Reveleisen tamas:2 virok:1 mafeli-29
1
Pogi nagelou ra nimo tompor ra nur Efises netai imo:'Ovon nam eni iyi mori kamnelkavi ovon mosi mori(seven)ra norun meveh im mori kamnavan ilkuteven ovon(seven)non woretur en ovon nilar,
2
yakamagkili se kupmompi su im ovnompurak ndomo hormi im noramel mafeli navlutnin.Yakamagkili ma kuwagkili netwakayogi ovoteme ovnurgo.Yakamagkili ma kutapmi iror mori kumagku iror ovon aposol kou tawi,im kukili ma iror ovon namlai/tawi hogku.
3
Yakamagkili ma noramel hormi kamnelkavi navlutnin im kumuvai ovnohoru orog ra nig,im kutumagku hogkuse wi.
4
Kou yokotum nakayogi hai nompi ma memnam wi pogkum magku kuwisep nelintogi mori kumupmuvai mampum.
5
Kwontarugi vehpe ma iyi nur kumol wi.Utasiasie im moumompi siame kumompi mampum pe Nagku kutummon tasiasie yakam pelom pogkum im mampai pelak non woretur en nilar mori ra nampon.
6
Kou kumuvai(kumompi)se imo:kimutwakayogi se mori ovn Nikoletans ndwompi,mori yau hogku yau metwakayogi.
7
Iyi mori telgon wi kandigi sie Naviat kamanwi pogi ovon nimo tompor.Pogi iyi mori kamentantevakpe ampogi yakampogi/yakanwi pogi ma kampag marogi nei nomurep,mori kamante ra idis en Novu.'''
8
''Pogi nagelou ra nimo tompor ra nur Smirna yetai: 'ovnam eni iyi mori mampum im avni,iyi mori yimah im moumpelon ra nomurep nempigon hai momu:
9
''Yakamagkili ovon nohoru hormi,im ovon noromkor kumantewi,Kou kimi ovon siame hormi.Yakamagkili ovon tavuntan eniror mori kumagku iror ovon jus,kou iror tawi.Iror ovon nimo tompor en seitan/natmah.
10
Kutwametet mutwamtitogi se mori kompotpot kwampai wi ovnasau.Ukhi!Natmah tawi tantop kontavogi kimi irami nogkon ra nimo nogkogko ma kwampai ntapmi,im kwonasau ndan narwolem.kwonelkavsisi mafeli nmas wokon,im Yau yakampogkum umpwavkor ra nomurep.
11
Iyi mori telgon wi,Orgi se Naviat kamanwi pogi ovon nimo tompor.Iyi sai mori kamentantevakpe kotwagkili nokini iyi ra nmah penuri.'''
12
''Netai pogi nagelou ra nimo tompor ra nur Perkamam;'Ovon nam eni iyi mori itrako nogkom mnogkon gi nautugo/utvil eni:
13
''Yakamagkili iya nur iyi kumante wi,iyuwi nur mori lou ilvuk en natmah kamante,kou kumnelkavsivsi nig.Yakamagkili magku kutumanwavni tavniri hormi irag im ra ovon ndan en Antipas nompuvsok enyau,ntorogatveh ra tavniri,mori ma natmah kamantewi.
14
Kou ovon siame ovrok wokon yakamnakayogi woramwi pogkum:Kumnelkavi ima yuwi ovon nenwavsogi en Balam ma nogkon irami mori iseleli Balak wortouri nagkau ovonyan Isrel mompi ndwoni nvag itursokwar su wi pogi Novu namlai im mumutampalau ra nteveta mori ur.
15
Im ra nokugo ima nogkon irami kwonelkavsisiveh ovon nenwavsogi en Nikoletan.
16
Uvoli nowami,mo nagku tawi kutum mampoli yakampelom itnomgo pogkum,im menavkat iror gi nautugo itrako marogi nogug.
17
Iyi mori telgon wi orgi se Naviat kamanwi pogi ovon nimo tompor.Pogi iyi mori kamen- tantevakpe,Yakam pogi wi ovon mana itrovuryogi,im yakam pogi hai nvat nehevo mori tawi hai meihai kagkili kou iyi wokon mori kamampai/kumampogi.'''
18
''Netai pogi nagelou ra nimo tompor ra nur Tiatira:'Imo iyi ovnam en Nitni Novu,mori ovon nipmi hogkusu hai navlar nom ra nom im ovnom hogkusu brouns itriyorveh:
19
''Yakamagkili se ma kwompi:nelintogi im tavniri im ovon talou hormi im ovon noramel mafeli navlutnin.Yamagkili ma se kwompi ra ndan ihi iyi kotelwogi se kumompi ra mampumpe.
20
Kou hai sesai iyihi yakam nam wi pogkum:Kimutwakayogi veh nahiven Jesebel,mori yehepen novrogi iyi pe iyi hogku hai nahiven profet.Kou ovon nenwavsogi isen iyi touri nagkau ovnurie enyau worompi ovon tampalaundi im woreni ovon nvag nduviysokwar su pogi ovon novu namlai.
21
Yokovogi hai ndan worovoli nowan ra ovon tampalau,kou iyi kotum nakayogi worovai nowan ra ovon tampalau.
22
Ukhi!Yokontavogi iyi ra hai nevlok itramarat im iror mori kumnompi sat gi tampalau ndal iyi ra nasau nivoris,nagku kutumampoli nowant ra ovon nompi isen/eni.
23
Yokontalogi ovonyan eni wamah,im ovon nimo tompor su wagkili ma.Yau iyi mori yakam nohor ra ovon taru im patmonuk.Yakam pogkum kimi haitevengo marogi ovon nompi hormi.
24
Kou ponor omwisu mori ra nur Tiatiria,pogi iror mori kutumnelkavi ovnenwavsogi imo,im mutumagkili se umpwap en seitan---pogkum yakamagku,'yokotumantipe hai momu ovnompuktom irami.'
25
Ra ovnsiame nogkon,kwonelkavsivsiveh mafeli torilki enyau.
26
Iyi mori kamentantevakpe im mum nompi se yau mepmompi mafeli navlutnin,pogi iyi yakampogi horogsak worefinte ovon nompuwo ginmah.
27
'Iyi konari wi gi hai (iron rod,)hogkusu ovon wortalgi nu nduompi gi vera iyi kontavtiti ovrokovrok.'
28
Hogkusu yakepai/yokokvai marogi Nate,yakampogi hogku mosi yaroh.
29
Iyi mori telgon wi orgi se Naviat kamanwi pogi ovon nimo tompor.'''