¹ Yau memokhi im mokhi Pogpogi yemetur ra Nompuwo Saion.Ndu iyi iror 144,000 mori nduvai nin im nin Itment ndwotai ra nelpavinent. ² Yau morgi hai navian ra pokup yemorari hogku ovon nu ntamah im yowar yem yowar ndomo.Navian mori yaumorgi hogkusu ovoteme ndumu vuvugi ivon tovwi eviror. ³ Ndwarufo hai narufo itvau ra lou horog im ra nipmi ovon nurak mori ovnitromurep ndvat im ovon elda.Tawi hai pokili ntavsogi imo narufo kou iror wokon mori 144,ooo mori nduvai iror ra nmap. ⁴ Imo iror mori ndutuyomple gi ovahiven,ra ndufinteveh iror marogi tampalau muteveh.Imo iyi iror mori kumnuri Pogpogi iya nur kamampe wi.Imo nduvasor pelak iror marogi ovoteme hogkusu ovon novwan mampum niskon Novu im niskon Pogpogi. ⁵ Tawi hai namlai pukhi ra nogund;iror ovon wokon. ⁶ Yaum mumokhi hai nagelou yemokep umelwo,mori ivai nam navosavos uvruni worenwi ponor mori kumante ra nmap--pogi ovnompuwo su,ovnompunarant,ovnam su,im ovoteme. ⁷ Yemahor gi navian itursak,''Usiesie ra Novu im muvogi nilaslaswi.Ra ndan navleh nurian kokvelom su.Uteveta iran,ra iyi mori yompi pokup,nmap,ntok,im ovon nutavwan.'' ⁸ Hai momu nagelou--nagelou penuri yemuri memenwi memoku,''Komol,komol Babilon orogsak,mori Iseleli ovon nompuwo woromonki vinde ra ovon nompindi.'' ⁹ Hai momu nagelou--nagelou ndehel ogi--yuror memenwi mwmoku gi hai naviansak,''Nagku hai maei hai kamenteveta ra narisak im nsavi iran,im mempai lator eni ra nelpafinen ku ra norun, ¹⁰ iyi hogku konomonki nogkon ovon vinde ra narakai en Novu,vinde mori kutorpesi tetukini ra wonomoki/woromonki ra nakan eni.Iyi mori kamnomonki nom imnalra nehewate en ovon nagelou tompor ra nipmi Novu im ra nipmi Ponpogi. ¹¹ Nogkon ra nagri ur eniror kosak umelwo tawi hai navlutnin,im iror tawi hai nemendog ra ovon ndan pwakah im pumrok iror mori ovon teveta ra nurak im nsavi iran,im omwisu mori kumampai lator ra nin isen. ¹² Igko iyi hai novrogi niskon iror mori kumantur ndomo ndal ovon ntavniri,iror mori kumnalkolki ovon namalam en Novu im tavniri ra Iesu.'' ¹³ Yokorgi hai navian ra pokup amagku,''Etai imo:Nevaiyeves iror mori ndumah ra Novsurumon.''O,''Naviat kamanwi,''Mompi ma iror wonemendog ra ovnompurak eniror,ra ovnompurak eniror konuror.'' ¹⁴ Yau memokhi,im hai nompwau itrehevo.Yemetehep Ra nompuwau hai hogkusu nitni neteme.Nompwavkor ra nompun itriyar/itrovwar gi koul im hai nautugo itragkau im itrako ra norun. ¹⁵ Im hai momu nagelou yivelom ilat ra nimo tompor im mahor gi navian itursak pogi iyi mori yemetehep ra nompwau:''Vai nautugo itragkau im matipotnin nervi/morvi mesemsimogi.Ra ndan wororvi im worsemsimogi kokvelom su,ra norvi im semsimogi ra nmap komkai su.'' ¹⁶ Im iyi mori yemetehep ra nompwau yemauyawi nautugo isen ra nmap,im ndurvi im musemsimogi ra ovon nenduk. ¹⁷ Hai momu nagelou ivelom ilat ra nimo tompor ra pokup iyi hogku ivai hai nautugo itragkau mori itrako. ¹⁸ Kou hai momu nagelou ivelom ra nur worsokwar wi mori ivai tantevakpe ra nom.Yahor gi naviansak pogi iyi mori ivai nautugo itragkau,''Vai nautugo itrako im semsimogi ra ovon novrompun ra kreip ra nalwon ra nmap,ra ovon kreip kumkai su marima.'' ¹⁹ Nagelou yawiawi nautugo itragkau eni ra nmap im semsimogi ovon kreip semsimogi.Itavogi ive ra nur vinde orog ra narakai en Novu. ²⁰ Nur nwai/nduvai wi vinde ilat ra temne orog,im nde yalou wi isak melkavi oroklag en woh/hos mori kumantipe wi braidel ra nogun,gi 1,600 stadia isak umelwo.