Reveleisen tamas:18 virok:1 mafeli-24

1 Penuri siame imo yau mumokhi hai momu nagelou yemyep ra pokup.Nduvogi horogsak im nmap ivelom yovwarigi nilar gi nilaswi eni. 2 Iyi yagrisak gi navian orog,memoku,''Komol,Komol iyi Babilon temne orog! Itnahivenwi kokvelom hai nur niskon ovon natmah/nompo,hai nur worete wi niskon naviat ndi,im hai nur worete wi niskon ovnaviatndi im ovon menuk ovnurgo. 3 Ra ovon nompuwo su kumonki uvinde ra ovnompi ndi/nompi ur eni ovatmonuk ra nmap ndutampalau iran ovoteme su mori kumoseivasi ra nmap kuvelom noute wi marogi horog mori ra noklesiran mnurigi nete eni.'' 4 Im yau mumorgi hai momu navian ra pokup yemoku,''Alou parogi iyi,ovoteme enyau,ma kutwagkili nete ra ovon sat eni,im kuwagkili nvai ovnamarat eni/isen. 5 Ovon sat eni isemimogi kamantur potpot pokup,im Novu iyi kamentarugi lap ovnompi ndi isen. 6 Uvasi torilki iyi ra iyi yepasi torilki nogkon,im mampasi torilki iyi nempigon nduru ra sie mori ma yompi;ra hai woromonki iyi yompi,ompi niskon nempigon nduru momu. 7 Hogku iyi pe iyi kamandiokisak iyi im memanteveh,uvogi nohoru im norgi sat ma kandioki.Ra kamanwi ra nowan,Yakaman tehep hogku hai nahiven en natmonuk;Yau tawi hai nmah mawi,im yokotwaghi hai norigompunum.' 8 Mompi ma ra hai ndan namarat niskon kampelom:nmah norgompunum,im ntemah.Nom katni iyi,ra Novu Novsurumon iyi nusian,im iyi konuryan iran.'' 9 Ovatmonuk ra nmap mori ndutampalau ovnurgo im mutukili nelkavor marogi iyi wonagri im wonagri iran nempigon waghi nogonom iran kamnau.'' 10 Wantur isut parogi wamtitogi ovnohoru niskon,manwi magku,''Urves,urves pogi temne orog,Babilon,ntemne orogsak!Ra hai ndan navleh virok wokon narakai niskon kovelom.'' 11 Iror mori kumoseivasi ra nmap ndwagri im mutogi iyi ra tawi hai meihai pivasi ovon siame seivasi isen-- 12 ovon seivasi gi koul,silva,ovon nvat armaigo,ovon perel,ovnemah armaigo,telemte im ntok nemah itremelukluk,nosokavlarsu,ovon nei nempen nipmisu ovon siame itkohovo,ovon siame ndwompi gi ovnei armaigo,brouns,ayen,mabol, 13 ovon tan nei itraiyok nempen veh itretni nempenveh,itrempenveh ov nelien nei,nempenveh,vinde,ndompon ov'nei ku novgun 14 Ovon novugnei mori kimmatkihakgi worokhi fan gi horog enogkik kalou parogkik.Ovon ndan armai im nete veh kaikoiki su,tawi momu kometwaghi. 15 Ovoteme seivasi mori ra ovon siame imo mori nduvelom noute wi wantur isut parogi iyi ra wamtitogi ovon nohoru iran,im norigompunum kosak. 16 Iror wanwi magku,''Urves,urveh ra ntemne mori orog mori yevaiogi nemah armai gi telemte im tok,im gi navlarveh,im muvyiyor gi koul,ovon nvat armaigo,im ovon perels! 17 Ra hai navleh ovon noute mori ma omwisu kampe wokon.''Ovon nompun lousu,iror mori ra ntok,ovoteme ra lou,im iror mori kumampag go ran tok,ndutur isut parokond. 18 Nduwagri sak nempigon ndumukhi nogonom yemsak ra yemau.Ndumuku,''Ntemne orog itokwo hogkusu ntemne imo orog?'' 19 Nduteihak pentop ra nompunt,im magrisak,nagri im norigompunum,''Uves,urveh ra ntemne orog ra nur mori iror ovon lou wi ra ntok nduvelom noutewi marogi iyi.Ra hai navleh iyi kokvelom itursaiki.'' 20 ''Wavoh rantan iyi,pokup,kimi ovon ntavniri aposol im ovon profet,ra Novukotipe nurian iran!'' 21 Hai nagelou ra nusian ivai hai nvat hogkusu hai nvat orog kumalki ra nowan neteme im tavogi ive rantok,memoku,Ra nokugo wi Babilon ntemne orog,wontavogi iyi unmap gi nesesau im kumut waghi ra hai nur momu. 22 Ovon navian mori ovoteme neli tovwi nipmisu,kutwagkili norgor momu iram.Tawi momu iror mori kumampai siame iram.Tawi momu ovon nur worayok wandgi iram. 23 Nilar ra hai nilar tawi momu waghi iram.Navian ovon nempuklak tawi momu wandgi iram,ra nmap,im ov'nompuwo su ndwompiri irnad ra ovon ntaviwar. 24 Iran nde en ovon profet im ov'ntavniri ndukhi,im nde en iror mori ndutalokond ra nmap.''