Reveleisen tamas:3 virok 1:mafeli-22
1
"Netai pogi nagelou ra nimo tompor ra nur Sardis'Ovnam eni iyi mori kamnelkavi ovon(seven)Naviat en Novu im mosi sevsen.''Yakamagkili se kwonompi.Hai nompi ma hormi mumagku kumamurep,kou kimi ovon iturmah.
2
Wolampe im mompi armai se komentar,kou ogi potpot nmah,ra yokotumaghi ovnompurak hormi worokompli nevsigo en Novu.
3
Kwontarugi,mompi ma,se kuvai im murgi.Alkolki iyi im movoli nowami.Kou nagku kutumnelampe,Yakampelom hogkusu hai neteme nomprok,im kutwagkili navleh se/itrokwo yakampelak pogkum.
4
Kou kuvai nogkont ovnind ra nur Sardis mori kutukini ovon nemah eniror,im wonavan ndal yau,movar gi ovnemah itkohvo,ra iror ovon nompogond wi.
5
Iyi mori kamentantevakpe worevai gi nemah itrehvo,im yokotuagkili taikoiki nin ra netai gi nomurep,im yakanwatopne nin unipmi Nate,im pogi ovnagelou isen.
6
Iyi mori teligon wi,kandigi se Naviat kamanwi pogi ovon nimo tompor.'''
7
''Netai pogi nagelou ra nimo tompor ra nur Filatelfia:'Ovon nam eni iyi hai mori iyi tompor im itnehog----iyi kamnelkavi ki en Ndaivet,iyi kamentai pelak im tawi hai meihai kamesompat,kamesompat im tawi hai mei hai kamagkili nsompat.
8
Yakamagkili se kupmompi su.Okhi yakamantipe hai pokitampet iturtai pelak mori tawi hai meihai kagkili nsompat.Yakamagkili ma kumampai hai ntorogat ndomo virokgo,kou kwonatkisak malkolki nam enyau im.mutunwi avni nig.
9
Ukhi! Iror mori niskon nimo tompor en seitan mori kumagku iror ovoteme Iudia kou ntawi kou iror ovon netramlai----Yokonompi wampelom mosiesie ra netgon nomi,im wampelom worokili ma yakam nelintogkum.
10
Randan mori kumafinte ovon namalam enyau mafeli navlutnin noramel hormi,Yakafinte kimi hogku ra ndan tapmi mori kamampelom magku gi nmap wortapmi iror mori kumamurep ra nmap.Yakamam pelom itnom.Elkavsisi ra se
11
kokvai su ma tawi hai mei hai kampai pelak parogkik umpwavkor enogkik.
12
Iyi mori kamentantevakpe yokonompi iyi kampelom hai neturtur ra nimo tompor en Novu enyau.Tawi momu kagkili nve ilat parogi,im yokonetai iran nin Novu enyau,nin temne orog en Novu enyau (Ierusalem itvau,mori ma kameyep marogi pokup marogi Novu enyau),im nig itvau.
13
Iyi mori teligon wi,kandgi se Naviat kamanwi pogi ovon nimo tompor omwisu.
14
''Netai pogi nagelou ra nimo tompor ra nur Laodisia:'Ovon nam eni Amen,iyi mori kam nari ra siame su Novu yompi.
15
''Yakamagkili se kwompi,im ra kimi tawi netbon ku itrawau.Yakamnakayogi magku pe kuputbon ku nawau!
16
Mompi ma,ra kimi ovon tawi itretbon ku itrawau----kotwonetau yakalwo wogkum ra nogug.
17
Ra kumanwi magku,Yau hai neteme noute wi siame su enyau,im tawi hai sesai momu yokonakayogi.'Kou kutumagkili ma kimi hai nimo tompor kutum navos hai norgompunum,noromkor,nimtei, im itrompinmah.
18
Urigi ovon netvaru enyau.Uvasi tovonyau koul wargoni ra nom ma kwagkili nvelom noute wi,im monior hogkusu ovnemah itrhevo ma kwagkili nevakum ogi im mutwosesi nompinmah hormi,im worovuli nimetmi ma kwagkili noumaghi nur.
19
Yakamen tavsogi omwisu mori yakam nelintokond im yakamen tavsokond hokuse worete.Mompi ma,kwantur ndomo mampoli nomurep hormi.
20
Ukhi yakamantur potpot pokitampet im mementetai.Nagku saikusai kamandigi naviag im mementai pelak nogun selat mori ma.Yau yakampelak/yokonintor unisog nimo isen im kakwampag nandu,im iyi ndu yau.
21
Iyi sai mori kamen- tantevakpe,Yau yakam pogi horogsak iyi woretehep ndu yau ra lou enyau,hogkusu yaumep tantevakpe memantehep ndu Nate ra lou isen.
22
Iyi sai mori telgon wi kampandog mandigi se ma Naviat kamanwi pogi ovon nimo tompor.'''''