¹ Im yau mokhi hai yemyep ra pokup.Iyi ivai wortaipelak pokitampet mori ra navran nur tawi navlutnin,im yivai hai nos ndomo ra norun. ² Iyi yelkavsisi uramal,nehekil netalam,mori iyi natmah ku idyapolo,im meitavsisi iyi nimsin nevi (wan tousen.) ³ Iyi itafogi iyi ra navranur tawi navlutnin.Isompat im kotwagkili novorvari gi ovon nompuwo su mafeli(wan tousen nevi)kamwi.Penuri yima wotenimpe iyi ilat kante virok ndanwokon. ⁴ Im yau mokhi ovon lou horog sak/potnomputwo.Ndumu tehep wi iror mori nduvonor torogat worurian.Yau mokhi hogku naviat en iror mori ndutantvi nowant ra ovnompuvsok mori gi Iesu im nam eni Novu.Iror ndutwakayogi nvai lator ra nelpafinend im norund.Nduvelom ra nomurep/ndwomurep,im ndwari ndal Kristu ra hai nevi(wantausen). ⁵ Ovon nmah nogkon ndututorilki ra nomurep mafeli(wan tausen nevi)ivelom ra navlutnin.Iyi hai nevsorsak mampum. ⁶ Nevaiyeves im tompor ra iyi hai mori kante ra ndan nevsorsak mampum!Rantan siame imo nmah penuri tawi hai horog eni.Iror wampelom ovoteme torenwi en Novu im en Kristu im wonari ndal iyi nevi(wan tausen). ⁷ Nempigon nevi(wan tausen)kamampelom ra navlutnin,Seitan/Idyapolo wontenimpe iyi kampelom ilat ra nimo nogkogko isen. ⁸ Iyi kampe worompi ovnompurak ndi ra ovon nompuwo su ra ovnur ndvatmagkau gi nmap--Kok im Makok--worvai iror haiteven/wosemsimokond woravkat.Iror wampelom iror ntamah hogku su narvin ra ntok. ⁹ Ndusak ra hai nur yaleives mpe isut im magkau gi ntemne en ovoteme tavniri,en Novu ra ntenme orog mori armaiveh.Ko nom iyep ra pokup im metnor. ¹⁰ Natmah,mori yovotokond,ndutavogi iyi ra nipmi navlarnom ra nal nehewate ra nur mori nurak im ovon profet namlai ndutavokond wi.Iror wampai nohoru pwakah im pumrok go uvruni. ¹¹ Im yau mokhi hai lou sak/ponomputwo nehevoveh im iyi sai mori yemetehep wi.Nmap im pokup ndwalou veh ra nipmi,kou tawi hai nur niskond woralou mampe wi. ¹² Yau mokhi ovon nmah--ndumutur ra lou horogsak,im ovnetai ndumutai pelak/ndutaipelak.Im hai momu netai ndutaipelak--Netai ogi nomurep.Ovon nmah ndumurian irand murigi se nduwotai gi ovnompi eniror. ¹³ Ntok iteisak ovon nmah mori ndumah ra ntok.Nmah im nehewate nduteihak ovon nmah mori ndute irand,im ovon nmah ndumu vai nurian ra se mori nduwompi. ¹⁴ Nmah im nur en ovon nmah ndutavokond ra navlarnom.Iyi nmah penuri--navlarnom. ¹⁵ Nagku tawi hai nin neteme kutumaghi ra netai Nomurep iyi wontavogi ra navlarnom.