¹ Penuri siame imo yau morigi se navian yamsak hogkusu hai navian ovoteme ginmah ra pokup ndumuku/ndumunwi,''Haleluia.Neiyowara,nilaslaswi,im horog pogi Novu soret. ² Ovnurian isen iror ov'nitnesog im iotrogko wokon,ra iyi kurian ra netukus mori yokini nmap gi ovon tampalau tawi armai.Iyi kamentamsi ra ovnde en ovon levsau eni mori yompi yalou.'' ³ Ndwam nduru gi:''Haleluia!Im nogonom isak iran uvruni.'' ⁴ Ovon elda mori narwolem nduru im tavgone ndvat im ovon nurak mori itromurep ndumol unmap im muteveta ra Novu mori yemetehep ra lou horog.Ndumunwi muku''Amen.Haleluia'' ⁵ Im hai navian ivelom ilat ra lou horog,memoku,Teveta ra Novu soret,kimikomwisu mori ovon levsau isen,mori kumo siesie iran,kimi tawi nindwi horogsak.'' ⁶ Im yau morgi hai navian hogkusu navian ovoteme,gihmah,hogkusu nu ginmah,im hogkusu ovon yowar ra yowar,ndumuku,''Haleluia!Ra novsurumon kam nari,Novumori kam nari ra omwisu. ⁷ Kolenavos im lenavos im mlampogi iyi nilaslaswi ra nempuklak nsemsimogi en pogipogi kokvelom,im iyi mori konetovrogi kokvelom su. ⁸ Ndutenimpe iyi worevaigi nemah itrilar im nemah armai''(ra nemah armai iyi tanpoves nompi en ovon tavniri). ⁹ Nagelou yemenwi poyau,''Etai sie imo:Nevaiyeves iror mori kutagklor worvelom ra nempuklak en Pogpogi.''Iyi yumenwi poyau,''Imo iror ovon nam itnesog en Novu.'' ¹⁰ Yau momol ra non worteveta iran,Kou iyi yenwi poyau memoku,''Kotwonompi imo se poyau!Yau hai levsau ndu kik im rapmuhaime mori kumnelkavi nompuvsok ogi Iesu.Teveta ra Novu,ra ov'nompuvsok ogi Iesu iyi naviat ra ovon nam en ovon profet.'' ¹¹ Im yau mokhi pokup itaipelak,im memokhi im hai woh/hos nehevo yemetur.Iyi mori yemetehep ra ntan nin tavniriveh im itnesog.Iyi gi tanpoveh kamnurian im memampogi nvasi ov'navkat. ¹² Nipmi hogkusu navlar nom,im ra nompun ovon umpwavkor ginmah.Iyi nduwotai wi hai nin mori tawi hai mei hai kagkili kou iyi pe iyi wokon kamagkili. ¹³ Yevai ogi hai nemah mori avwi gi nde,im nin nduvrogi moku nam en Novu. ¹⁴ Ovon navkat unpokup ndumuri ra ovon woh/hos itkohovo go,movargi ovon nemah armaigo ovnehevo im itkohovoeh. ¹⁵ Yempelom ilat ra nogun hai nautugo itrakoveh mori wortai gi ovon nompuwo su woyep,im iyi konari irand gi hai ayen.Iyi kantur ra nur worayei vinde ra nom ra narakai en Novu ra Nusian. ¹⁶ Iyi hai nin wi ndwotai ra nemah isen im ra nvan:''Natmonuk en Ovatmonuk im Novsurumon im ov'Novsurumon.'' ¹⁷ Yau mokhi hai nagelou yemetur ra nen.Yemahorsak gi navian itursak pogi ovon menuk mori kumagkep ra nompuwau,''Uvelom,musemsi mogkum ra nehekar orog en Novu. ¹⁸ Uvelom moni ov'noklehiran ovatmonuk,ovnoklehiran ovon nin wi,ov'noklehiran ovoteme ra nusian ov'noklehiran ovon woh/hos im ovoteme rantan woh/hos im ov'nokehsiran ovoteme,omsaksu ovon wokon im torogat wokon,iror mori tawi nind im ovon horog sak ¹⁹ Yau mokhi nurak im ovatmonuk ra nmap ndal ov'navkat eniror.Ndute hai teven woravkat ndal iyi mori yemetehep rantan woh/hos im ov'navkat isen. ²⁰ Nurak mori ndulkavi im ndal profet namlai mori yemompi ovon sesi ra nipmi.Ogi ovon sesi mori ma iyi yempiri gi iror mori nduvaisu lator en nurak im mori mumonteveta ra Novu namlai.Nduru irand ndutavokond nduyep ra nom kamnau gi nal itraususak. ²¹ Omwisu iror ndutalokond gi nautugo mori ivelom ilat ra nogun iyi mori yetehep ra woh/hos.Ovon menuk su ndwoni ovon noklesirand iturmah su