaswi,im siesie,im manwi kompalogi pogi iyi mori yetehep ra lou horog,iyi mori kamante uvruni,
10
Ovon narwolem narwolem im tavgone ndvat ndumol im mumu siesie ra iyi mori yemetehep ra nevi su.Ndumutipe sak ovon umpwavkor eniror pogi iyi mori ra lou horog,
11
Nompogon iram kik Novsurumon im Novu enogkam,worvai nilaslaswi im siesie im horogsak,ra kimompi siame su mori,im gi nakayogi enogkik ndute im kimompi iror.''