Reveleisen tamas:15 virok:1 mafeli-8

1 Im yau mum mokhi hai nsavi unpokup nivorih im armaives:Ovon nagelou (seven)nduvai ovon namarat ovnurgo(seven,)ovon siame avni,ra irand narakai en Novu kagkompli. 2 Yau mokhi se yempelom hogku hai ntok yomorinu veh menpar norkon gi nom.Ndumutur potpot ntok iror mori ndutantevakpe ra nurak im nsavi iran,im ovon lator ra nin iyi.Ndumulkavi ovon tovwi Novu yovonor. 3 Ndu marufo narufo Mouses,levsau en Novu,narufo ogi pogpogi:''Horog sak im aremaives ovon nompi horom,Novu Novsurumon ra nusian.Itrogko im itnehog ovon nompi horom Natimonuk ra ovon nompuwo su. 4 Mei momu kotwagkili nemtitogi kik,Novsurumon,im nilaslaswi ra nim?Ra kik wokon tompor.ovon nompuwo su ra nmap wampelom im monteveta ra nimtom ra tomporveh enogkik kemesesok ogi.'' 5 Penuri siame imo yaumemokhi,im nimo tompor yovwar gi ovon nompuvsok itai pelap unpokup. 6 Marogi nur tomporveh ovon nagelou(seven)nduvelom ndunulkavi ovon(seven)ovnamarat.Ndwovar ogi ovon sentiviveh ovnemah itrilar magkau gi nemengond. 7 Hai irant ra ovon nurak mori ndvat yovogi ovnagelou ovon worevai siame yovwar gi ovon narakai en Novu,mori kamante uvruni. 8 Nimo tompor yovwar gi nogonom marogi nilaslaswi en Novu,im horog eni ,Tawi hai mei hai pintor iyuwi mafeli ovon namarat mori ma(seven)marogi ovon nagelou(seven)yokompli.